Македонија
Македонија не инвестира доволно во екологијата
Инвестирањето во еколошки проекти во Македонија сеуште не е на потребното ниво, а проблем е и недефинираноста на надлежностите во оваа област.
Инвестирањето во еколошки проекти во Македонија сеуште не е на потребното ниво, а проблем е и недефинираноста на надлежностите во оваа област. Министерот за животна средина и просторно планирање Неџати Јакупи најави дека ќе бара збивање на надлежностите од ресорот екологија. „Поради зачестените климатски проблеми, постои опасност од зголемен број на поплави, шумски пожари, но и еколошки катастрофи во индустријата, за што треба стриктно да се дефинира одговорноста и ингеренциите на надлежните институции“, рече Јакупи. Тој истакна дека за оваа година од буџетот не се предвидени средства за заштитените подрачја, ниту пак, за потребната „Црвена книга на загрозени видови“. „Перцепцијата кај нас е дека за екологијата треба да се обезбедат средства од грантови и донации, а не да се инвестира од сопствени средства“, рече Јакупи. Според него, населението често со отпор гледа на одредени еколошки проекти, бидејќи стравува дека доколку некоја област се прогласи за заштитена, истата ќе биде забранета за луѓето што не е точно. /крај/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Најголем двигател за регионална соработка во земјите од Западен Балкан е приклучувањето кон ЕУ
Денеска министерот за внатрешни работи Панче Тошковски имаше воведно обраќање на Инаугуративниот меѓународен симпозиум на Меѓународната асоцијација за безбедност на администратори на кампуси на агенциите за спроведување на законот (IACLEA).
Овој симпозиум ги опфати темите поврзани со сајбер безбедноста, спречувањето на криминалот од омраза, обезбедувањето при собири од поголеми размери, спречувањето и борбата против трговијата со луѓе и криумчарењето мигранти, а на истиот свое учество имаат и реномирани меѓународни експерти од оваа област, вклучително и од македонското министерство за внатрешни работи.
Истакнувајќи ја меѓусебната соработка во борбата против транснационалниот криминал, Тошковски во своето обраќање потенцираше дека:
„Географијата нé прави соседи. Историјата нé прави пријатели. Економијата нé прави партнери, а неопходноста од заедничко дејствување против сите закани и опасности – нé направи сојузници. Најголем двигател за регионална соработка во земјите од Западен Балкан е приклучувањето кон Европската унија. Во Европската Унија – регионалната соработка е средство за постигнување стабилизација, еден од чекорите за натамошна интеграција на ЕУ. Со други зборови, сите сме „за“ регионална соработка, но заради различни причини.“
Сервисни информации
Сообраќајот на патот Битола – Прилеп се одвива наизменично по една коловозна лента
Од 9.10 часот сообраќајот на патот Битола – Прилеп се одвива наизменично по една коловозна лента, информираат од АМСМ.
Сообраќајот на државните патишта се одвива непречено, по наместа влажни коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува приспособена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде што има можност од појава на одрони. Ова особено се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Бојмацалиев: 27 милиони денари вложени во објектот на ЕВР Гази Баба
Денеска, дополнителниот заменик-министер за внатрешни работи, Митко Бојмацалиев, оствари работна средба со раководството на Единицата за внатрешни работи Гази Баба, каде што беше брифиран за активностите и изготвените планови од СВР Скопје, а по кои постапуваат полициските службеници од оваа организациска единица, во насока на гарантирање на безбедноста на училиштата, јавниот превоз, сузбивање мигранти, обезбедување спортски натпревари итн.
„Во делокругот на кривичните дела на подрачје на ЕВР Гази Баба случени се 248 кривични дела што се гонат по службена должност, каде што за нив се сочинети 40 кривични пријави против 61 сторител и расчистени се 43 кривични дела“, информира Бојмацалиев. Притоа тој истакна дека вработените во ЕВР Гази Баба имаат драстично подобрени работни услови преку реконструираниот објект во вредност од 27 милиони денари.
„Кога станува збор за ЕВР Гази Баба, целиот објект е квалитетно решен и просторниот проблем на Отсекот за оружје, експлозивни и опасни материи – Скопје при Одделот за граѓански работи, но и на Единицата за недозволена трговија со дрога и оружје, унапредувајќи го квалитативното ниво на работа на овие организациони единици, кои се од исклучителна важност“, рече Бојмацалиев.
Во оваа пригода Бојмацалиев ги посети и раководителите на организациските единици во рамките на СВР Скопје, кои во моментот во ЕВР Гази Баба слушаат обука „Улогата на полицијата за време на изборите 2024“, во насока на гарарантирање безбеден и мирен изборен процес.
„Уверен сум дека колегите на обуката ќе ги утврдат веќе стекнатите знаења што ги демонстрирале и во претходните изборни циклуси. Можам да кажам дека МВР е целосно подготвено за спроведување фер, слободни и демократски избори по европски терк“, рече Бојмацалиев.