Македонија
Последна шанса за кандидатите од Академијата за судии и јавни обвинители
Советот на јавните обвинители ќе им даде уште една шанса за пријавување на кандидатите од Академијата за судии и јавни обвинители. Ако и на последниот оглас не се пријават, кандидатите ќе го изгубат приоритетот и ќе треба да и ги вратат парите на државата.
Советот на јавните обвинители ќе им даде уште една шанса за пријавување на кандидатите од Академијата за судии и јавни обвинители. Ако и на последниот оглас не се пријават, кандидатите ќе го изгубат приоритетот и ќе треба да и ги вратат парите на државата.
„На неколку огласи не се јавуваат завршените кандидати, па затоа ќе треба најитно да се седне заедно со судскиот совет на Македонија и Академијата на судии и јавни обвинители да видиме што е проблемот, да се разговара со кандидатите. Ако и во наредниот период не се јавуваат на тие огласи тие ќе го изгубат приоритетот и како крајна мерка ќе треба да ги вратат средствата кои државата ги вложила во нивната едукација.“ изјави новиот претседател на советот на јавни обвинители, Костадин Кизов, кој го истакна овој проблем како приоритет во неговата понатамошна работа.
„Советот одлучи да им даде уште една шанса и да им даде уште еден оглас за избор на четири јавни обвинители во Тетово, Велес, Гевгелија и Гостивар од редот на кандидатите на академијата“ изјави Маневски.
Негов приоритет ќе биде и финансирањето на јавните обвинителства, изработка на акциониот план на советот на јавни обвинители, издвојување на обвинителската стручна служба, како и зголемувањето на бројот на јавните обвинители по стапувањето на сила на новиот закон за кривична постапка.
Со оглед на тоа дека, со овој закон се зголемуваат ингеренциите на обвинителите, во јавните обвинителства кадарот ќе се зголеми за 20 до 30 отсто. Новиот претседател на Советот Костадин Кизов денеска едногласно беше избран за претседател. Тој доаѓа од јавното обвинителство во Кичево./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Манолева: По 43 години, болницата во Отешево доби комплетно нов лик, современи услови за третман и медицинска опрема
Заменик министерката за здравство д-р Маја Манолева, вчера беше во посета на ЈЗУ Специјализирана болница за превенција лекување и рехабилитација на хронични респираторни неспецифични и алергиски заболувања ОТЕШЕВО. Оваа јавно-здравствена установа минатата година доби комплетно нов лик со реновиран болнички објект финансиски поддржан од Министерството за локална самоуправа и Владата на Швајцарија во висина од 20 милиони денари.
„Со имплементацијата на овој проект подобрени се болнички услови за третман на пациенти, поставен е нов мебел како донација од Луксембург, а собите се наместени со нов инвентар. Сите амбуланти, лабораторија, дневна соба, ехо кабинет, соба за спирометрија и алерго тестови се позиционирани во реновираниот објект. Како што можевме да видиме од посетата амбулантите веќе функционираат во реновираните простории. Специјализираната болница Отешево нуди современи услови за третман на пациенти и достоинствени услови за работа на здравствените работници“, рече Манолева.
Болницата во Отешево опстојува повеќе од 43 години и ова е прво реновирање кадешто значително се унапредени болничките услови. Во изминатиот период, установата се зајакна и со два апарати за физикална медицина и рехабилитација во склоп на проектот во вредност од 270 илјади денари.
Македонија
Притвор од 48 часа за две лица кои се задржани по убиството на лекарот во Железара
Со оглед на тоа што се уште се преземаат дејствија за обезбедување докази, јавен обвинител од Основното јавно обвинителство Скопје синоќа до судијата на претходна постапка од Основниот кривичен суд Скопје достави предлог за определување мерка краткотраен куќен притвор во траење од 48 часа за две од лицата кои беа задржани во врска со убиството на лекар во скопската населба Железара, извести Обвинителството.
Како што велат од Обвинителството, предлогот е прифатен и бараната мерка е определена.
Македонија
„Мицковски е ист како Груевски, злоупотребени децата во Гевгелија“, вели СДСМ
„Христијан Мицкоски е ист како неговиот претходник и ментор Никола Груевски. За врме на посетата на Мицкоски на Гевгелија беа злоупотребени млади лица и ученици, исто како што правеше Груевски, кога се редеа деца за да го поздравуваат“, соопшти СДСМ.
„На ист начин вчера, под палка на локалната власт на ДПМНЕ во Гевгелија беа поставени ученици да му аплаудираат, овој пат на Мицкоски.
Мицкоски е ист како Груевски. Во ДПМНЕ нема никакви промени. Тоа се истите методи на ДПМНЕ и истите ликови.
Мицкоски сака да продолжи каде застана Груевски.
Граѓаните не забораваат како изгледаше кога менторот на Мицкоски, Груевски нѐ заглави и не донесе до дното“, се наведува во соопштението на СДСМ.