Македонија
Разбуди се: Инцидентот на плоштадот е етнички мотивиран
Албанското граѓанското движење „Разбуди Се!“ бара навивачките хулигани кои вчера дивееја на плоштадот Македонија во Скопје и повредија едно дете да бидат што поскоро казнети
Албанското граѓанското движење „Разбуди Се!“ бара навивачките хулигани кои вчера дивееја на плоштадот Македонија во Скопје и повредија едно дете да бидат што поскоро казнети.
„Разбуди се!“ во писмената реакција за настанот вели дека се работи за варварски напад на македонските хулигани против невини албански деца и бара од институциите итно да преземат мерки против хулиганите кои што ги тероризираат невините граѓани и отворено поттикнуваат меѓуетничка омраза и нетрпеливост помеѓу заедниците
„Ниту една тепачка, ниту една енциклопедија, ниту едно импонирање, ниту една манипулација за отселување на Албанците од Куманово и Скопје, ниту еден проект нема да ја постигне целта за да ги снема Албанците од нивните вековни предели, затоа апелираме до сите креатори на вакви проекти да се откажат од овие ѓаволски намери кои што се обидуваат да ги реализираат со животински методи!“, се вели во соопштението на граѓанското движење.
Оттаму тврдат дека се работи за истата група на хулигани е што лани летото ги нападна граѓани во Нерези.
„Министерството за внатрешни работи, наместо да ги приведе веднаш, играше фудбал и се дружеше со оваа група на диви хулигани избегани од кафезите на зоолошката градина. МВР и Јавниот обвинител итно да преземат мерки против хулиганите кои што ги тероризираат невините граѓани и отворено поттикнуваатмеѓуетничка омраза и поттикнуваат нетрпеливост помеѓу заедниците“, бараат од Разбуди се!“.
На плоштадот Македонија вчера попладне се случи инцидент кога навивачка група што поминуваше низ плоштадот по фудбалскиот натпревар Вардар – Работнички со метални прачки и со бетонски коцки ги нападна посетителите на лизгалиштето./крај/со/кн/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски се сретна со амбасадорот на Турција: врвен приоритет е склучување на билатерален Договор за соработка во областа на безбедноста
Денеска, министерот за внатрешни работи Панче Тошковски и заменик министерот Назим Буши остварија работна средба со амбасадорот на Република Турција Н.Е. Фатих Улусој.
Министерот Тошковски на новоименуваниот амбасадор Улусој му посака пријатен престој и успешно вршење на амбасадорската функција, со желби за унапредување на билатералните односи меѓу двете земји.
На средбата беа отворени тековни прашања од соработката во областа на безбедноста, внатрешните работи и конзуларни прашања во надлежност на министерството за внатрешни работи, за што се потврдија заложбите за искрена соработка на овие теми.
Една од главните заложби е одржувањето на стабилноста и безбедноста на регионот, за што двајцата соговорници се согласија дека од врвен приоритет е склучувањето на билатералниот Договор за соработка во областа на безбедноста кој е во фаза на заемно усогласување.
Скопје
Едукативен мото настан утре во Кисела Вода
Утре, со почеток во 11 часот, пред салата Расадник, ќе се одржи едукативен мото настан од отворен карактер „Сите возиме, но некои знаат“.
На присутните од страна на лиценцирани инструктори, ќе им биде презентирани важноста за техничка исправност на моторното превозно средство (мопед, скутер, мотор), правилната употреба на безбедносна опрема за возење, како и справување во реални ситуации на улица.
„Низ дружење со претставници и членови од мото клубови, автошколи и здруженија ќе се изврши едукација за безбедно возење во и надвор од урбани средини, за брзината како фактор за општа безбедност и за намалувањето на загаденоста на воздухот преку користење на електрични превозни средства“, велат од општина Кисела Вода.
Македонија
Ќе се основа медицински факултет во Битола, усвоени се законските измени
Со усвоениот Закон предложен од пратениците на СДСМ основаме Медицински факултет во Битола, изјави пратеничката Жаклина Лазаревска.
Медицинскиот факултет ќе биде во состав на Универзитетот ,,Св. Климент Охридски” – Битола а ќе ги има отсеците за општа медицина, стоматологија, фармација и Висока медицинска школа.
Како што објави Лазаревска, наставните бази на Факултетот ќе бидат Клиничката болница Битола, Специјалната болница за кардиолошки заболувања „Свети Стефан“ Охрид, Специјалната болница за ортопедија и трауматологија „Свети Еразмо“ Охрид , Специјалната болница за нефрологија Струга и болницата со проширена дејност во Прилеп.
„Обезбедуваме висок степен на образование и обука за студенти кои ке станат идни лекари, со потребни знаења и вештини. Со основањето на Медицинскиот факултет Битола ќе го утврди своето место како регионален образовен центар и ќе даде можност на средношколците од градот и околните населени места, да студираат во своето место. Значително ќе допринесе во создавањето на нов стручен кадар, подобрување на здравствениот систем и одржување на високи стандарди за образованието, етиката и праксата во областа на медицината“, изјави Лазаревска.
Како што рече, ова ќе влијае на зголемување на квалитетот на здравствени услуги преку обучени и компетентни лекари за подобрување на здравјето на населението.