Македонија
Хорор во психијатриските болници во Македонија
Состојбата во психијатриски болници во Македонија е ужасна. Ова е оценката што ја даде Хелсиншкиот комитет за човекови права, откако изврши мониторирање на работата на овие институции.
Состојбата во психијатриски болници во Македонија е ужасна. Ова е оценката што ја даде Хелсиншкиот комитет за човекови права, откако изврши мониторирање на работата на овие институции.
„ ЈЗУ Скопје“, ЈЗУ „Демир Хисар“ и ЈЗУ „ Негорци“ се трите државни болници во Македонија каде што условите се катастрофални и под човечкото достоинство “, со разочарување раскажа Тони Менкиноски, експерт во Хелсиншкиот комитет за човекови права.
Во трите специјални психијатриски болници се лекуваат повеќе од 2.000 лица со душевни растројства од кои 770 се долготрајно хоспитализирани, 800 се со просечна хоспитализација, 190 пациенти се со краткотрајно лекување а 530 се лекуваат во центри за ментално здравје.
Менкиноски алармираше за потребата од душеци, чаршафи и основен хигиенски прибор како и за дефицитот на медицински персонал во установите.
„Освен очајните услови во кои некои од пациентите живеат и со години, и самите права на пациентите се загрозени. Како правото на приватноста, коресподенција, правни совети и правна помош“, истакнуваат од Хелсиншкиот комитет.
Согласно со својот мандат македонскиот Хелсиншки комитет бара од Владата на РМ итно да се спроведе програма за деинституцијализација и истата да сепримени координирајќи ги засегнатите ресорни министерства.
Исто така, според нив неопходни, се промени на членот 58 од Законот за вонпарнична постапка во поглед на доброволната хоспитализација
„Неопходна е да се создадат похумани услови за престој и живеење.Потребен е непречен пристап до телефон, телевизија, весници како и храна по стандардите на Хасап системот“, потенцираше Менкиноски.
За шпекулациите дека некој од пациентите се врзувани со ланци во болниците, Менкиноски кажа дека не пронашле валиден доказ за тоа./крај/ми
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
В недела посебен сообраќаен режим во Скопје
Министерството за внатрешни работи известува дека на 31.3.2024 (недела), со почеток во 9 часот, поради одржување атлетска трка на 10 км, со траса на движење од долниот паркинг на Средно Водно по регионалниот пат (Р2138) до паркингот на манастирот „Св. Пантелејмон“ и обратно, Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
Министерството за внатрешни работи апелира до граѓаните да ги почитуваат наредбите што ги издаваат полициските службеници на сообраќајниците на кои ќе се одвива настанот.
Македонија
Левицата: Решението за градба кај болничкиот комплекс Воена болница да се поништи веднаш
„Го повикуваме градоначалникот Стевчо Јакимовски да ги почитува законите и да го поништи Решението за градба на 17-катницата кај Болничкиот комплекс „Воена болница“, истакнуваат од Левица.
Потсетуваат дека политичката партија Левица повеќепати укажа на штетноста од градбата на повеќекатницата на истата локација, паралелно организираше протест на којшто граѓаните јавно го искажаа незадоволството од своеволието на градоначалникот и инвеститорите за противзаконската одлука на истите да почнат со градба на зграда за којашто немаат законска дозвола.
„Од пред неколку дена е правосилно Решението со кое се поништува незаконски позитивното конзерваторско мислење, кое се обидоа да го издејствуваат инвеститорите, а истото, по наши сознанија, е пристигнато во Општината на 21.3.2024 година, по што градоначалникот треба веднаш во законски рок да постапи по истато. За жал, Решението за градба уште не е поништено.
Од општинската администрација не даваат одговори по однос на прашањето по Решението со кое се одбива жалбата на инвеститорите, но успеавме да го добиеме, бидејќи е информација од јавен карактер“, дообјаснуваат од оваа партија.
Го повикуваат градоначалникот Стевчо Јакимовски во пресрет на изборната претседателска кампања да се одважи, како што велат, да ги испочитува законите и да го поништи Решението за градба веднаш, како би докажал пред граѓаните дека, навистина, ги застапува нивните интереси“.
Македонија
Инспектори затекнале диви менувачници на Бит-пазар, но наместо да ги запечатат, им дозволиле да работат
Полицијата поднесе кривична пријава против шест инспектори, вработени во Државниот пазарен инспекторат, и тоа: С. Б. (32), Ј. Р. (54), В. М. (47), Б. С. (46), С. С. (61) и Р. Б. (37), сите од Скопје, поради злоупотреба на службената положба и овластувањето.
Во текот на март и април 2023 година, вршејќи контрола кај три менувачници, лоцирани во близина на Бит-пазар, а за кои било утврдено дека не биле регистрирани како фирми и не поседувале лиценци издадени од НБРМ за вршење менувачко работење, но подолг временски период работеле како менувачници, инспекторите на затекнатите лица во дивите менувачници биле должни да им изречат решение за забрана за вршење дејност, да им ги запечатат објектите, да им ги одземат предметите, опремата и средствата со кои е направен прекршокот, како и да им изречат глоба во износ од 1.000 до 20.000 евра во денарска противвредност.
Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници ниту им издале решение за забрана за вршење нерегистрирана дејност, ниту им ги запечатиле просториите во кои ја вршеле противзаконската активност, ниту им ги одзеле средствата, предметите и опремата со кои е направен прекршокот ниту, пак, им изрекле глоба во износ од 1.000 до 20.000 евра.
Напротив, во сите три извршени вонредни надзори на сите три менувачници на секој од сопствениците им изрекле еднократна глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување вршење нерегистрирана дејност и со неизвршување на својата службена должност го сториле кривичното дело злоупотреба на службената положба и овластувањето.