Македонија
Потребен е реципроцитет во изучувањето на јазиците на заедниците
Потребен е реципроцитет во изучувањето на јазикот на другата етничка заедница, констатираа учесниците во дебатата „Двојазичноста и проблемите во образованието во Македонија“ што се одржа на УЈИЕ во Тетово.
Потребен е реципроцитет во изучувањето на јазикот на другата етничка заедница, констатираа учесниците во дебатата „Двојазичноста и проблемите во образованието во Македонија“ што се одржа на УЈИЕ во Тетово.
Учесниците во денешната дебата заклучија дека одлуката на Владата за воведување на македонскиот јазик за првoодделенците Албанци е избрзана.
Академик Али Алиу смета дека јазиците на другите етнички заедници треба реципрочно да се изучуваат. Тој додаде дека штетата е направена бидејќи децата веќе се инволвирани и дека треба да поминат години за да се репарираат последиците од ваквата одлука.
Професорот Елена Андреевска, член на Европската комисија за борба против дискриминација, смета дека Владата прво требала да го подготви теренот за оваа одлука, но и дека треба да биде свесна за последиците.
Вероника Карева, директор на Јазичниот центар на УЈИЕ смета дека во изучувањето на не мајчин јазик најважен е пристапот.
„Кога се воведува изучување на друг јазик треба да се внимава на пристапот и тоа да биде преку игра, песнички, а не веднаш со граматика“, нагласи Карева и додаде дека од голема важност е и подготвеноста на наставникот и користењето на современи, а не традиционални форми на образование.
Според Карева, воведувањето на албанскиот јазик во македонските паралелките треба да започне од порана возраст, особено во етнички мешаните средини./крај/сс/иа
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.