Македонија
Жените – потенцијален пазар за тутунската индустрија
Тутунската индустрија се повеќе е насочена кон жените. Рекламирањето на тутунските производи од страна на жените, во целиот свет се повеќе зема замав, регрутирајќи се повеќе жени и девојки корисници на тутунот.
Тутунската индустрија се повеќе е насочена кон жените. Рекламирањето на тутунските производи од страна на жените, во целиот свет се повеќе зема замав, регрутирајќи се повеќе жени и девојки корисници на тутунот.
За таа цел, тема на овогодишниот Светски ден против пушењето е “Полот и пушењето“. СЗО ги повикува владите да ги забранат сите форми на рекламирање, промоција и спонзорство на тутунските производи.
Од вкупно една милијарда пушачи во светот, околу 200 милиони се жени. На европско ниво, околу 21 отсто од сите жени се пушачи.
„Овие податоци се поврзани со зголеменото рекламирање на тутунските производи кои го поврзуваат пушењето со женската убавина, луксуз, зголемување на моќта и здравјето, а се повеќе се насочени кон помладите генерации“ изјави професорот Моме Спасовски.
Во нордиските земји и некои западноевропски држави стапките на пушење кај мажите и жените се слични и се намалуваат.
Во централна и источна Европа, пушат повеќе мажи отколку жени, но стапките помеѓу жените се доста високи.
Во државите од поранешниот Советски сојуз, стапките на пушење се високи помеѓу мажите, а се релативно ниски кај жените. Во Ерменија 61 отсто од пушачите се мажи, а само 3 отсто се жени.
Пушењето го зголемува ризикот кај жените за добивање на повеќе видови рак, предупредува СЗО. Тука ги споменуваат рак на устата, грлото, фаринксот, хранопроводот, ларинксот, мочниот меур, панкреасот.
Катедрата за социјална медицина при медицинскиот факултет во Скопје спроведе истражување чија целна популација се сите студенти на трета година од Медицинскиот, Стоматолошкиот и Фармацевтскиот факултет и Високите школи за стручни медицински сестри.
Истражувањето покажало дека на сите факултети повисок е бројот на мажи пушачи, отколку жени. Најмногу пушат студентите на стоматологија, дури 52.5 отсто.
Висока е и бројката на студенти, пушачи, кои сакаат да се откажат од пушењето. Околу 78 отсто од студентите на медицина, сакаат да престанат со пушењето, 55,9 отсто од студентите на стоматологија сакаат да се откажат од пушењето, 61,5 отсто на фармација, а 42,2 отсто од медицинските сестри.
Една од стратегиите за намалувањето на смртните случаи предизвикани од пушење е поддржување на вклучувањето на здравствените работници во превенцијата од употреба на тутун. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.
Македонија
Пендаровски: Понудата на Мицкоски за коалицирање е знак на слабост
Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира со кого сака. Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.
„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски.