Македонија
Опозицијата посочи на селективна борба против криминалот, Владата негира
Опозицијата на денешната седница за пратенички прашања ја обвини Владата дека е селективна во борбата против криминалот, за што премиерот Никола Груевски негираше и рече дека Владата води неселективна и ефикасна борба против криминалот и корупцијата.
Опозицијата на денешната седница за пратенички прашања ја обвини Владата дека е селективна во борбата против криминалот, за што премиерот Никола Груевски негираше и рече дека Владата води неселективна и ефикасна борба против криминалот и корупцијата. „Два случаја во Битола пред две недели го потврдија тоа. Дванаесет високи раководители од РЕК Битола се обвинети за криминал тежок седум милиони евра, направен во првата половина од 2008 година. Нелегално потпишувале документи и фактури, а за тоа не знаел нивниот шеф. И тие не се отстранети од работните места, ниту пак, се наоѓаат во притвор. Додека по битолските улици се бруеше за ова, два дена подоцна, млекарот Душко Илиевски беше спектакуларно уапсен, во ваш стил пред камери, со неговите најблиски заради див коноп на неговата нива. Дали не е селективно ваквото однесување?“, праша пратеничката Весна Бендевска од СДСМ. Според Бендевска Владата само покажува „мускули“ и лажна принципиелност во борбата против корупцијата и криминалот. Премиерот Груевски, одговарајќи на обвинувањата, рече самиот факт што се водат постапки и против членови на ВМРО-ДПМНЕ, покажува дека Владата води неселективна и ефикасна борба против криминалот и корупцијата секаде каде што истражните органи ќе најдат докази . „Во борбата против криминалот и корупцијата нема да нè сопре ниту една ваша реакција или обид за манипулација на состојбите, ниту, пак, тоа ќе биде селективно. Напротив, ќе се продолжи во ист правец, како и досега. Кој оди во притвор, а кој не оди, не одлучува ниту Владата, ниту премиерот, ниту министерот за внатрешни работи, туку тоа е одлука на судот и е независно од која партија е, етничка или верска припадност“, рече Груевски. Бендевска го праша премиерот зошто нема обвинение и за актуелниот министер за одбрана Зоран Коњановски, кој тогаш бил генерален директор на РЕК Битола, и дали се обидува да го амнестира од кривична одговорност. „Тоа е инсинуација. Ако за некој постои каков било доказ дека го прекршил законот, независно кој е, што е, на која функција, од која партија, етничка, верска, партиска припадност, кај нас нема разлика. Ова прашање можам да го разберам само од аспект на вашето постапување и вашата матрица на размислување. Вие веројатно така би постапувале“, рече Груевски. На прашањето за формирање комисија во Собранието која ќе разгледува ревизорски извештаи за трошењето на буџетот, премиерот Груевски рече дека нема против формирање на вакво тело и оти тој би го охрабрил создавањето на парламентарен механизам кој ќе ги разгледува извештаите. Опозицијата го праша премиерот дали Владата е подготвена да го исполни ветувањето од 2008 година и да го решат статусот на стечајците кои и денеска протестираа пред зградата на Собранието. Премиерот одговори дека тоа што било ветено пред две години во целост е исполнето, а дека сегашните протести се барања за обештетување луѓе кои ја загубиле работата во приватни фирми кои паднале во стечај. „Јасно и недвосмислено ветивме дека ќе донесеме закон, кој го донесовме, со кој сите стечајни работници кои имаат над 25 години работен стаж, а кои излегуваат од фирми кои во моментот на пропаѓање биле во доминантна државна сопственост, дека за нив ќе се обезбеди месечно обештетување од околу 6.000 денари до пензионирањето. Околу 4.000 стечајци од такви фирми или фабрики го остварија своето право“, рече Груевски . Премиерот рече дека парламентарниот состав од 2002-2006 година пред изборите донел одлука за барањето на стечајците, а дека тогашниот претседател Бранко Црвенковски одбил да ја потпише. „Потсетете се на тој момент пред да барате виновници за ова прашање и потсетете се на моментот во чие време на транзицијата овие фирми дојдоа на такво дереџе за да станат стечајни фирми. Тоа прашање треба да си го поставувате секогаш кога ја отворате оваа тема“, рече Груевски./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК објави упатство за гласање на претседателските избори
Пред утрешното гласање на првиот круг од претседателските избори, Државната изборна комисија (ДИК) на својата официјална веб-страница објави повеќејазично упатство за гласање.
УПАТСТВО ЗА ГЛАСАЊЕ ЗА ПРЕТСЕДАТЕЛСКИ ИЗБОРИ
1. Гласањето се врши лично на гласачките места во Република Северна Македонија и во ДКП/КК.
2. Избирачкиот одбор на гласачите им го објаснува начинот на гласање и им овозможува да гласаат.
3. Гласачот може само еднаш да се појави на гласачкото место за остварување на своето избирачко право.
4. Гласачот го приложува документот за лична идентификација – важечка лична карта или патна исправа, односно лична
карта или патна исправа чија важност истекла во периодот од 24 јули 2023 до 24 април 2024 година.
5. Гласачот става отпечаток од показалецот од десната рака на уредот за биометриска идентификација, а доколку
гласачот нема десен показалец се зема отпечаток од показалецот од левата рака или во случај на гласачот да му
недостигаат овие два прста се зема отпечаток од наредниот прст од десната рака.
6. Доколку гласачот нема две раце гласачот се внесува во техничката опрема со пребарување преку неговиот единствен
матичен број (ЕМБГ).
7. Доколку УБИГ не може да најде совпаѓање на отпечатокот од прсти со отпечатокот од прсти на гласачот во
електронскиот избирачки список, гласачот се внесува во УБИГ преку отчитување на личниот документ на МРЗ скенерот
или преку внесување на единствениот матичен број (ЕМБГ), а потоа гласачот става отпечаток од прст на УБИГ.
8. По потврдувањето на идентитетот, гласачот го става својот потпис во изводот од Избирачкиот список.
9. Гласачкото ливче се откинува од кочанот по нумерички редослед, му задолжително се става печат на предната страна
на местото определено за печат и потоа му се дава на гласачот.
10. Гласачот добива едно гласачко ливче.
11. Гласачот гласа сам, тајно зад гласачки параван.
12. Гласачот гласањето го врши на тој начин што го заокружува редниот број пред називот/името на листата со хемиско
пенкало со мастило во сина боја.
13. Превитканото гласачко ливче гласачот го става во гласачката кутија.
14. Гласачот го подигнува документот за лична идентификација.
15. Гласач кој има физички недостаток или е неписмен и поради тоа не може да гласа на начин утврден со Изборниот
законик, со себе има право да доведе лице кое ќе му помогне при гласањето. Ако не доведе со себе лице кое ќе му
помогне при гласањето, тогаш избирачкиот одбор ќе определи друго лице од редот на гласачите. Лицето не смее да
влијае врз одлуката на гласачот.
16. Забрането е семејното и групното гласање, како и гласањето за друго лице.
17. Забрането е фотографирање на гласачкото ливче со мобилен телефон или апарат за фотографирање.
18. Забрането е носење оружје на гласачкото место.
Македонија
Беќаровски навести дека си оди од Токсикологија: Дон Кихот конечно го напушта оклопот
Доктор Нико Беќаровски навести дека ќе си замине од Клиниката за Токсикологија.
Во статус на социјалните мрежи, Беќаровски порача дека е време на приватните клиники да се отвори Одделение за детоксикација и Клиничка токсикологија.
„35 години бев најголем борец за здрав јавен здравствен сектор. Дон Кохот конечно го напушта оклопот. Време е во некоја од приватните болници да се отвори Одделение за детоксикација и клиничка токсикологија. Бројот на консументи на психоактивни супстанции секојдневно расте“, пишува Беќаровски.
Ова се случува откако вчера на прес-конференција заедно со уште пет докторки од Стручниот колегиум на Клиниката за токсикологија јавно ја прозваа економската директорка на Клиниката за токсикологија Бесија Иљази, дека не дозволува вработување на двајца дипломирани биолози и еден болничар. Наместо, тоа, таа инсистира да се вработат осумнаесетмина на кои им истекле договорите за дело, а меѓу нив има лица кои немаат соодветно образование.
Беќаровски кој е раководител на Одделението за интензивна нега на Клиниката рече дека едниот од нив, болничар, вршел притисок врз лаборант- барал урина во која имало наркотици, да биде сменета со урина која е чиста, ама лаборантот не прифатил.
За образованието на Иљази, лекарите не знаат ништо, ниту за познавањето на јазици – со оглед на тоа што македонскиот не го зборува, а Беќаровски се обидел да комуницира со неа на англиски јазик.
Министерот за здравство Илир Демири најави разрешување на медицинскиот директор на Клиниката за токсикологија, д-р Данил Петровски, но не и економската директорка бидејќи немал сознанија за прекршок.
Македонија
Дожд и снег на повисоките места: ЦУК апелира на внимателност поради најавените метеоролошки промени
ЦУК апелира за внимателност заради најавените метеоролошки промени со дожд, со доумерен ветер и со снег на повисоките места.
Кога се оди со возило на планините е препорачливо да се има полн резервоар гориво и да се внимава на лизгавоста и проодноста на патот, велат од ЦУК.
„Сите итни случаи се пријавуваат на Единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации“, се наведува во соопштението.
Истовремено, ЦУК информира дека е потребно и корисно да се следат препораките и информациите од медиумите за превенција, а и за реагирање при итни случаи.
„Во реонот на автопатот A2 Кичево-Охрид, што е во изградба, во период од 12 до 16 часот ако се слушнат силни детонации, граѓаните да не се вознемируваат, во повеќе наврати ќе се извршат минирања на теренот“, информираат од ЦУК.