Македонија
Марш „Чекори за живот“ против убивањето на кучиња
Марш под мотото „Чекори за животот“ организира невладиниот сектор, во знак на револт против убивање на кучиња во стационарот „Вардариште“.
Марш под мотото „Чекори за животот“ организира невладиниот сектор, во знак на револт против убивање на кучиња во стационарот „Вардариште“.
Целта на маршот е загриженоста на здруженијата „Анима Мунди“, „Срна“, „Срце за животните“ и „Нова надеж“ за заштитата и третманот на животните во Македонија. Маршот ќе започнe на пладне пред Градското собрание во Скопје и ќе продолжи да се движи кон Владата.
Овие организации тврдат дека во Дрисла постои дупка која е ископана без стандарди, каде се фрлаат кучињата кои нехумано се убиваат, за што до медиумите доставија и два документи, едниот од Градот Скопје упатен до ЈП Комунална Хигиена – Скопје а другиот од Ј.П. Депонија „Дрисла“ – Скопје до Еколошкото здружение „Живот во зеленило“- Скопје, кои според нив потврдуваат дека во Дрисла има гробница за мрши од усмртените кучиња од стационарот за кучиња „Вардариште“.
„Имаме најава дека дел од „хуманата еутаназија“ која ја ставаат во Автокоманда не делува, што значи дека кучето привремено губи пулс, и потоа ги ставаат во камиони и ги носат во Дрисла и ги фрлаат во дупката, при што се случувало да се будат кучињата во дупка од која не можат да излезат и умираат во неописливи маки,“ изјави пред два дена Венера Петковска независен активист за заштита на правата за животните.
Петковска изјави дека во стационарот „Вардариште“ од октомври 2007 до денешен ден се убиени повеќе од 5000 кучиња, и дека тоа не е ниту привремено прифатилиште ниту азил за животните, туку место каде се убиваат кучиња
„Во подзаконските акти да се предвиди присуството на полицијата за таа да може да биде ангажирана во растурање на борбите со животни,“ рече Гоџиров.
Невладините ги повикаа сите граѓани кои ги сакаат животните, да излезат и да ја потврдат својата поддршка за маршот кој ќе се одржи./крај/ко/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Пендаровски: Ја вративме слободата, изградивме еднакво општество, имаме силна поддршка од најмоќните демократски држави
Кандидатот за претседател, Стево Пендаровски вчерашниот ден од изборната кампања го заокружи со граѓански митинг во Гостивар.
Пред присутните Пендаровски потсети на резултатите постигнати во изминатите пет години како враќањето на слободата и демократијата, градењето модерно општество на еднакви граѓани и напредокот во евроинтегративниот процес.
Пендаровски посочи дека по членството во НАТО, се случи напредок и во процесот на интеграција кон ЕУ, кој сега е блокиран поради блокадите на ВМРО-ДПМНЕ и нивниот однос кон меѓународните договори што ја гарантираат евроатлантската интеграција на државата.
„Што нуди ВМРО-ДПМНЕ во однос на договорите што нѐ вратија во нормалниот цивилизиран свет? Нудат поништување. Кога ќе ги прашате што после тоа поништување, велат повторно ќе почнеме да преговараме. Имаат ли гаранции дека некој од надвор од големите сили ве поддржува за тоа повторно да го преговарате и да го доведете до исход кој е добар за народот и државата? Немаат. Немаат еден докажан пријател, партнер од големите сили, како што имавме ние. Сите овие договори што ги споменувам и со Грција и со Бугарија и со Европа се направени со огромна поддршка и помош од Америка, од Германија, Франција, од големите меѓународни сили. Тие немаат ниту еден и затоа кога доаѓаат пред вас ви кажуваат дајте ни власт па од 9 мај ќе ви кажеме кои се нашите планови. Тоа е крајно несериозно“ порача Пендаровски.
Затоа, додаде тој, уште на 24 април потребна е масовна мобилизација и заокружување на бројот еден со што напредокот на државата ќе продолжи.
Пендаровски во своето обраќање пред граѓаните порача и дека е крајно време за да се испита потеклото на имот на сите судии и обвинители, но и на политичарите, почнувајќи од него, а оние за кои ќе се утврди дека за време на нивниот мандат несразмерно го зголемиле својот имот прво да ги вратат парите а потоа и да се соочат со затворски казни.
Македонија
СДСМ: Мицкоски и ДПМНЕ немаат план ниту визија, со нив нема членство во ЕУ
„Мицкоски и ДПМНЕ немаат план, ниту визија за иднината, кристално е јасно дека со нив нема членство во ЕУ.
Мицкоски и ДПМНЕ како иднина, на граѓаните им нудат враќање во минатото, во изолација, режим, неизвесност.
Граѓаните сакаат напред, сакаат членство во ЕУ, повисок животен стандард, поголеми плати и пензии, сакаат да живеат во европска Македонија.
Затоа, на изборите ќе го дадат својот глас за европска иднина со СДСМ и Димитар Ковачевски“.
Соопштение на СДСМ
Македонија
ВМРО-ДПМНЕ: Овие избори се последна шанса за Македонија
„СДС ја фрли Македонија во хаос. Институциите се парализирани, апатија и разочараност ги тиштат граѓаните.
Корупцијата е распространета во секоја пора на општеството. Во Македонија со СДС услугите кои треба да ги пружи државата на граѓанинот станаа мисловна именка. Лотариска среќа е ако може некој да извади пасош и лични документи, пациентите не се сигурни каква терапија добиваат, се заработува бескрупулозно на грбот на најранливите, непотизам насекаде, правда никаде, не само младите туку и сѐ повозрасни размислуваат да ја напуштат земјата не гледајќи веќе ниту систем, ниту ред, СДСМ е сведена на измеќар и соучесник во сите скандали, се срамиме од нивните недостоинствени настапи низ светот, иднината и подобриот живот се далечен.
На врвот на листите на корупција, мизерија и немаштија сме. За 7 години колку што се на власт СДС и ДУИ ја презадолжија државата, го урнисаа системот и криминалот го направија столб на своето функционирање.
Ова не е Македонија што народот ја сака и ја заслужува. Овие избори се последна шанса за спас. Шанса во која може да се верува, избор во кој мора сите граѓани да учевствуваат. Македонија е едноставно одземена. Но, промените се можни и се на дофат.
Промените се во твои раце! Македонија повторно ќе биде твоја!“.
Соопштение на ВМРО-ДПМНЕ