Македонија
Антикорупциска комисија бара разрешување на Цветанов
Антикорупциска комисја денеска достави иницијатива до Владата на Република Македонија за разрешување на директорот на Управата за спречување на перeње пари и финансирање на тероризам, Ване Цветанов.
Антикорупциска комисја денеска достави иницијатива до Владата на Република Македонија за разрешување на директор на Управата за спречување на перeње пари и финансирање на тероризам, Ване Цветанов.
Од Државната комисија за спречување на корупција образложија дека наводно Цветанов овозможил нерегуларно и незаконско трошење на средства од буџетот на Република Македонија, во работењето на оваа Управа во 2008 година.
Комисијата како причини за покренување на оваа иницијатива ги наведува, недобивањето согласност од Министерство за финансии за вработување на 29 лица и неприменување на одредбите од Законот за јавни набавки.
„Управата за спречување на перење пари и финансирање на тероризам не поднела до Министерство за финансии согласност за вработување на неопределно време за 29 лица, туку тоа го сторила преку Агенција за привремени вработувања. За таквиот висок процент на привремено ангажирани лица управата потрошила 6.326.000 денари, која што сума е поголема споредбено со расходите направени за исплата на плати на редовно вработените“, изјави Илми Селами, претседател на Антикорупциска комисија.
Претходно Цветанов во интервју за неделникот „Форум“ рече дека вработувањата во Управата се вршени согласно Законот за државни службеници и дека согласно истиот бил распишан оглас. Согласно законот, биле прибрани понуди од три агенции, а потоа била избрана најдобрата. Управата во ноември 2008 година доставила барање за вработувања до Министерството за финансии за вработување на лица во редовен работен однос.
Според него станува збор за местенка и дека одредени криминални групи сакаат да го сменат поради предмет што се води во Управата за проневери тешки 10 милиони евра и дека тие дека тие криминални структури имаат влијание врз Комисијата за спречување на корупција.
Во однос на примената на Законот за јавни набавки, Селами рече дека Управата во 2008 година не ги применувала одредбите од Законот поради што не било остварено законско и наменско користење на средства во финансиските трансакции кои што претставуваат државни расходи.
Антикорупциска комисија со проучувањето на целокупната документација со која располагала и по одржаниот состанок со овластените ревизори од Државниот завод за ревизија, кои работеле на изготвување на извештајот донеле заклучок до Владата на Република Македонија да поднесат иницијатива за разрешување на Цветанов. Селами рече дека Владата е таа која ќе донесе конечна одлука за разрешување на директорот на Управата.
Тој изјави дека доколку Владата не донесе правилна одлука ќе се смета дека не постои политичка волја за спречување на корупцијата.
Цветанов денеска не сакаше да ја коментира одлуката на Антикорупциска и рече дека со став ќе излезе во текот на наредната недела./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Македонија денеска избира претседател: пет имиња се на гласачкото ливче
Во Северна Македонија ќе се одржат седмите претседателски избори, а до затворање на избирачките места во 19 часот, на сила е изборен молк.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.
Македонија
Променливо облачно и потопло со сончеви периоди
Времето денеска ќе биде променливо облачно и потопло со сончеви периоди. Кон крајот на денот ќе има локален слаб дожд, краткотрајно пороен, проследен со појава на ретки грмежи. Ќе дува умерен, а во западните делови повремено засилен ветер од југозападен правец. Минималната температура ќе биде во интервал од 4 до 10, а максималната ќе достигне од 16 до 24 степени.
Во Скопје променливо облачно и потопло со сончеви периоди. Во делови од котлината ќе има услови за појава на краткотраен пороен дожд со ретки грмежи. Ќе дува слаб до умерен променлив ветер. Минималната температура ќе се спушти до 6, а максималната ќе достигне до 22 степена.
Во четврток ќе се задржи променливо облачно време со повремени врнежи од дожд. Локално врнежите ќе бидат поројни, проследени со појава на грмежи, а на повисоките планини ќе преминуваат во повремен слаб снег. Од петок следува период на претежно стабилно и потопло време.