Македонија
Нови партиски препукувања за приватизацијата на Телеком
Деновиве повторно се актуелизира приватизацијата на македонскиот Телеком која што сериозно претендира да стане една од најкриминалните и најштетните приватизации во Македонија, изјави во четвртокот Јани Макрадули од СДСМ.
Деновиве повторно се актуелизира приватизацијата на македонскиот Телеком која што сериозно претендира да стане една од најкриминалните и најштетните приватизации во Македонија, изјави во четвртокот Јани Макрадули од СДСМ.
„Иако се навршуваат скоро десет години од овој штетен договор, се уште сме сведоци на последиците“, рече Макрадули на денешната прес – конференција Според него во сомнителната приватизација на Телеком, биле вмешани истакнати владини функционери на ВМРО-ДПМНЕ, преку фирмата „Аналитико АИ“. Оваа тема деновиве ја отвори и угледниот лондонски неделник „Економист“ кој јасно ги наведува сомнителните трансакции кои се констатирани од реномирана американска консултантската фирма, рече Макрадули.
„Констатираните неправилности имаат име и презиме, тоа е партиската фирма “Аналитико АИ“, во која до 2007-ма година, беше вработен врвот на преродбеничкиот тим на ВМРО-ДПМНЕ: Мартин Протоѓер, Гордана Јанкуловска, Миле Јанакиевски, Оливер Шамбевски, Ленче Самарџиска, Елизабета Канческа Милеска, Александар Бичиклиски и Ален Зекиров“, рече Макрадули.
Тој прашува дали посочената компанијата добила бенефиции од самата продажба на телекомот во 2001-ва и колку од тоа заработиле поединци од Владата на ВМРО-ДПМНЕ.
„Каква е целта во угледниот „Економист“ да се плаќаат скапи реклами за инвестиции, кои патем никогаш не се случија, за потоа да добиеме бесплатна реклама за криминалот и нетранспарентноста на Груевски и Фамилијата“, рече Макрадули.
Експресна реакција уследи од ВМРО-ДПМНЕ, чиј портпарол Александар Бичиклиски пресот на СДСМ го окарактеризира како груба конструкција за обид за прикривање на фактот дека, постои основан сомнеж дека во времето на СДСМ биле испумпани поголеми средства од Македонски Телеком, на нејзини ќерки фирми и други фирми во странство.
Според Бичиклиски, ниту Аналитико, ниту луѓето кои беа спомнати од страна на Макрадули, не биле спомнати ниту директно, ниту индиректно во ниту една точка од текстовите на кои се повикува Јани Макрадули.
„Место груби лаги, Јани Макрадули треба да даде одговор, кои луѓе од СДСМ учествувале во сомнителните активности посочени од страна на ревизорите?Дали можеби токму тој и негови блиски пријатели се причина за постоењето на овие текстови?“, запраша Бичиклиски./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.