Македонија
Мистериозна експлозија во Железарница го вознемири Скопје, еден тешко повреден
Неисправен вентил на гасна боца што се користи при заварување е најверојатната причина за силната експлозија што се случи денеска во кругот на скопска Железарница, при што еден работник беше потешко повреден.
Неисправен вентил на гасна боца што се користи при заварување е најверојатната причина за силната експлозија што се случи денеска во кругот на скопска Железарница, при што еден работник беше потешко повреден.
Првичните информации во медиумите, кои се базираа на очевидци на настанот, беа дека паднал помал авион или беспилотно летало.
Ваквите информации веднаш беа демантирани од страна на Министерствата за внатрешни работи и за одбрана, од каде соопштија дека тие во тој момент не употребувале беспилотни летала.
Демантот беше потврден и од страна на Управата за цивилна воздушна пловидба(УЦВ), од каде соопштија дека во тој период на небото над Скопје немало летала.
Инспектор од Дирекцијата за заштита и спасување(ДЗС) изјави дека не станува збор за летало, туку за инцидент во кругот на скопска Железарница.
„Она што во моментот го знаеме е дека излетала некаква работа од отпадот на Макстил и експлодирала во воздух“, рече за Макфакс Томче Божиновски, инспектор во (ДЗС).
Според очевидец на настанот, што сакаше да остане анонимен, дошло до експлозија на ацетиленска боца која се дигнала во воздух во висина од 200-300 метри, по што се распрскала.
Според работник во Железарницата, до вакви експлозии може да дојде поради неправилно користење на боците, како и поради дотраеност на сигурносните вентили.
„Работиме на ризик. Сигурносните вентили се дотраени, а никој не сака да инвестира во модернизација на опремата“, тврди работникот.
Извесни сомневања за тоа за каков предмет се работи, се јавија и поради аеродинамичната траекторија што беше забележана за време на падот. Кривулестото понирање е карактеристично за објекти што имаат оштетени крилца или стабилизатори, а некои извори за Макфакс тврдеа дека сепак, станува збор за беспилотно летало.
Индикативна е и висината до која се вивнал објектот, како и радиусот во кој се најдени деловите.
„Ако направата полетала два до три километри во висина, сигурно имала експлозивно полнење“, изјави Нове Георгиевски, заменик-генерален директор на Рудници и Железарница.
Неофицијално се шпекулираше и дека станува збор за експлозивна направа, граната, за која не се знае како се нашла во кругот на фабриката.
Според Георгиевски, секое возило со старо железо што влегува во Железарница се контролира на влезот и излезот, но дека има случаи кога влегува и по некоја експлозивна направа.
Георгиевски додава дека крим техника направила увид на лице место и ќе излезе со официјални информации за инцидентот.
Инаку, камиони со старо железо во скопска Железарница најмногу се носат од Косово, Србија и Бугарија.
АД Макстил, во официјалното соопштение, не кажува што би можело да ја предизвика експлозијата, туку само наведува дека при работата биле почитувани сите процедури и дека работникот ја носел потребната заштитна опрема.
Од истата компанија велат дека повторно ги чувствуваат последиците од несоодветното работење на дел од добавувачите на старо железо.
Во денешниот инцидент потешко е повреден 33. годишниот Димо Пигуловиќ, кој со тешки изгореници е префрлен во Градската болница и се наоѓа во критична состојба.
Санирани се изгорениците на неговото тело, но докторите стравуваат од можни компликации во следните 24 часа, карактеристични за овој вид изгореници.
Како што информираат од Градска болница, работникот во моментот се наоѓа на Одделот за интензивна нега и е свесен и контактабилен. /крај/макфакс
Спорниот проектил на местото на слетување. Фото: Филип Поповски/Макфакс
повеќе фотографии тука>>
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери