Македонија
Граѓаните да бидат внимателни при барањето азил, советува Ахмети
Граѓаните да не паднат во заблуда и да бараат азил во Белгија, апелираше денеска лидерот на ДУИ, Али Ахмети, коментирајќи ги засилените барања од македонски државјани за азил во оваа европска земја.
Граѓаните да не паднат во заблуда и да бараат азил во Белгија, апелираше денеска лидерот на ДУИ, Али Ахмети, коментирајќи ги засилените барања од македонски државјани за азил во оваа европска земја. „Сакам да апелирам граѓаните да не паднат во заблуда од разни далаверџии кои им кажуваат невистини и разни профитери што добиваат од оваа состојба. Мора да им кажам на сите што мислат дека Белгија е рајот на светот, дека тоа не е точно. Таму нема да имаат минимум услови за живот, за нормален престој. Таму ќе бидат сместени во субстандардни услови“, вели Ахмети. Синоќа со соопштение се огласија и од Белгиската амбасада, во кое се вели дека престојот подолг од три месеци се смета за нелегален. „Македонците кои бараат азил во Белгија имаат многу мали шанси да го добијат. Белгија дава азил според критериумите на Женевската конвенција, но не и заради економски причини. Поднесувањето на барање за азил во Белгија нè дава и право за добивање парична помош, или пак, работа. Во овој момент, капацитетите за прифаќање и за сместување се пополнети: ризикот да се остане на улица, без сместување е реален. Одбивањето на добивање статус на бегалец, за овие граѓани, повлекува и наредба за напуштање на територијата“, се вели во соопштението од белгиската амбасада. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.
Македонија
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на Претседателските избори на 24 април.
Како што е објавено на веб страницата на ДИК, заклучно до 19 април, акредитирани се 342 домашни и 568 странски набљудувачи и преведувачи, од кои најбројни се од ОБСЕ/ОДИХР.
Парламентраните избори во земјава ќе ги следат над 2000 домашни и странски набљудувачи.
Изборите за шеф на државата ќе ги следат и странски новинари.
Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај.