Македонија
Хуманитарен концерт за Јане Велковски
Да му помогнеме на малиот Јане да застане на своите ножиња, да заигра и долго да чекори низ животот.
Да му помогнеме на малиот Јане да застане на своите ножиња, да заигра и долго да чекори низ животот.
Поведени од ваквата желба студентите од Педагошкиот факултет во Битола денеска организираа хуманитарен концерт со цел да помогнат во лекувањето на 19 месечното детенце кај кое е дијагностицирана спинална мускулна атрофија.
Болест која поради недостатокот на протеин, што ја храни групата на мускули одговорни за моториката и дишењето, честопати резултира со непроодување, а ја зголемува и опасноста од развивање на пневмонии и други проблеми со дишењето што е главна опасност за детскиот живот.
„Денес решивме да организираме хуманитарен концерт, ние студентите од Педагошкиот факултет заедно со професорката Мери Кафкалевска Стоилкова, да направиме нешто заедничко се со цел да се изрази хуманоста на човекот преку музика и поезија да ги собереме парите потребни за операција на малиот Јане“ вели Елена Ѓорѓиевска Костадиновиќ, студент.
Јане треба да замине на третман во клиника во Дизелдорф во Германија, за што се потребни средства во износ од 10.000 евра.
Семејството кое живее во Скопје потекнува од Битола, а сите роднини, пријатели или едноставно познаници направиле напор да помогнат.
„Близок пријател на малиот Јане не информира и ние решивме како студенти да помогнеме “ вели Костадиновиќ.
Малиот Јане за пет дена треба да замине за Германија, а третманот таму ќе биде насочен кон подобрување на состојбата и спречување на нејзиниот дегенеративниот развој. /крај/тера/цр
тел: 143 183, 077 143 183, 075 143 700жиро сметка : 300001000020663
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одѕивот до 17 часот изнесува 44,18 отсто – за околу 9 проценти повеќе во споредба со претходните претседателски избори
До 17 часот во првиот круг од претседателските избори, своето право на глас го оствариле 397.612 избирачи, или 44,18 отсто.
Како што соопшти претседателот на Државната изборна комисија (ДИК), Александар Даштевски, засега најголема е излезноста во Новаци, каде гласале 67,19 отсто, а најмала во Пласница – 15,5 отсто.
Засклучокот е дека гласањето се одвива мирно.
Во споредба со првиот круг од претседателските избори во 2019 година, до 17 часот, излезноста е поголема за околу 9 отсто.
Досега до ДИК се доставени 308 приговори, од кои 85 се усвоени, 27 отфрлени како нецелосни, а 38 се одбиени. Останатите се во процес на обработка.
Македонија
Петмина си ги фотографирале гласачките ливчиња, полицијата ги фати
Пет лица во периодот од 11 до 14 часот, биле фатени од страна на полицијата оти ги фотографирале своите гласачки ливчиња додека го остварувале своето право на глас, објави МВР.
-Во 11.10 часот е пријавено дека во село Коџалија, општина Радовиш на избирачко место број 1602 С.А. од с.Коџалија го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека на избирачко место број 2683/1 во Скопје А.С. (40) од Скопје го фотографирал гласачкото ливче. Се преземаат мерки за расчистување на случајот, по што ќе биде поднесен соодветен поднесок.
-Околу 12.15 часот е пријавено дека А.И.(48) од Охрид на избирачко место број 1271 во Охрид го фотографирал гласачкото ливче. А.И. е приведен во полициска станица и по документирање на на случајот ќе биде поднесен соодветен поднесок.
-Во 12.35 часот е пријавено дека на избирачко место бр.0006 во Берово, Д.Т.(42) го фотографирал гласачкото ливче. Д.Т. е приведен во полициска станица и по документирање на на случајот ќе биде поднесен соодветен поднесок.
-Во 13.57 часот е пријавено дека на избирачко место 2555 во Скопје С.С. го фотографирала гласачкото ливче. Се преземаат мерки за расчистување на случајот, по што ќе биде поднесен соодветен поднесок, се наведува во извештајот на МВР.
Македонија
Одѕивот до 15 часот е 35,89 отсто, најмалку гласале во Центар Жупа, а најмногу во Новаци
До 15 часот до Државната изборна комисија пристигнати се податоци за одѕив на гласачите од 2.110 избирачки места.
Од вкупно запишани 1.092.341 гласач на овие избирачки места, гласале 392.066, односно 35,89 проценти.
Според податоците што се пристигнати досега, најголем одѕив е забележана во Новаци со 57,69 % а најмал во Центар Жупа, 13,11 %.
Гласањето досега се одвива мирно на сите избирачки места.
До овој момент до ДИК се доставени вкупно 233 приговори за заштита на личното избирачко право. Од нив, 38 приговори се усвоени и на избирачите им е овозможено да го остварат своето право на глас, 21 приговор се отфрлени како неуредни, а 22 се одбиени. Другите приговори се во обработка.
На страницата rezultati.sec.mk може да се следи во живо одѕивот на гласачите, вкупен и по општини.