Македонија
Стечајците утре на протест
Стечајците утре излегуваат на протест пред Владата на Македонија за да го изразат незадоволството за односот на Владата и Премиерот кон нивното прашање.
Стечајците утре излегуваат на протест пред Владата на Македонија за да го изразат незадоволството за односот на Владата и Премиерот кон нивното прашање.„Се извинувам на граѓаните на Скопје за метежот кој ќе се случи утре, но се надевам дека ќе разберат во каква ситуација сме доведени. Истовремено ги повикувам Скопјани, да ни се придружат на протестот,“ изјави Љиљана Георгиевска, кој најави дека стечајците во 11 часот ќе се групираат кај Автокоманда и ќе појдат пешки до Владата. Според неа на протестот се очекуваат да дојдат најмалку 1500 стечајни работници.Основно барање на утрешниот протест на стечајците е средба со Премиерот Никола Груевски или со Министерот Зоран Ставревски, и одговор од нивна страна зашто една година не е ниту започната постапката за решавање на проблемот. „Секаде на Запад, без разлика дали е фирмата државна или приватна кога таа оди во стечај, работниците ги имаат истите права и обврски да примаат надоместок од државата за цело време додека не бидат повторно вработени или евентуално додека не станат пензионери,“ изјави Драган Јовановски, од Сојузот на синдикатите на Македонија.„Очекуваме од Груевски конечно со нас да седне и да го решиме проблемот. Доколку ова не се случи, ние ќе објавиме граѓанска непослушност, и сите сметки кои ќе дојдат на наше име ќе ги препраќаме во Владата на Република Македонија, бидејќи ние немаме од каде да ги платиме,“ рече Георгиевска. „Ние сме уште живи и нема да попуштиме со притисоците додека не се исполнат нашите барања,“ додаде таа.Стечајците веќе неколку месеци штрајкуваат со глад за решавање на нивниот статус. Тие бараат лицата кои имаат над 15 години работен стаж и старост над 53 години за мажи и 50 за жени да добијат по 100 евра месечно, односно како што рекоа да дојдат до „пари за леб“./крај/ко.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Мицкоски: Постојниот простор на СВР Охрид ќе се стави во функција на градот, надземно ќе биде убав парк, а подземно катна гаража
„Денеска на покана на министерот и градоначалникот сум во Охрид, да дадам и јас лично поддршка на проектот кој тие двајца го најавија дека тоа ќе биде еден од приоритетите на идната влада на ВМРО-ДПМНЕ и Коалицијата Твоја Македонија. Станува збор за простор на СВР Охрид кој ќе се стави во функција на општина Охрид или ќе биде надземно убав парк, а подземно катна гаража“, кажа лидерот на ВМРО-ДПМНЕ, Христијан Мицкоски.
„Ценам дека треба да се слушаат потребите на граѓаните, треба да се слушаат потребите на тие кои се избрани од граѓаните.
Ценам дека на овој начин ќе се овозможи еден поголем комфор во рамките на градското централно подрачје во Охрид во оној дел каде што е туристичка зона и ценам дека како држава треба да поддржуваме проекти кои ќе значат додадена вредност за средините во кои се прават. Еден од тие проекти е овој овдека.
Така што уште еднаш од мене голема благодарност и до министерот и до градоначалникот на поканата. Очекувам вакви и слични проекти и во иднина во други области во Македонија“, изјави Мицкоски.
Сервисни информации
Сообраќајот на патот Прилеп-Македонски Брод, се одвива наизменично по една коловозна лента
Во 14:58 часот сообраќајот на регионалниот пат Прилеп-Мак.Брод, сообраќајот се одвива наименично по една коловозна лента.
АМСМ информира дека сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Апел за помош за малиот Војдан
„Почитувани, ви се обраќам како очајна мајка на Војдан, кој е дете со церебрална парализа. Војдан е предвремено родено дете, кој е борец уште од првата секунда од неговиот живот. 71 ден ги помина во инкубатор, на респиратор, со мал милион дијагнози и прогнози, но тој се избори и си дојде дома.
Кога мислевме дека нема крај на нашата среќа. Господ повторно ни го зададе најголемиот удар, на Војдан му дијагностицираа Церебрална парализа. 8 месеци ги поминавме по болничките лавиринти во нашата држава, со што немаше значителен напредок. Од негови 11 месеци, одиме на рехабилитација во Загреб. Одиме секој месец и остануваме таму по една недела. Војдан има сериозен напредок во неговата битка, која продолжува и од кога ќе се вратиме дома. Секојдневно има физикална терапија, со што јас како родител сум обучена да работам со него, дефектолошки и логопетски третман одиме на приватно. Фондот за здравство не ни го признава лекувањето на Војдан, па цели овие години одиме со помош на нашиот хуман народ. Како мајка на која единствена желба и е здравјето на нејзиното дете, уште еднаш и до бескрај ги молам сите хумани граѓани кој се во можност да ни помогнат за Војдан да излезе како победник во битката“.
Информации околу кампањата за собирање на донации имате тука