Македонија
ИВЗ: Бурмали џамија да се гради по секоја цена
Исламската верска заедница (ИВЗ) нема ништо против изградба на црква на плоштадот во Скопје, но без разлика на тоа бара изградба на Бурмали џамијата по секоја цена
Исламската верска заедница (ИВЗ) нема ништо против изградба на црква на плоштадот во Скопје, но без разлика на тоа бара изградба на Бурмали џамијата по секоја цена
Ова денеска во Скопје го изјави поглаварот на ИВЗ Сулејман ефенди Реџепи, демантирајќи ги гласините дека бил постигнат наводен договор во центарот на Скопје да не се гради ниту црква ниту џамија
„Ние апсолутно не сме против изградба на цркви, но ние не можеме да вреднуваме дали има потреба за цркви, тоа е во надлежност на Македонската православна црква, а наше е да вреднуваме дали има потреба за џамија“, изјави Реџепи.
Тој нагласи дека ИВЗ има изградено цврст став за изградба на Бурмали џамијата и тој нема да биде повлечен ниту во случај, МПЦ да се откаже од изградба на црква на плоштадот.
„Бурмали џамијата мора да се изгради по секоја цена и локацијата за неа ја бараме по секоја цена, а дали МПЦ има потреба за црква нека си каже самата, ние не се мешаме во тоа“, рече Реџепи.Тој демантираше дека ИВЗ во интерес на локацијата на Бурмали џамијата правела пазар за да добие некоја друга локација како компензација. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.