Македонија
Владата работи на прочистување на Избирачкиот список
По последните укажувања од ОДИХР и ОБСЕ, владата презеде низа активности за прочистување на избирачкиот список и планирано е до 31 октомври годинава да се заврши процесот, рече денеска во Скопје министерот за правда Михајло Маневски
По последните укажувања од ОДИХР и ОБСЕ, владата презеде низа активности за прочистување на избирачкиот список и планирано е до 31 октомври годинава да се заврши процесот, рече денеска во Скопје министерот за правда Михајло Маневски.
Извршена е проверка на можни дупли записи на матичните броеви, на државјани кои починале во странство, податоците за починати лица во болниците во Македонија и проверка на податоците во избирачкиот список.
Врз основа на податоците изготвени од Државниот завод за статистика и МВР направена е проверка и утврдени се 1123 дупли записи.
Проверка е извршена и за државјани на Македонија кои што починале во странство. Од 27 дипломатско конзуларни претставништва и преку МНР добиени се податоци за вкупно 2361 државјанин од 2000 до 2009 година и утврдено е дека 1338 државјани биле евидентирани за починати.
Извршена е и проверка на податоци за починати лица во болничките установи во Македонија во 2006, 2007 и 2008 година и од министерството за здравство добиени се податоци за 8937 починати лица, од кои 6754 се запишани во матичната книга на умрени, а 2183 лица кои имаат пријавено погрешен матичен број не можат да се идентификуваат и се прават дополнителни проверки.
Министерот Маневски рече дека е извршена и проверка на податоци во Избирачкиот список и дека од вкупно 2 046 268 државјани, во избирачкиот список се запишани 1 792 000 избирачи.
Исто така се извршени активности во две пилот општини. По сите проверки утврдено е дека има лица кои се починати а не се избришани од избирачкиот список и затоа владата го задолжила министерството за правда во соработка со МВР да бидат проверени сите матични книги на умрени во сите општини.
На прашањето дали ова значи дека владата се подготвува за предвремени избори, претседателот на ДИК Александар Новаковски одговори дека комисијата е спремна за спроведување на избори без разлика дали тие ќе бидат предвремени или регуларни. /крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Османи: Европскиот фронт е голема идеја чие време е дојдено
Кандидатот на Европскиот фронт, Бујар Османи, вечерва на митинг пред граѓаните на Кичeво изрази благодарност до лидерите на Европскиот фронт и коалицијата која, како што вели Османи, е продолжение на битките во континуитет една по една, за разбивање на замоците на етничките монополи.
„Европскиот фронт не е политичка партија. Европскиот фронт не е ни коалиција на политички партии, Европскиот фронт е голема идеја. Тоа е одлична идеја чие време дојде, лавина што ги собра соништата на секој граѓанин на оваа земја, за еднаквост, за правда и просперитетен живот во ЕУ. И ова го гледам како ентузијазам, како насмевка во секое населено место каде што одам, бидејќи Европскиот фронт е трета унија, но сега со малку поинаква димензија“, истакна Османи.
Кандидатот на Европскиот фронт, Османи понатаму истакна дека останува уште едена последна тврдина на етничкиот монопол.
„Тврдината која нè загрижува сите и секогаш ни го дава тој сигнал дека се уште не е сè како што треба, сè уште нема еднакви можности за сите, таа е тврдината на првиот претседател. Значи, браќа и сестри, се натпреварувам, на 24 април да ја разберете тежината на оваа мисија, дека вашиот глас не е само за мојата кандидатура, вашиот глас, вашата поддршка е за да ја разбиете последната тврдина на етничкиот монопол и за заокружување на еднаквоста на сите заедници во нашата заедничка држава“, заклучи Османи.
Македонија
Таравари: Ќе ја вратиме некогашната репутација на Куманово и Липково
Ќе ја вратиме некогашната репутација на Куманово и Липково. Ќе го поврземе Куманово со Гњилане и Прешево, ќе инвестираме во агробизнис, грантови и земјоделци Ќе ги поврземе Куманово со Гњилане и Прешево, ќе инвестираме повеќе во агробизнисот, во грантови за земјоделците и во економски развој за да ја вратиме некогашната репутација на земјоделството и производството на регионот на Липково и Куманово. Ова беа дел од пораките кои претседателскиот кандидат Арбен Таравари ги испрати вечерва од општина Липково. Оваа општина ја донесе ДУИ на власт а како награда добива само штета, неправда и лошо владеење.
„Наместо да се привилегира и развива овој регион кој некогаш важеше за кризен регион, лошото владеење на ДУИ го втурна во повеќекратни кризи. Економска и земјоделска криза, невработеност и миграциска криза, но и безбедносна криза и монтирани случаи. Никој повеќе од жителите на овој крај не ги почувствувал последиците од лошото владеење на ДУИ“, нагласи Таравари во својот говор.
Но, според него, оваа состојба ќе заврши со гласот на самите граѓани, кој ВРЕДИ и ќе ја донесе долгоочекуваната промена.
„Ќе донесеме повеќе правда, прво за политичките монтирани случаи, каде што ќе се заложиме за правда и обештетување за оние Албанци кои неправедно се држат во затвор. Никогаш не го забораваме војникот на слободата и жител на овој крај, Реџаил Ќерими, кој неправедно беше држен во затвор 13 години и почина во ќелијата кога отворено се знаеше дека нема врска со она за што го обвинуваа, изјави Таравари.
Меѓу другото, Таравари од Липково повтори дека со доаѓањето на ВРЕДИ на власт ќе се забрани коцкањето, а ќе се простат и долговите од фирмите за брзи кредити кои исто така рече дека ќе се затворат.
Македонија
Кои се седнатите на софра со најголемите криминалци од Грчец, Шиша бар, со оние од убиствата во Ханиоти, прашува Силјановска-Давкова
Ги нема сликите низ весниците кои се најдобар доказ, бидејќи сликите понекогаш повеќе кажуваат од зборовите, за тоа кој е кој во ова корупциско и криминално гнездо, вели професорката Горданa Силјановска -Давкова вечерва од Велес.
„Колку претседатели сте виделе, колку премиери сте виделе, колку министри за внатрешни работи сте виделе седнати на софра со најголемите криминалци од Грчец, Шиша бар, со оние од убиствата во Ханиоти? Може да се сликате со некого на улица, ама на софра да бидете тоа значи дека сте во спрега. Значи, во право е претседалот на ВМРО-ДМПНЕ кога вели дека, не само со чинење, не само со криминални активности, туку и со замижување пред криминалот и корупцијата вие сте соучесник во нив, посочи Силјановска Давкова и додаде:
„Во овие избори има нешто специфично, до ѕидот сме доведени. Вие заслужувате власт соодветна на вашето достоинство, власт од којашто нема да се плашите и срамите, туку ќе се гордеете“, порача вечерва од Свети Николе, кандидатката за претседател на државата, поддржана од ВМРО – ДПМНЕ и коалициските партнери