Македонија
Доделени становите на младите брачни двојки и самохраните родители
За 41 стан, кој Министерството за транспорт и врски ги продава за млади брачни парови и самохрани родители, аплицираа вкупно 244 лица, односно за секој стан аплицирале по 6 апликанти.
За 41 стан, кој Министерството за транспорт и врски ги продава за млади брачни парови и самохрани родители, аплицираа вкупно 244 лица, односно за секој стан аплицирале по 6 апликанти.
Денеска по електронски пат беа распределени становите во Реонскиот центар Аеродром кои според објавениот оглас на Министерството, две третини од становите, односно 28 станови се наменети за продажба на млади брачни парови, а останатите или 13 стана се предвидени за самохрани родители.
Министерот Миле Јанакиевски на денешното доделување на становите по електронски пат истакна дека ваквиот начин на распределба на ограничени ресурси претставува една од суштинските мерки за борба против корупцијата. „На овој начин сакавме да го направиме потранспарентен процесот на дистрибуција и да го елиминираме човечкиот фактор, како начин да се намалат можностите за коруптивно дејствие. Компјутерот не признава ниту партиска припадност ни роднинска припадност, ниту прима подарок. Мислам дека ова е најефикасен начин за распределба на становите“, истакна Јанакиевски.
Александар Славковиќ од фирмата „Сивус“, која што го изработи софтверското решение за електронското распределување на становите, рече дека идејата на изработката на самото решение е да биде што е можно по транспарентно.„Решението врши внесување на сите апликации. Комисијата има за задача да ги внесе точно податоците во решението, додека самото компјутерско решение ги евалуира сите апликации што се внесени, се грижи за точноста на бодувањето на апликациите, и откако ќе се направи тоа се активира програмот, така да тој ќе направи распределба на становите. Додека се внесуваат апликациите во програмата, комисијата нема увид на бодовите, не знае за кој стан колку луѓе конкурираат, колку бодови имаат, додека не се активира самото решение. Откако ќе се активира самата програма ќе се заклучи и нема да има можност од никакво менување“, им објасни Славковиќ на апликантите.
Оние апликанти кои денеска не се видоа на ранг листата ќе можат да во среда и четврток да ја погледнат својата документација, а ќе имаат увид и во документацијата на оние кои ги добија становите.крај/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Левицата: Проблеми со фингерпринтот во Куманово, Ѓорче Петров, Аеродром, доцнење на гласачкиот процес и нерегуларности во избирачкиот список
Од Претседателскиот изборен штаб на кандидатот за претседател Билјана Ванковска информираат дека денешниот изборен ден поминal мирно во фер и демократска атмосфера, но нагласуваат дека сепак се случиле некои помали проблеми на изборните места.
Како што информираше Моника Маневска, портпаролот на Ванковска, забележани се помали проблеми со фингерпринтот на повеќе гласачки места како Куманово, Ѓорче Петров, Аеродром и др.
Истакна дека од терен добиваат информации дека во Куманово се правеле редици заради проблемите со фингерпринт, а во некои изборни места гласањето почнало со доцнење.
Исто така беше кажано дека и на овие избори се појавуваат нерегуларности во избирачкиот список па така во некои изборни места има запишано почонати гласачи, а некои гласачи кои се со постојано место на живеење и без промена на адреса ги нема во изборниот список.
Македонија
Ромите за Демократија: Членови на СДСМ се закануваa на Ромите набљудувачи на изборите
Денес, додека Северна Македонија ги организира своите претседателски избори, се појави голема загриженост за безбедноста и интегритетот на изборниот процес. Членовите на фондацијата „Ромите за Демократија“, кои се набљудувачи на изборите, беа изложени на сериозни закани и заплашувања од членови поврзани со партијата СДСМ, се истакнува во соопштението на оваа фондација.
Додаваат дека како одговор на овие алармантни случувања, фондацијата „Ромите за Демократија“ испратила официјално писмо до лидерот на партијата СДСМ, во кое бараат итна акција.
Во писмото, како што појаснуваат, се повикува на итна истрага за заканите кон ромските изборни набљудувачи и се нагласува потребата од брзи и соодветни санкции против сите вклучени членови на партијата.
Фондацијата „Ромите за Демократија“ најостро го осудува овој чин на заплашување што се применува врз ромските набљудувачи на изборите“, изјави Селвије Мустафи Алкан, извршен директор на Фондацијата.
„Безбедноста на сите набљудувачи на изборите мора да бидат гарантирани за да се обезбеди интегритет на изборниот процес и да се поддржуваат принципите на демократијата“.
Во писмото дополнително се бара одговор од лидерот на партијата СДСМ до крајот на денот, во кој се наведени чекорите преземени за решавање на ситуацијата и спречување какви било дополнителни инциденти. Непочитувањето, како што велат, ќе резултира со информирање на меѓународната заедница, нагласувајќи ја одговорноста на партијата за безбедноста на набљудувачите на изборите.
„Нема да толерираме никакви закани или насилство врз оние кои се посветени на обезбедување слободни и фер избори“, продолжи Алкан. „Партијата СДСМ мора да ги почитува принципите на демократијата и да преземе итни активности за да ја обезбеди безбедноста на ромските набљудувачи на изборите“, истакнуваат од оваа фондација.
Македонија
Две лица од Скопје го искинале гласачкото ливче, неколкумина го фотографирале
Во 14 часот е пријавено дека на избирачко место во Штип М.Ш. (23) го фотографирал гласачкото ливче. Се преземаат мерки за расчистување на случајот, по што ќе следи соодветен поднесок, соопшти МВР.
Полициски службеници од СВР Штип го привеле Г.Ј. (34) од с. Тработивиште затоа што го фотографирал гласачкото ливче. Според полицијата по документирање на случајот ќе следи соодветен поднесок.
„Во 15.30 часот е пријавено дека на избирачко место бр. 1680 во с. Сопот Р.А. од с. Сопот го фотографирал гласачкото ливче. Се преземаат мерки за расчистување на случајот, по што ќе следи соодветен поднесок.
Во 15.40 часот е пријавено дека на избирачко место бр. 2880 во Скопје Р.Х. (72) го скинал гласачкото ливче. Р.Х. е приведен и по документирање на случајот ќе следи соодветен поднесок.
Во 15.50 часот е пријавено дека во избирачкото место бр.2783 во Скопје Б. С. (48) го скинала гласачкото ливче. Се преземаат мерки за расчистување на случајот, по што ќе следи соодветен поднесок“, информираат од МВР.