Македонија
И Нова демократија нема да учествува на координациите
Пратеничката група на Нова Демократија (НД) денеска излезе со став дека нема да учествува на понеделничките координации со претседателот на Собранието, Трајко Вељановски.
Пратеничката група на Нова Демократија (НД) денеска излезе со став дека нема да учествува на понеделничките координации со претседателот на Собранието, Трајко Вељановски.Ваквата одлука на Нова демократија поаѓа од фактот како што рече координаторот на пратеничката група на Флора Кадриу поради не прифаќањето на иницијативите што се однесуваат на динамиката на имплементацијата на Охридскиот рамковен договор, изучувањето на македонскиот јазик за првачињата Албанци, за личните документи, пасошите. Со ова НД им се придружи на опозиционите СДСМ, НСДП, ЛП и НА, кои вчера најавија дека ги напуштаат редовните координации со претседателот на Собранието.Кадриу рече дека парламентарното мнозинство нема слух за барањата на опозицијата и дека нема потреба од нивно учество на координациите.„Парламентарното мнозинство ќе си се координира само себе. За политичкиот дијалог и за политичкиот консензус и меѓуетничката консензуална демократија ќе треба да размисли мнозинството. Целосно одговорноста паѓа врз парламентарното мнозинство бидејќи нема слух за барањата на опозицијата“, истакна Кадриу.Нова демократија смета дека за разгледување на ревизорските извештаи и завршната сметка на буџетот треба да се формира Комисија за ревизија што ќе подразбира детална анализа како се трошат материјалните средства од буџетот на Република Македонија.Од оваа партија сметаат дека со усвојувањето на амандманите со кои на пратениците им се оневозможува да дебатираат за ревизорските извештаи и за завршната сметка на буџетот е класична манипулација на граѓаните на Македонија.Кадриу констатира дека со донесувањето на ваквите амандмани нема зајакнување на позицијата на Собранието кое треба да врши надзор и контрола врз министерствата и другите институции./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Времето утре – променливо облачно со сончеви периоди
Времето утре ќе биде променливо облачно со сончеви периоди. Попладне во источните делови ќе има повремен локален дожд. Ќе дува слаб до умерен ветер од северозападен, а во западните делови од западен правец. Минималната температура ќе биде во интервал од 0 до 7, а максималната ќе достигне од 13 до 20 степени.
Во Скопје променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 2, а максималната ќе достигне до 19 степени.
Продолжува периодот на променливо облачно време со повремени локални врнежи од дожд. Во недела и во вторник на повеќе места ќе има врнежи, кои повремено ќе бидат пообилни и поројни проследени со појава на грмежи и засилен ветер. Поради спуштање на постудена воздушна маса во недела на планините врнежите повремено ќе преминуваат во снег и ќе се формира нова снежна покривка.
Македонија
Ибраимоски и Глигорова: „СТОП за исвршителите, брзите кредити и должничкото ропство“ е еден од главните постулати на програмата „Храбро за Македонија“
Носителот на пратеничката листа на коалицијата „Храбро за Македонија“ во изборната единица пет, Самка Ибраимоски, денеска заедно со активистката и кандидатка за пратеничка Ана Глигорова ја посетија Битола каде се потпишуваше петицијата „СТОП за извршителите и брзите кредити“.
Воедно, Ибраимоски и Глигорова нагласија дека оваа борба за правда, за враќање на извршителите кадешто им е местото и ослободување на народот од должничко ропство е еден од главните приоритети на предизборната програма на коалицијата „Храбро за Македонија“.
– Денеска бевме во Битола, на средба со граѓани. Имавме петиција за „СТОП на извршителите“ и стоп за кеш кредити, успешна петиција. Суштината на нашата кампања во изборна единица пет, ќе биде токму оваа агенда: „СТОП за извршители и СТОП за брзи кредити“. – нагласи Глигорова.
– Ме радува што сите граѓани ја прифатија нашата иницијатива и се потпишаа многу луѓе и тоа е добро, што народот почна поинаку да размислува за разлика од претходно. И очекувам дека и во другите градови, како што се Ресен, Охрид, Струга, Демир Хисар и другите околни места, ќе ни ја дадат поддршката за парламентарните избори, истакна претседателот на ПЦЕР и носител на пратеничката листа, Самка Ибраимоски.
Скопје
Арсовска изврши увид во завршните градежни работи на реконструкција на водоводната мрежа на улицата Антон Попов
Градоначалничката на Град Скопје, Данела Арсовска заедно со претставници од Секторот за планирање и уредување при Град Скопје и скопското јавно претпријатие „Водовод и канализација“ извршија увид во завршните градежни работи на реконструкција на водоводната мрежа на улицата Антон Попов во општината Гази Баба.
Со изведбата на водоводните приклучоци на овој потег кои се поврзуваат со постојната водоводна мрежа со профил од 150 милиметри, се решава повеќедеценискиот проблем на жителите со честите прекини во водоснабдувањето поради застареноста на системот, а се решаваат загубите на вода и трошоци за поправките на дефектите на водоводната мрежа, велат од Град Скопје.
Изведбата на овој проект претставува дел од програмата на градоначалничката Данела Арсовска за обновување на градската мрежа, во децениски заборавените населени места, што претставуваше и долгогодишно барање на жителите од тој дел на градот, се додава во соопштението на Град Скопје.