Македонија
Православните и католиците го дочекаа Христовото воскресение
Христијанските верници го прославија најголемиот празник Велигден, а централното одбележување на овој христијански празник беше во Соборниот храм „Св.Климент Охридски“ во Скопје.Илјадници припадници на христијанската вера со запалени свеќи го одбележаа Исусовото воскресение.
Христијанските верници го прославија најголемиот празник Велигден, а централното одбележување на овој христијански празник беше во Соборниот храм „Св.Климент Охридски“ во Скопје. Илјадници припадници на христијанската вера со запалени свеќи го одбележаа Исусовото воскресение. Точно на полноќ, Архиепископот г.г. Стефан ја прогласи победата над смртта и го објави Христовото воскресение.Традиционално според христијанските обичаи верниците со кршењето на црвени јајца си честитаа Велигден, а со тоа заврши и седумнеделниот строг пост. Македонските православни верници го прославија христијанскиот празник Велигден и во црквата „Св. Петка“ во Кисела Вода во Скопје. Народот почна да доаѓа во црквата уште во десет часот и празниот простор во црквата граѓаните го искористија да купат светена вода и да запалат свеќа за здравје на своите најблиски. На дваесетина минути пред полноќ отецот Томе Велјановски, кој ја водеше литургијата во „Св. Петка“, заедно со насобраниот народ, со свеќи во рацете, три пати ја заобиколи црквата по што се огласија камбаните. Отецот Велјановски со зборовите „Христос Воскресе“ го најави дочекот на Велигден, денот на Хрисотвото распнување на што народот возврати со зборовите „навистина воскресе“. Со околу 600 верници присутни во црквата кои се кршкаа со фарбаните јајца официјално беше прекинат постот кој речиси пет недели дел од нив го следеа.Освен православните, оваа година Велигден во исто време се слави и кај католиците, па затоа и во Скопје се собраа пред Католичкиот храм „Пресвето срце Исусово“ , каде на верниците им се обрати бискупот скопски и апостолски егзарх Киро Стојановски.„Велигден е раѓање на еден нов свет и еден нов живот. Христовото воскресение е неизмерен дар на безграничната Божја љубов кон нас луѓето.Ако вистински го живееме Велигден, тогаш и многумина преку нас ќе можат вистински да го доживеат. Да воскликнеме и ние како што воскликнува ипсалмистот, кон него погледнете и разведрете се“, беа зборовите со кои бискупот Киро Стојановски на верниците од католичката вероисповед во мисата им го честиташе Христијанскиот празник Велигден.За Велигден има многу обичаи во светот, но само еден ги обединува сите. Вапцањето на јајца е обичај кој има своја симболика. Тоа е затворено, мртво а од него излегува нов живот што го претставува Христовото воскресение од гробот.На Велигден или денот на воскресението Христово, православните христијани го слават воскреснувањето на Исус Христос на третиот ден по неговата смрт т.е првиот ден по Велики петок. Интересен факт е дека следната година повторно и православните и католичките верници заедно ќе го слават велигден но на 24-ти април а истото ќе се случи и во 2014-та година.Христос воскресна- Навистина воскресна!!! ./крај/редакција макфакс/.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: СДСМ се измеќари на ДУИ
Тоа е едно исто тело, бидејќи СДСМ во изминативе 2 недели од претседателската кампања не кажа ниту еден лош збор ниту пак ниту една критика за работењето на Демократската унија за интеграција што не е случај обратно, вака претседателот на ВМРО-ДПМНЕ, Христијан Мицкоски за време на денешната посета на Охрид одговори на новинарско прашање околу реакцијата на СДСМ за наводната жестока реторика и нивно поистоветување со ДУИ.
Мицкоски исто така додаде дека фактот што ДУИ во кампањата ја критикува работата на СДСМ, а СДСМ нема кажано збор против ДУИ покажува дека СДСМ се само измеќари на ДУИ.
“ДУИ ја критикува работата на СДСМ. Така што, како можам да судам и што можам друго да кажам освен тоа дека тие практично се ништо повеќе од едни обични измеќари на ДУИ?“ потенцираше Мицкоски.
Македонија
(Видео) „Нема откажување од иднината“ – СДСМ и коалицијата „За европска иднина“ го означија почетокот на кампањата за парламентарните избори
Со настан во Музејот на современа уметност, Социјалдемократскиот сојуз на Македонија и Kоалицијата за европска иднина, го означија почетокот на кампањата „Нема откажување од иднината“, за претстојните парламентарни избори.
Со видео обраќање, членот на германската сестринска партија ПЕС, Олаф Шолц, упати јасна порака дека за силна ЕУ е потребен процесот на проширување со Северна Македонија и државите од Западен Балкан.
На настанот, претседателот на СДСМ, Димитар Ковачевски се осврна на сработеното во изминатиот мандат на Владата предводена од СДСМ и коалицијата за европска иднина, но и ги потенцира мерките предвидени во програмата на Kоалицијата за европска иднина, опишувајќи ја програмата како реална, остварлива и заклучувајќи дека нема откажување додека секој ред од неа не стане реалност за, како што вели, нашата европска Македонија.
„Во оваа кампања ќе зборуваме повеќе за иднината. Ветуваме просечна плата од 1.100 евра и минимална плата од 600 евра. Со влезот во ЕУ проектираме дека ќе достигант до 1.300 евра просечно, односно по 800 евра минимална плата. Обезбедивме по 200 евра прво вработување за млади до 26 години. Првпат во историјата ќе има едноцифрена бројка на невработеност од 7 проценти до крајот на мандатот. За пензионерите ќе обезбедиме просечна пензија од 30.000 денари, минимална од 20.000 денари, зголемени со влезот во ЕУ“, рече Ковачевски.
Toj најави и решителна и поефикасна борба против криминалот и корупцијата.
„Нема да има веќе предмети по фиоки, ќе го спроведеме ветингот на судиите и јавните обвинители, кому му се допаѓало или не. Ќе започне прво од кандидатите на листата на изборната единица 1, ќе продолжи со политичарите, а ќе се зпресели и кај судиите и обвинителите, и сите оние кои изминатите 32 години собраа богатство кое го употребуваат и злоупотребуваат за влијание во системот“, рече Ковачевски.
Најави целосна реформа на судскиот совет и советот на јавни обвинители, драстично зголемување на платите на медицинскиот персонал. Специјалистите, како што ветува СДСМ, ќе добиваат плати до 80.000 денари, општите доктори 120.000 денари, а медицински сестри до 90.000 денари, како и укинување на партиципацијата од 20 отсто за сите граѓани.
Целата програмата на СДСМ за парламентарните избори е на линкот.
Македонија
Али Ахмети од Европскиот фронт: Се срушија последните бариери, државата нека оди напред
На денешната симулирана конститутивна седница на Собранието на Република Северна Македонија, произлезена од парламентарните избори на 8-ми мај, говор одржа претседателот на ДУИ, г-дин Али Ахмети.
„Демократската унија за интеграција направи суштинска анализа и со своите раководни тела и со претставниците на Европскиот фронт. Нашата земја треба да се стреми кон мир со сите земји од регионот , да се стреми кон промена на Уставот и инкорпорирањето на малите заедници кои живеат во оваа земја како уставна категорија што би имало значајно влијание. Колку е државата полојална, колку граѓаните се полојални, колку државата е повнимателна, толку граѓаните се подоверливи“, вели Ахмети.
Според него државата треба несамоволно да одлучува за малите заедници кои немаат можност да бидат рамноправни.
„Како постулат го имавме предвид, затоа едногласно ја поддржуваме измената на Уставот, поддржуваме по пет години актуелниот претседател да покрене иницијатива шефот на државата да биде избран во Собранието, бидејќи тоа е директен одраз на застапеноста на граѓаните во највисокото законодавно тело. Ние сме парламентарна република и мора да се оствари парламентарната демократија, идниот претседател да биде избран со мнозинство парламентарци, со принципот на Бадентер, затоа, господине претседателе, даваме целосна поддршка промените во оваа држава да се придвижат напред“, посочи Ахмети.