Македонија
Милошоски: Нема да не изненади нова блокада од Грција
Шпанското претседателство е добра прилика за отпочнување на преговорите за членство во Европската Унија, но нема да не изненади доколку Грција не и дозволи на Европа да го надгради својот кредибилитет за проширување на Унијата.
Шпанското претседателство е добра прилика за отпочнување на преговорите за членство во Европската Унија, но нема да не изненади доколку Грција не и дозволи на Европа да го надгради својот кредибилитет за проширување на Унијата. Ова денеска во Скопје, на трибина на ВМРО-ДПМНЕ, го изјави шефот на македонската дипломатија Антони Милошоски. „ВМРО-ДПМНЕ ја има повторно шансата да биде партијата која што ќе ја има приликата да ги отпочне преговорите за членство на Република Македонија во Европската Унија. Сметам дека шпанското претседателство е една добра прилика, иако, да бидеме искрени, нема да е изненадување доколку јужниот сосед, Република Грција, повторно, заради себични причини не успее да и дозволи на самата Европа да го прошири и да го надгради својот кредибилитет и концепт за проширување на Европската Унија со Македонија и со нашиот регион“, рече министерот Милошоски. Дел од членовите на ВМРО-ДПМНЕ побараа консензус во однос на прашањето со името, но и почитување на фундаменталните човекови права од страна на Унијата. „Ако постои консензус во однос на нашиот евро-интегративен процес, треба да постои и внатрешен политички и се граѓански консензус во однос на изнаоѓање решение за ова важно прашање“, рече Петар Поп Арсов, пратеник и претседател на собраниската комисија за Европски Прашања, нарекувајќи го прашањето за името „нечовечки критериум кој и се наметнува на Македонија. „Верувам во европскиот слободарски дух, верувам во почитувањето на човековите права, меѓутоа верувам во почитувањето на правата и слободите на граѓаните од сите земји на светот сами да се определат како сакаат да се именуваат. Верувам дека тоа е и обврска на обединета Европа,, поради тоа што таа почива на овие постулати“, рече Силвана Бонева, пратеник и потпретседател на Националниот Совет за евро-интеграции. Од својата страна, Васко Наумовски, заменик-претседател на Владата задолжен за европски прашања, рече дека државата го има целосниот капацитет за отпочнување на преговорите со Унијата. „Ние сме свесни за сите предизвици што престојат, за тежината на самиот процес на преговори, меѓутоа сме уверени во нашите капацитети и во способноста на Македонија и во способноста на институциите на државата заеднички да чекориме кон остварување на нашата заедничка цел, а тоа е полноправното членство на Република Македонија во Европската Унија“, рече Наумовски. Овие ставови беа искажани на денешната трибина, насловена како “Европската интеграција на Република Македонија-темелен принцип на ВМРО-ДПМНЕ”. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Спречени 3.000 вработувања и унапредувања предложени од техничката влада
Управниот суд ги поништи решенијата за вработување и унапредување на над 3.000 вработени во Министерството за финансии и јавниот сектор, бидејќи се прекршил Законот за техничка влада, соопшти заменик-министерката за финансии, Елена Петрова.
Како што вели, иако одлуките морале да бидат одобрени со нејзин потпис, како што предвидува Законот за техничка влада, министерот Бесими ги потпишал сам.
„Незаконити се одлуките на министерот за финансии и државниот секретар во Министерството за финансии по спроведените постапки за вработување и унапредување во Министерството за финансии, како и одлуките на министерот за финансии за давање согласности за вработување во јавниот сектор, сите донесени по формирањето на преодната влада за организирање на изборите. Ова е потврдено со судски одлуки. Вишиот Управен суд донесе две пресуди во моја корист со кои ги поништи како незаконити одлуките на ДИК кои беа донесени врз основа на барање на Министерството за финансии“, рече Петрова и додаде:
„Со поништувањето на одлуките на ДИК сите наведени акти поврзани со вработување во Министерството кои не се потпишани со врзан потпис на министерот за финансии и на дополнителниот заменик-министер не произведуваат правно дејство. Истото се однесува и на издадените согласности за вработувања по сите основи во целиот јавен сектор, како и започнатите постапки врз основа на тие согласности“.
Македонија
Македонската армија ѝ се заблагодари на Норвешка со знамето на Исланд
Од Армијата на Македонија ги измешаа знамињата на Норвешка и Исланд.
Во благодарноста на „Фејсбук“ триесетина минути стоеше, наместо норвешкото, знамето на Исланд.
„Моторните возила од Кралството Норвешка веќе се на својата крајна дестинација. По нивното распоредување, армиските единици ќе добијат поголема транспортната способност и мобилност“, напишаа од македонската Армија.
Македонија
Македонката Светлана Мојсов меѓу 100-те највлијателни личности во светот според магазинот „Тајм“
Македонката Светлана Мојсов, светски познат научник, чие истражување за хормоналните предизвикувачи за производство на инсулин доведе до револуционерни третмани за дијабетес и дебелина, е меѓу 100-те највлијателни личности во светот за годинава, според најновиот избор на американскиот магазин „Тајм“.
Таа се најде во овој престижен избор заедно со уште двајца научници, Џоел Хабенер и Ден Дракер, во сегментот „Пионери“, меѓу други влијателни личности, како Америка Ферера, Лесли Локо, Офелија Дал, Кенеди Одеде и други.
Како што пишува Алис Парк, виш дописник на „Тајм“, во образложението за изборот на Мојсов, Хабенер и Дракер, појавата на ефикасни лекови за слабеење, како што е „вегови“ (Wegovy), е кулминација на долгогодишната тимска работа.
Научниците во Европа и во САД, кои први работеа на лековите за дијабетес, направија критична врска помеѓу инсулинот и инкретините, дел од семејството цревни хормони, познати како глукагони, со што им помогнаа да разберат како да управуваат со нивото на шеќерот во крвта и тежината.
Во годинашната листа на магазинот „Тајм“ во категоријата највлијателни лидери се сопругата на починатиот руски опозиционер, Јулија Навални, кинескиот премиер Ли Џијанг, полскиот премиер Доналд Туск, аргентинскиот претседател Хавиер Милеи и италијанската премиерка Џорџа Мелони меѓу лидерите.
Покрај нив, помеѓу највлијателните лидери се и бразилската министерка за животна средина и климатски промени, Марина Силва, директорот на ЦИА, Вилијам Барнс, и шефот на кабинетот на украинскиот претседател, Андриј Јермак.
Во изборот на највлијателните личности на американскиот весник се најдоа и јапонскиот режисер Хајао Мијазаки, британската пејачка со албанско потекло, Дуа Липа, британскиот актер Дев Пател и австралиската пејачка Кајли Миног.