Македонија
Хидролошката состојба во Македонија стабилна
Хидролошката состојба во Македонија е стабилна и не се забележани промени на водостојот на критичните места, информираат од Координативното тело на Владата за справување со последиците од поплавите.
Хидролошката состојба во Македонија е стабилна и не се забележани промени на водостојот на критичните места, информираат од Координативното тело на Владата за справување со последиците од поплавите. „Според информациите од утринските мерења, нивото на водостојот на Охридското Езеро е на истото ниво како и претходните денови. Промени во водостојот не се забележани ниту кај акумулациите Глобочица и Шпилје“, вели Драган Симоновски, портпарол на Министерството за транспорт и врски. Според информациите од УХМР, во изминатото деноноќие во Охрид наврнале 13 литри на метар квадратен, додека од езерото се испушта вода со интензитет од 60 литри во секунда. Водостојот е стабилен и во Пелагонија и Полошко. Од Координативното тело информираат дека сообраќајот на релацијата Битола – Ресен кај месноста Ѓавато се одвива по алтернативен пат без застои. Уредување се врши на коритото на реката Дрим со цел подобар проток на поголемо количество на вода. Заштитни мерки за превенција од евентуални нови одрони се превземаат на патниот правец Маврово – Дебар. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Штипјанец и скопјанец фатени како ги фотографираат гласачките ливчиња, а жител на Бучим му го покажал ливчето на набљудувач
Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач, изјави портпаролот на МВР, Тони Ангеловски.
Тој додаде дека досега МВР нема регистрирано посериозни нарушувања на јавниот ред и мир при гласањето, односно гласањето се одвива мирно и без проблеми.
Ангеловски дополни и дека димна бомба има на гласачко место, а пријавени се и летоци врз паркирани автомобили во Чаир и графити.
До 11 часот е пријавено дека на гласање излегле 229.473 граѓани и одѕивот од 3,85, колку што беше до 9 часот, се искачи на 12,78 отсто.
Македонија
Димна бомба на гласачко место, летоци врз паркирани автомобили во Чаир и графити пријавени во МВР
Портпаролот на МВР, Тони Ангеловски, информира за текот на изборниот процес од отворањето на избирачките места.
„Досега МВР нема регистрирано посериозни нарушувања на јавниот ред и мир при гласањето, тоа се одвива мирно, без проблеми. Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, Радовишко, има едно лице што го покажало гласачкото ливче на набљудувач.
За сите овие настани, како што вели тој, се преземаат мерки за расчистување на случаите.
„Покрај тоа, на територијата на општина Чаир се забележани летоци, кои биле оставени на паркирани возила, а исто така се испишани и два графита. На едно гласачко место во Скопје, покрај испишаниот графит, од страна на претседател на избирачки одбор е пријавено дека во 6.30 часот во ходникот е пронајдена димна бомба. Веднаш се преземени мерки и активности и на ова место гласањето се одвива непречено“, додава Ангеловски.
Апелира до граѓаните и учесниците на изборите – во текот на гласањето, до завршувањето, да се воздржат од какви било инциденти.
Македонија
На 12,78 отсто се искачи одѕивот до 11 часот, најголем во Демир Капија – 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија – 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјата право на глас имаат 1.814.317 граѓани на 3.480 избирачки места.