Македонија
Доживотен затвор за Виктор Карамарков
Мирно и без многу емоции, дваесет и осумгодишниот скопјанец, Виктор Карамрков ја слушна одлуката на судот дека остатокот од својот живот ќе го помине во затвор. Скопскиот кривичен суд утрово соопшти дека македонскиот „Раскољников“ е виновен за убиство на четири жени и две убиства во обид.
Мирно и без многу емоции, дваесет и осумгодишниот скопјанец, Виктор Карамрков ја слушна одлуката на судот дека остатокот од својот живот ќе го помине во затвор. Скопскиот кривичен суд утрово соопшти дека македонскиот „Раскољников“ е виновен за убиство на четири жени и две убиства во обид.
Судот го зеде во предвид исказот на Карамарков даден во истражна постапка. Според судот, иако за време на судењата Крамарков не ги призна убиствата, деталите кои што ги напоменал во тогашниот исказ, не би можел да ги знае доколку не ги извршил овие дела.
За време на убиствата, според обвинителството Карамарков бил пресметлив и жртвите ги ликвидирал поради бизарни причини. Од нив го одземал златото што подоцна го продавал, за да обезбеди средства за дрога.
Минатата недела во завршните зборови пред судот Карамарков рече дека таквиот исказ го дал под дејство на наркотици и само го потврдувал тоа што му го цитирале. Рече дека три дена го држеле во простории на непозната локација во која имало слика на Јосип Броз – Тито и дека не му бил обезбеден адвокат.
Одбранатa не задоволна од пресудата. Според адвокатот Сашо Дуковски, нема докази за пресудата.
„Индикативно е што судот и сега при образложувањето на пресудата наведе дека имало сведоци кои што го виделе во моментот на кривичното дело. Јас ви тврдам дека таков сведок нема. Да, тој е виден ден, два како бара пари од нив, но никогаш не е виден во моментот на вршење на кривичното дело. Апсолутно ќе поднесеме жалба бидејќи станува збор за доживотен затвор. Имаме уште две инстанци, ќе бараме јавна седница како пред Апелациониот суд во Скопје, така и пред Врховниот суд. Сметам дека во голема мерка оваа пресуда се базира на самопризнанието дадено во истрага, кое е резултат на „ретардираниот“ настап на моите колеги во истрагата“ изјави Дуковски по пресудата.
Карамарков беше уапсен минатата година на 27 октомври по неколку месечна потерница за претходно извршени кражби. Скопјанецот од населбата Ѓорче Петров до тогаш бил познат само како наркоман и деликвент, но не и како убиец.
Македонската полиција, кога го уапси го опиша како интелигентен млад човек, првенец на генерацијата во средно училиште, кој го читал Достоевски и убивал на ист начин како „Раскољников“.
Цел му биле изнемоштени старици кои живеат сами.Со секирче завиткано во повеќеслоен најлон со десната рака ги удирал во десниот предел на главата. Стариците ги бирал случајно, по долого пешачење низ градот. Им го крадел златото, а потоа го продавал за дрога.
Жртви на Карамарков, според обвинението се Љубица Христова, хигеничарката Сание Сулејмани (42), Вера Богоевска (73) и Елена Миева (69), а се обидел да ги убие Марија Атанасовска и Смиља Петровска. Обвинителеството ја избриша од обвинението петтата жртва за која беше обвинет, Босилка Крстоевиќ.
Мерката притвор за македонскиот Раскољников продолжува се додека не стапи на сила пресудата- доживотен затвор./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Ванковска: Преспанскиот и Бугарскиот договор се колонизаторски договори
Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека кога политичарите говорат за прашањата за Преспа и другите договори, тоа е само губење време и одвлекување на вниманието од реалните проблеми на земјата, сиромаштијата, невработеноста, корупцијата и сл..
„Точно е! Мнозинството граѓани едвај врзуваат крај со крај, очајни се од непостоење здравствен или образовен систем, сакаат развој а не вртење кон минатото.
Она што овие млади (а инаку умни) луѓе уште не го научиле е дека геополитиката (која ни ја наметнаа) е тесно поврзана со геоекономијата. Би очекувала својот критички ум да го свртат кон, на пример, поврзаноста на нашата колонијална положба со Преспа и Митилинеос. Или дури и со Бехтел и Енка… и уште многу ситни и не толку ситни зделки на македонските компрадорски елити кои нѐ продадоа како на сточен пазар, ни ги одзедоа и идентитетот и достоинството, ама и ги наполнија своите џебови врз база на бајките за ЕУ интеграција со смена на името и уставот.
It’s all about geopolitics, stupid!“, пишува Ванковска.
Според неа, Преспа и Бугарскиот договор не се само национални, идентитетски прашања, туку и класни и социоекономски. Ние, додава таа, сме во класично ропство, а принудени да аплаудираме на колонизаторите кои не се тука за наше добро, туку за свои интереси.
Македонија
ВМРО-ДПМНЕ: Идната наша влада ќе изгради нов објект за Клиничкиот центар во Скопје и ќе ја доизгради Клиничката болница во Штип
Идната влада на ВМРО-ДПМНЕ ќе изгради нов објект за Клиничкиот центар во Скопје и ќе ја доизгради Клиничката болница во Штип, велат од ВМРО-ДПМНЕ.
„Главен фокус на идната влада во здравството ќе биде укинување на дуализмот. Ќе се спроведе спојување на клиниките во еден интегриран Универзитетски Клинички центар „Мајка Тереза“. Интегриран Клинички центар во Скопје ќе значи подобри услуги за пациентите и намалување на трошоците при јавните набавки, кои ќе бидат вршени централизирано. Владата предводена од ВМРО-ДПМНЕ ќе го заокружи целиот процес со Клиничкиот центар во Скопје со изградба на нов објект“, дополнуваат од ВМРО-ДПМНЕ.
Како што велат, истовремено владата ќе биде силно фокусирана и на довршување со градбата на Клиничката болница во Штип.
„По изградбата на Клиничката болница истата ќе биде опремена со најсовремена опрема и истата ќе се доекипира со соодветен медицински кадар. Владата на ВМРО-ДПМНЕ ќе го има здравјето на граѓаните на прво место, затоа континуирано ќе вложуваме во здравството. Време е да ја вратиме државата на народот“, завршуваат од ВМРО-ДПМНЕ.
Македонија
Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, велат од ВМРО-ДПМНЕ
Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, кои е вклучен во кампањата на Стево Пендаровски и СДС, велат од ВМРО-ДПМНЕ.
„Како и секогаш Пендаровски, Ковачевски и СДС кога се фатени во скандал или криминал се служат само со навреди, лаги и манипулации наместо да дадат конкретни одговори на релевантни прашања поврзани со скандалот. Повеќе од десетина дена, откако признаа дека се среќавале со контроверзниот израелски консултат Еисин, нема одговор како тој е ангажиран во нивната кампања, како го исплаќаат и дали тој е ангажиран за црна кампања, кампања на поделби и етикетирања. Јавноста заслужува одговори како овој балкански мешетар СДС и Ковачевски го исплаќаат, бидејќи во ниту еден извештај за финансиско работење неговиот ангажман не е заведен, и дали истиот е плаќан со црни пари, кеш на рака, од криминалните тендери на власта, пари украдени од граѓаните“, дополнуваат од ВМРО-ДПМНЕ.
Како што посочуваат, од СДС треба да одговорат, дали покрај ангажирањето на Еисин, во Македонија се дојдени и две други лица, кои се локална поддршка на консултантот на Еисин, кои се сместени во центарот на Скопје во еден хотел и веќе активно работат на црната кампања на СДС за претстоините избори.
„Ги повикуваме надлежните институции веднаш да се одважат и да се ангажираат за расчистување на овој скандал, да го откријат финансирањето на консултантот и вклучувањето на странски државјани во кампањата за изборите. Време е за промени. Следува одговорност за секој сторен криминал, за секој скандал и за секое крадење на народни пари“, завршуваат од ВМРО-ДПМНЕ.