Македонија
Слаб одѕив на прославата на Шаќири
Исклучително низок одѕив ја окарактеризира прославата, која што ја организираше Националната демократска унија на Хисни Шаќири по повод 12 август денот кога, според нив, Албанците го ослободиле Скопје.
Исклучително низок одѕив ја окарактеризира прославата, која што ја организираше Националната демократска унија на Хисни Шаќири по повод 12 август денот кога, според нив, Албанците го ослободиле Скопје.Организаторот на прославата дополнително ќе испитува дали ваквиот крах се должи на рамазанските пости, или на нешто друго.
„Направена е грешка, во врска со терминот. За прв пат овој датум се забележува како значаен. Луѓето немаат многу сознанија за овој датум, но другата година, кога ќе се одбележи овој датум ќе биде поорганизирано и посвечено“, изјави Хисни Шаќири.
Како што јави репортерот на Макфакс, прославата по 40 минутно задоцнување започна со интонирање на албанската химна, а на бината беа истакнати неколку албански знамиња и по едно знаме на САД и на НАТО.
Организаторите побараа, овој датум традиционално да се прославува, а побараа и да им се подигнат споменици на албанските патриоти, бидејќи според нив Скопје е заеднички мултиетнички град.
„Овој период кој е значаен не само за Албанците туку за сите народи на Балканот. Се знае дека 500 години ропство од страна на османлиската империја не беше само за Албанците“, рече Шаќири.Според него, целта на прославата е да се забележи овој датум, кој претставува дел од историјата на албанскиот народ.
Македонските и албанските историчари излегоа со различни тези предлогот 12 август да се одбележува како ден на ослободувањето на Скопје.
Според историчарите Албанци, албанските востаници го ослободиле Скопје од отоманско ропство, додека историчарите Македонци сметаат дека востаниците влегле во Скопје по повлекувањето на тогаш веќе ослабнатата отоманска империја. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.
Македонија
Нема да има работни саботи за учениците, МОН донесе нова одлука
Министерството за образование и наука информира дека наставата од деновите на гласање, 24 април и 8 мај, како и од 30 ноември кога беше организиран Самитот на ОБСЕ во Скопје, наместо во саботи, ќе се надомести во работни денови.
Дополнувањето на нереализираните наставни часови ќе го планираат и организираат директорите на училиштата и ќе се реализира со подолг престој на учениците во денови од работната недела, во рамки на шестчасовното работно време на наставниците, велат од МОН.
Од Министерството потсетуваат дека наставната година за учениците од средните училишта трае до 10 јуни, додека за учениците од основните училишта до 17 јуни.
„Потребно е да го зачуваме најдобриот интерес на учениците, а тоа подразбира тие во целост и квалитетно да ја совладаат предвидената наставна материја“, додаваат од МОН.
Македонија
Со супервештачење ќе се бара вина кај лекарите за родилката од Дебар, која, по породувањето, се врати дома без јајчник, матка и бубрег
Судот нареди да се направи супервештачење за родилката од Дебар, Јалдз Веапоска, на која по породување во струшката болница ѝ беа извадени јајчник, бубрег и матка. Наредбата за супервештачење доаѓа откога судот доби целосно спротивни вештачења од Обвинителството и од одбраната. Вештачењето од Институтот за судска медицина, приложено од Обвинителството, посочи одговорност кај лекарите од струшката болница, а вештачењето нарачано од одбраната, кое го направи вештакот Драге Дабески, заклучи дека лекарите ѝ го спасиле животот на родилката.
„Со супервештачењето верувам дека, конечно,. вистината ќе излезе на виделина и правдата ќе биде задоволена. Вештакот на одбраната не најде лекарска грешка, ме убедува дека со вадење три органи по породувањето со царски рез, ми го спасиле животот иако вештачењето од Судска медицина покажа дека лекарите имаат вина. Јас здравјето не можам да си го вратам, органите ми се извадени и функционирам како половина човек, но очекувам супервештачењето на лекарите да им покаже дека има лекарска грешка и на пациентите да им порачам дека не треба да молчат, треба да се охрабрат и да се борат за вистината“, вели Вепоска за „Макфакс“.
Се пожали дека секое судење дополнително ја исцрпува, а извадените органи ја ограничуваат во мајчинството, во работата и во секојдневниот живот.
„Здравјето целосно ми е нарушено. Освен физички, имам и психички проблеми, се лекувам и од тоа. Особено тешко ги поднесувам судењата, ми треба време да закрепнам од нив. Работам со скратено работно време оти немам сила за осумчасовна работа. Како мајка не можам да им се посветам на децата онака како што треба оти постојано имам здравствени проблеми, еве сега тукушто ја испив терапијата“, рече Веапоска по денешното судење.
Судијата Јодран Јованов, кој го побара супервештачењето, е трет судија што го добива нејзиниот случај откога претхдните двајца се пензионираа. Следното рочиште е закажано за 3 јуни кога Вепоска очекува да биде готово и супервештачењето.
За извадените органи по породувањето со царски рез на Веапоска, обвинети за несовесно лекување се гинекологот Мухамед Асани, кој во 2020, кога беше направено породувањето, беше директор на болницата, син му Блертон Асани и докторката Лилјана Јовановска.