Контакт

Македонија

Поставени 13.000 вреќи со песок како превенција од поплави

Објавено пред

Околу 13.000 вреќи со песок во последните два дена биле поставени на критичните места каде е можна појава на поплави, информираат од Координативното тело на Владата за справување со последиците од поплавите.

Околу 13.000 вреќи со песок во последните два дена биле поставени на критичните места каде е можна појава на поплави, информираат од Координативното тело на Владата за справување со последиците од поплавите. Како што информираат оттаму, на терен се ангажирани околу 300 лица, припадници на екипите на Дирекцијата за заштита и спасување, АРМ, Македонија Пат и од останатите институции што партиципираат во Координативното тело. Денеска било одлучено да продолжи и поставувањето на камен насип во Пештани, а истовремено да се продолжи и со формирање на насипи од вреќи со песок и земја во делот на крајбрежниот појас на Охридското езеро кај Калишта и Радожда, како заштита од ерозија на земјиштето поради зголемениот водостој. Нивото на Охридското езеро денеска е 24 сантиметри над критичната точка. „Координативното тело одлучи, доколку биде потребно, насипи со вреќи и песок да се поставуваат и на други локации“, вели Сашко Димов, портпарол на Министерството за одбрана. Интервенција е извршена на каналскиот систем во Пелагонија, со цел негово непречено функционирање. Санирање се врши и на речните корита во Тетово и Гостивар, каде поради смет е оневозможен нормалниот тек на водите. Санација се врши на патниот правец Битола – Ресен. Пренасочувањето на сообраќајот се врши преку регионалниот пат Р106 во должина од 5,5 километри. Тимовите на Координативното тело денеска се присутни во охридско – струшкиот регион, дебарско, полошко, пелагонија и на патниот правец Дебар – Струга кај Луково. /крај/ач



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија

(Видео) Спасовски: Буџетот на МВР за 2021 е развоен, за континуирано реформирање на полицијата

Објавено пред

Буџетот на Министерството за внатрешни работи за 2021 е развоен, за континуирано реформирање на полицијата, изјави министерот за внатрешни работи Оливер Спасовски.

Тој кажа дека предлог буџетот за МВР за 2021 година е  10.455.110.000 денари и е за 312.452.000 денари поголем од буџетот за 2020 година, односно е зголемен за 3.08%.

„Притоа, зголемувањето е обезбедено во ставките кои означуваат реконструкција и изградба на објекти, како и во непречена реализација на континуираното обезбедување униформи за полициските службеници и лична заштитна опрема. Сето ова укажува на развојната компонента на буџетот, која е во насока на подобрување на работењето и реализирање на сите активности што се во надлежност на министерството, како и непречено функционирање за остварување на основните стратешки приоритети и цели, согласно стандардите на НАТО и ЕУ“, истакна министерот за внатрешни работи.

Како дел од проектите е продолжување на проектот за реконструкција и изградба на полициските станици, имајќи предвид дека во претходниот период беа делумно или целосно реконструирани 45 објекти на министерството, во сите сектори за внатрешни работи, а се отпочна со изградба и на Центарот за санирање од катастрофи и обезбедување на континуитет во работењето во Прилеп, како и на градбата на новите современи форензички лаборатории.

Покрај ова, министерот Спасовски го образложи и проектот „Надградба на постоечкиот софтвер за идентификација“, предвиден во новиот буџет, со кој се зголемува откривачката функција на полициските служби.

„Втората основна цел, која преку овој развоен буџет сакаме да ја оствариме, а е суштински испреплетена со првата, е создавање на модерна, опремена, стручна, ефикасна, но и задоволна полиција, која ќе биде блиска до граѓаните и на законит, стручен, транспарентен и одговорен начин ќе ги гарантира нивната целосна лична и имотна сигурност, и ќе продолжи одлучно и неселективно да се справува со организираниот криминал и корупцијата и успешно да работи во превенција од сите облици на тероризам и други противуставни дејствија“, појасни Спасовски.

Тој кажа дека е направено кратење на средства кои претставуваат непродуктивни трошоци.

„Така, не се превидени средства за купување на мебел и за возила, односно дел од овие средства се пренасочени за набавка на опрема, согласно стандардите и барањата за интеграција во ЕУ и НАТО“, рече Спасовски.

По минатогодишното доброволно исплаќање на 139.589.212 денари за бонус плата на 5.012 вработени за оствaрени над 150 часа прекувремена работа на годишно ниво во текот на 2019 година, министерот Спасовски најави дека со буџетот за 2021 повторно се обезбедени средства во износ од 150.000.000 денари за бонус плата за 2020 година. Покрај ова, а благодарение на остварените заштеди во годинешниот буџет, обезбедени се и средства за исплата на бонус плата во износ од околу 78.500.000 денари за 2017/2018, чија реализација ќе се одвива во наредниот период.

Прикажи повеќе...

Македонија

40.000 евра од општинскиот буџет на Битола за изградба на модуларна болница за Ковид-19

Објавено пред

Општината да се вклучи во изградбата на модуларен ковид-центар во Битола беше решено денеска, откако се одржа вонредна седница на Советот на општина Битола, на која едногласно се донесе одлука за донација на нови 40.000 евра, средства од општинскиот буџет.

Пред советниците се најде програмата за поставување на модуларен ковид-центар во дворот на Клиничката болница во Битола, како и одлуката за давање на донација на Клиничката болница „Д-р Трифун Пановски“ за изградба на центарот.

Од општина Битола информираат дека досега, на сите здравствени установи во градот, по разни основи за помош во ковид-кризата им се донирани над 80.000 евра.

Прикажи повеќе...

Македонија

(Видео) Николоски: Срамот на Зоран Заев да не дозволиме да стане колективен

Објавено пред

Два дена по скандалозното интервју, наместо Зоран Заев да се извини и да се повлeче од изјавите кои претставуваат удар на темелите на македонската држава и самобитноста на македонскиот народ, тој уште подлабоко навлегува во небулози и навреди кон својот народ, рече денеска на прес-конференција потпретседателот на ВМРО-ДПМНЕ, Александар Николоски.

Според него, Заев е изолиран во намерата да го избрише македонскиот национален идентитет и да се откаже од историјата.

„Тоа ќе има далекосежни последици, кои ќе значат македонската држава да нема право да се темели на илинденското и антифашистичко наследство, тоа е она што го прави Зоран Заев овие денови“, нагласи Николоски.

Потпретседателот на опозицизката партија вели дека кога Заев ги прогласува окупаторите за ослободители, со тоа македонските антифашисти, кои се вистинските ослободители, ги става на другата страна.

Николоски смета дека Заев ова го прави за, како што вели, голо останување на власт и уште малку финансиска корист и интерес за него и неговите блиски.

„Ова што го прави е целосно рушење на позициите на Република Македонија на трајна основа, ова што го прави значи целосно рушење на каква било преговарачка позиција на Република Македонија во иднина. И затоа што побргу треба да си поднесе оставка и да си замине“, рече Николоски додавајќи дека ВМРО-ДПМНЕ по завршувањето на 100-те дена од доаѓањето на владата, ќе иницира прашање за доверба на Владата во Собранието на Република Македонија.

Прикажи повеќе...

Најново

Македонија2 часа

(Видео) Филипче: „Мој термин“ функционира, нема одложување на хроничните интервенции

Системот „Мој термин“, освен во некои клиники каде што е редуциран, насекаде работи нормално. Нема одложување на хроничните интервенции, изјави...

Економија3 часа

Поради стравот кај јавноста, АЕК распиша тендер за изработка на студија за влијанието на 4Г и 5Г-мрежите

Агенцијата за електронски комуникации (АЕК) распиша меѓународен тендер за изработка научна студија за влијанието на зрачењата од 4Г и 5Г-мрежите...

Регион3 часа

Словенечки педијатри: Некои деца заразени од Ковид-19 имаат потешка клиничка слика

Иако децата главно ја поминуваат инфекцијата со коронавирус без или со благи симптоми, тие поради силната имунолошка реакција може да...

Македонија4 часа

Филипче: Охрабрува бројот на оздравени

„Епидемијата го достигна пикот минатата недела, сега бројките се стабилизираат, а Р-факторот на преносливост е 1“, вели министерот за здравство,...

Свет5 часа

Трамп: Испораката на вакцина против коронавирусот почнува следната недела

Американскиот претседател, Доналд Трамп, објави дека испораката на вакцина против коронавирусот ќе почне следната недела, пренесува „Ројтерс“. Во разговор со...

Свет6 часа

Истражување: тестирањето на антитела покажува помал број лица заразени со коронавирус

Тестирањето на антитела во крвта за да се утврди инфекцијата со коронавирус дава помал број во споредба со реалната состојба...

Свет6 часа

СЗО: Вакцината ќе ни даде контрола над вирусот

Еден од главните експерти на Светската здравствена организација (СЗО), Мајк Рајан, рече дека почетокот на употребата на вакцината против коронавирусот...

Свет6 часа

Болсонаро: Не сакам да се вакцинирам

Бразилскиот претседател, Жаир Болсонаро, изјави дека нема да прими вакцина против коронавирусот. Тој во видеообјава преку социјалните мрежи вели дека...

Спорт7 часа

Погребан Диего Армандо Марадона

Легендарниот аргентински фудбалер, Диего Армандо Марадона, кој почина во средата е погребан во Буенос Аирес. Илјадници навивачи низ улиците на...

Свет7 часа

За еден ден потврдени повеќе од 577.000 нови случаи на Ковид- 19

Повеќе од 577.000 нови случаи на Ковид-19 се потврдени за еден ден во светот, објави Светската здравствена организација (СЗО), со...

Свет7 часа

(Видео) Трамп: Ќе ја напуштам Белата куќа

Американскиот претседател Доналд Трамп изјави дека ќе ја напушти Белата куќа доколку Изборниот колеџ ја потврди победата на демократскиот кандидат...

Свет7 часа

Милиони Американци отпатувале на семејни средби за Денот на благодарноста и покрај предупредувањето да не се групираат

Mилиони Американци отпатуваа на семејни средби на Денот на благодарноста и покрај предупредувањата на експертите да не го сторат тоа...

Македонија18 часа

Во Македонија 1.160 нови случаи на коронавирус, 30 лица починаа

Во последните 24 часа потврдени се 1.160 нови случаи на коронавирус, 30 лица починаа, а 1.094 оздравеа, соопшти Министерството за...

Македонија20 часа

Рот: Северна Македонија запиша историја со договорот со Бугарија, тоа сега треба и да се награди

Северна Македонија запиша историја со Договорот за пријателство со Бугарија, но и со решавањето на спорот за името со Грција,...

Македонија21 час

Захариева: Бугарија ги блокира преговорите за Северна Македонија поради говорот на омраза

Бугарија ќе го блокира почетокот на преговорите на Република Северна Македонија со Европската Унија  сè додека не го напушти говорот...

Европа21 час

Италија го воведува првиот „ковид-фри“ воздушен мост меѓу Европа и САД

Италија ќе го пушти првиот „ковид-фри“ воздушен мост меѓу Европа и САД за патниците со негативен тест на коронавирус, со...

Регион23 часа

Хрватска воведува строги мерки – се затвораат рестораните, училиштата, фитнес-центрите…

Премиерот на Хрватска, Андреј Пленковиќ, ги претстави новите строги мерки за борба против коронавирусот, кои ќе траат најмалку до 21...

Македонија23 часа

На вработените во МВР ќе им бидат исплатени заостанатите бонус плати за 2017 и 2018 година

Министерот за внатрешни работи, Оливер Спасовски, денеска имаше он лајн состанок со претставници на Македонскиот полициски синдикат, предводени од претседателот...

Македонија1 ден

Црвенковски: Го замрзнувам членството, изјавите на Заев направија огромна штета

Поранешниот претседател и основач и долгогодишен претседател на СДСМ, Бранкo Црвенковски, во јавно обраќање до раководството и членовите на СДСМ...

Македонија1 ден

Заев: Фашистичката окупација била присутна, но не можете за цел народ да кажете дека бил окупатор

Македонскиот јазик и македонскиот идентитет не се на маса за преговори, вели премиерот Зоран Заев одговарајќи на новинарски прашања поврзани...

Досие