Македонија
Пуштена фонтаната со ликот на Тоше Проески
Во населбата Ново Лисиче, денеска свечено беше пуштена во употреба меморијалната фонтана со ликот на Тоше Проески.
Во населбата Ново Лисиче, денеска свечено беше пуштена во употреба меморијалната фонтана со ликот на Тоше Проески.
Фонтаната се наоѓа на Детската улица и е изработена од мермер со кружна форма, со дијаметар од седум метри. Централниот дел е со квадратен облик, висок 1,45 метри, каде е поставена слика од Тоше. Фонтаната и околниот дел е осветлен со канделабри и неонски светилки, хортикултурно е уреден со зеленило и клупи.
„Фонтаната ја пуштаме на еден од најголемите христијански празници Успение на Пресвета Богородица. Мислам дека ова ќе биде едно од најубавите места во нашата држава и за сите почитувачи на ликот и делото на Тоше, кои ќе можат да дојдат тука и да се потсетат на него. Ова е и по барање на жителите на општина Аеродром, кои се негови фанови“ – рече градоначалникот на Аеродром Ивица Коневски при официјалното пуштање на фонтаната.
Град Скопје ќе учествува во уредување и одржување на зеленилото во паркот околу фонтаната. За градоначалникот Коце Трајановски ова претставува уште едно културно катче во градот каде ќе се собираат фановите на Тоше Проески
„Споменикот е поставен во еден убав дел од општина Аеродром. Има огромен, добро уреден простор со парковско зеленило. На овој начин му се одоложуваме на Тоше за се што направил за Македонија“ – рече Трајановски
Изградбата на меморијалната фонатана е финансирана од општина Аеродром и фондацијата Тоше Проески, а ја отворија неговите колегите, музичарите Зоран Џорлев, Елена Ристеска, Елвир Мекиќ, групата Некст тајм, пред голем број граѓани кои се уште не можат да го преболат нивниот миленик
„Тоше го заслужува ова. Не се наоѓа таков човек, особено заради тоа што го направи за децата. Многу жалам за него“ – вели скопјанката Катерина Димишкова
Фонтаната започна да се гради на 21 март годинава, а изградбата чини околу осум милиони денари.
Во чест на легендарниот Тоше Проески во Крушево,на Гумење, каде Тоше сакаше да прави музичко студио, продолжува изградбата на Спомен куќата, која треба да биде завршена годинава. На оваа локација локалните власти планираат изградба и на црква.
Градоначалникот на Крушево Василчо Дамчевски вели дека градот се уште не може да го преболи нивниот Тоше иако како што вели „времето лекува се“.
„Некои работи се излезени од колосек. Ние како Крушевчани треба да водиме сметка за да го зачуваме она што тој го остави, но во вистинско светло, на хумани вредности, на христијанската вера и на се што е позитивно, но мислам дека Спомен куќата е мегаломанска“ – вели Дамчевски.
Дамчевски вели дека ќе побара од фановите на Тоше, концертот кој во негова чест се одржува во Скопје да се одржува и во родното Крушево, што според него многу ќе значи за градот.крај/кс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Висок функционер од НАТО се сретна со Џафери: „Вие сте ценета членка во Алијансата“
Џафери – Лапсли: Северна Македонија е ценета членка на Алијансата која посветено ги развива одбранбените капацитети
Техничкиот премиер, Талат Џафери, вчера попладне се сретна со помошникот на генералниот секретар на НАТО за одбранбена политика и планирање, Ангус Лапсли во рамки на неговата посета на Скопје.
Џафери му посака срдечно добредојде на помошникот на генералниот секретар Лапсли, и воедно го потврди придонесот на Северна Македонија во НАТО, кој во континуитет се зацврстува. Достигнувањето на 2,05% од БДП во буџетот на одбраната, од кои 30% се за модернизација на Армијата, се силен индикатор за тој придонес.
Воедно, со учеството во колективната безбедност преку мултинационалните сили на Алијансата во Романија, во Бугарија и во Латвија, како и во мисијата на НАТО на Косово, КФОР, и во операцијата на ЕУ во Босна и Херцеговина, АЛТЕА, земјата дополнително се позиционираше и како еден од столбовите на регионалната стабилност.
На средбата, двете делегации имаа можност да поразговараат за Самитот на НАТО во Вашингтон во духот на 75-годишнината на Алијансата, како и за актуелните одбранбени планови, имајќи ја предвид глобалната безбедносна состојба во Европа и светот.
Воедно, двете делегации ја потврдија и поддршката која земјите-членки, вклучително и Северна Македонија, ја даваат за Украина.
Од страна на помошникот на генералниот секретар Лапсли, беше истакнато дека Северна Македонија е ценета членка во Алијансата, имајќи го предвид целокупниот придонес кој досега го има дадено. Алијансата е по обединета и посилна од кога било во нејзината историја, а со зачленувањето на Финска и Шведска, НАТО станува гарант на безбедноста на над 1 милијарда граѓани од демократскиот свет.
Македонија
Ангелов за ДУИ: Со пушка дојдоа на власт, со пенкало да ги отераме на буништето на историјата
Колку и да е убедлива, победата нема да биде комплетна доколку ДУИ не биде срушена од власт, вели претседателот на Достоинство, Стојанче Ангелов по првиот круг од претседателските избори.
„Затоа е потребна општа мобилизација за уште посилна победа на коалицијата “Твоја Македонија” предводена од ВМРО ДПМНЕ. Граѓаните ги отпишаа СДСМ, да запнеме сите заедно да ги отпишеме и ДУИ. Овојпат ДУИ мора да падне! Со пушка дојдоа на власт, со пенкало да ги отераме на буништето на историјата!“, порача Анеглов.
Ангелов пред еден месец соопшти дека неговата партија излегува од коалицијата предводена од СДСМ.
Тој со години се залагаше воените инвалиди и семејства на загинатите бранители да бидат обештетени, но немаше слух од своите коалициони партнери. Како што самиот рече, добивал поддршка од премиерот Димитар Ковачевски и министерката за одбрана Славјанка Петровска, но поради противењето на ДУИ тоа не се случило.
Македонија
Стевчо собра повеќе потписи од гласови – поразот на Јакимовски главна тема на социјалните мрежи
Кандидатот за претседател на ГРОМ и актуелен градоначалник на скопската општина Карпош, Стевчо Јакимовски, на вчерашниот прв круг од претседателските избори освои само 8.103 гласа, односно 0,90 %. Тоа е помалку од бројот на собрани потписи за претседателската кандидатура зад која му се потпишаа 10.000 граѓани.
Јакимовски во неговата општина освои 2.143 гласа, а во родната Крива Паланка за Јакимовски гласале 182 граѓани.
Тој вчеравечер призна пораз и ѝ честиташе водство на Гордана Силјановска-Давкова. Додаде дека не е задоволен од изборниот резултат.
Поразот на Јакимовски вчера беше главна тема на социјалните мрежи.
Стевчо Јакимовски ни комшиите не го гласале. Пошо да го гласаа ќе тепаше у прв круг.
— Ракун (@HumoroidM) April 24, 2024
Стевчо има повеќе квадрати во една општина свои отколку гласови
— БУГАРСКИ ПАСОШ🇲🇰 (@NemamBgPasos) April 24, 2024
Стевчо им се заблагодари на сите коишто гласаа за него… поединечно
— Dimano (@dimanovski) April 24, 2024
И доктортот Нико Беќаровски за него објави хумористичен статус.
„Стефчо Јакимовски собра повеќе потписи од гласови“, напиша тој на „Фејсбук“.
Стевчо Јакимовски во првиот круг заврши последен по бројот на гласови на претседателските избори.