Македонија
МО: Дел од војниците своите барања ги заменија со политика
Министерството за одбрана категорично тврди дека не прави никаков притисок врз било кој припадник на АРМ, по денешните најави на Независниот синдикат на професионалните војници за уште еден протест.
Министерството за одбрана категорично тврди дека не прави никаков притисок врз било кој припадник на АРМ, по денешните најави на Независниот синдикат на професионалните војници за уште еден протест.
Според Министерството, дел од професионалните војници, своите барања ги замениле со политика.
„Не сакаме да влеземе во полемика со дел од претставниците на синдикатот на професионалните војници, кои своите барања од решавање на статусот на ПФВ ги заменија со друг вид на барања па дури и политика. Но тоа е нивно право и ние не сакаме да го коментираме истото. Единствено, сметаме дека истото не е коректно од нивна страна“ се вели во соопштението на МО.
Министерството тврди дека секогаш кога војниците побарале средба со преставници од министерството, истите биле остварени во најкус можен рок.
„Професионални војници знаат нивниот статус е регулиран со постоечките законски прописи и договорите кои секој професионален војник доброволно ги потпишува. Значи секој професионален војник, доброволно пристапува во Армијата на Република Македонија, под услови кои се претходно познати, и доброволно може да излезе од АРМ“ се додава во соопштението на МО.
Независниот синдикат на професионалните војници денеска повторно најави протест. Овој пат, бараат овозможување на непречено одржување на работните состаноци и подобрување на условите за работа, исплаќање на надоместоците на вработените во армијата, како и средба со владини претставници за решавање на нивниот статус. /крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош Стевчо Јакимовски, на вчерашниот прв круг од претседателските избори освои само 8.103 гласови односно 0,90%. Тоа е помалку од бројот на собрани потписи за претседателска кандидатура, зад која му се потпишаа 10.000 граѓани.
Јакимовски во неговата општина освои 2.143 гласови, додека во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Сиљановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на фејсбук.
Стевчо Јакимовски во првиот круг заврши последен по бројот на гласови на претседателските избори.
Македонија
Почина менаџерот Велибор Џаровски-Џаро
На 75 години денеска почина менаџерот Велибор Џаровски- Џаро по кусо боледување, потврди семејството. Тој важи за една од најпознатите менаџери на просторите на бивша Југославија.
Тој соработуваше со најголемите југословенски естрадни ѕвезди, а беше познат и како „крал на местенките“ во фудбалот.
Соработуваше со големи музички ѕвезди како Здравко Чолиќ, Мишо Ковач, Маја Оџаклиевска, Оливер Драгојевиќ, „Бијело дугме“, Тереза Кесовија, Лепа Брена.
Своевремено има изјавено дека организирал 5.000 концерти и бројни турнеи во повеќе од тридецениската кариера како менаџер.