Македонија
Жестока дебата на Анкетната комисија за собранискиот инцидент
Анкетната комисија што го испитува собранискиот инцидент од 1-ви јули попладнево продолжи со работа со испрашување на Претседателот на координативното тело на стечајни работници, Лилјана Георгиевска.
Анкетната комисија што го испитува собранискиот инцидент од 1-ви јули попладнево продолжи со работа со испрашување на Претседателот на координативното тело на стечајни работници, Лилјана Георгиевска. Прашањето на членот на комисијата, Благородна Дулиќ, околу тоа поради кои причини стечајците учествувале на митингот на СДСМ пред зградата на Владата, предизвика жестока дебата меѓу членовите на комисијата. Георгиевска одговори дека се одлучиле да ја поддржат опозиционата СДСМ поради тоа што не било одговорено на нивните барања за средба со пратеници и претставници од власта. „Ако се сеќавате, цело време за време на нашите протести, господинот премиер ни викаше да одиме Бранко да не обештети. Револтот кај луѓето растеше ненормално. Ние не сме од оние жртви на транзиција да водиме крави и телиња пред нечија куќа. Тоа е завршен процес. Дадовме подршка на оној што мислевме дека ќе го исправи проблемот“, рече Георгиевска. „Се договоривме. Согласно одлуката што е донесена во Собранието, ние разговараме за случувањата околу 1-ви јули 2010-та година. Значи не разговараме за нешто што се случило два-три месеци по тоа.“, интервенираше Менде Динески од СДСМ. „Прашањето на г-ѓа Дулиќ е поврзано со првиот елемент за утврдување на причинско-последичните околности кои довеле до тие настани. Такви прашања имав и јас во настапот на госпоѓата Лилјана, такви прашања имале и г-ѓа Соња Мираковска.“, одговори Илија Димовски од ВМРО-ДПМНЕ. За време на испрашувањето, беше презентиран документ, според кој, во време кога Георгиевска била водач на стечајците од 2006-та до 2009-та година, земала паричен надоместок од ЗИК Куманово во висина од 9.000 денари. Таа одговори дека овој надоместок го добивала како претставник на работниците во Управниот одбор на комбинатот. Георгиевска уште еднаш потврди дека од неколку пратеници слушнала за наводни закани на пратеникот Петар Поп Арсов дека ќе биде уапсена, но објасни дека не верува во веродостојноста на таквото тврдење. „Дали вие верувате дека г-динот Петар Поп Арсов се заканувал?“, праша пратеникот Димовски. „Не, јас го знам Петар и повеќе не верувам отколку што верувам“, одговори Георгиевска. Таа не можеше да потврди дали пратениците што и го тврделе тоа, биле од позицијата или опозицијата. Георгиевска уште еднаш повтори дел од сведочењето од првиот дел на седницата на комисијата. Рече дека стечајните работници на ниту еден начин не предизвикале никаков инцидент, ниту дошле во конфликт со полицијата. Предвидено е по Георгиевска, пред комисијата исказ да дадат претставник на МВР, кој ќе го објасни системот на обезбедување на Собранието, како и членови на обезбедувањето на законодавниот дом. Комисијата треба да утврди дали постои евентуална политичка одговорност за пратениците, кои на 1-ви јули беа дел од инцидентот со припадник на обезбедувањето, што се случи откако Собранието не го прифати предлог-законот за обештетување на стечајците./крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лукаревска: Од целосно заборавени, домашните претпријатија ги поддржавме со 100 милиони евра, ќе ја дуплираме поддршката
Се радувам што граѓаните и луѓето од бизнис заедницата се искрени и отворени. Разговараме без задршка, без страв, тоа е придобивка од слободата. Сакаме да создаваме партнерства во градењето на европската иднина. Ќе останеме заедно и заедно ќе ги решаваме предизвиците кои што нема да бидат ниту малку ниту лесни. Европската агенда е напорна, бара вклученост на сите, но тоа е најдобриот и најефикасниот начин секој ден работите да ги подобруваме, за да ги достигнеме европските стандарди, рече Лукаревска, носителката во ИЕ3 на СДСМ и Коалицијата за европска Македонија пред новинарите во Кочани.
-И до сега многу работевме за да бидеме конкурентни. Многу вложивме во зајакнувањето на домашните компании. Од целосно заборавени, без никаква финансиска поддршка, ние ги поддржавме со 100 милиони евра. Ќе продолжиме и во следните четири години, зашто тоа е важно и за компаниите и за сигурноста на вработените. Во наредниот мандат домашните компании ќе ги подржиме со 180 милиони евра. Поддршката ќе биде дуплирана. Заедно, партнерски со нив, ќе продолжиме да ја јакнеме домашната економија со јавни инвестиции од 3,5 милијарди евра.
Лукаревска истакна дека дел од овие средства ќе бидат вложени и во праведна енергетска транзиција и енергетска независност.
-Домашното производство на електрична енергија ќе го зголемиме за 70%. Со тоа државата ќе постигне енергетска независност, и самостојно ќе задоволува 100% од сопствените потреби за струја. И тоа главно од гас и од чисти и обновливи извори. Рековме НЕ за малите хидроцентрали и за сите фосилни технологии кои ни ги загадуваат воздухот и почвата.
Сето ова е продолжување на нашата досегашна работа, зашто тоа е важно за стабилноста и за нашата европска иднина.
Не се откажуваме, ќе го задржиме континуитетот, зашто немаме време за губење. Важни се овие избори за да ја славиме победата за европска Македонија, рече Лукаревска во Кочани
Македонија
Митрески: Ги зголемуваме субвенциите за енергија на 120 илјади денари за домаќинства, ранливите потрошувачи ќе добијат поголема поддршка
„Енергетската независност на Македонија е значаен приоритет за СДСМ и за Коалицијата за европска Макединија. И во време на најголемата енергетска криза, граѓаните не го почуствуваа недостатокот на светскиот пазар, затоа што водевме мудри политики и обезбедивме енергија за целата држава. Во наредниот мандат гарантираме зголемување на вкупното домашно производство на енергија за најмалку 70 проценти во однос на 2019 година, со што ќе бидеме енергетски независни“, изјави Јован Митрески, носител на ИЕ 5 за СДСМ и Коалицијата за европска Македонија.
Тој најави дека во наредниот мандат ќе биде зголемен капацитетот на обновливи извори на енергија за најмалку 100 проценти, а еден милион граѓани ќе добиваат енергија од обновливи извори.
„Ги зголемуваме субвенциите од 80 илјади на 120 илјади денари за домаќинства, ги зголемуваме мерките за заштита на правата на ранливите потрошувачи на енергија. Воведуваме забрана за изградба на нови мали хидроцентрали“, додаде тој.
Митрески најави и дека ќе продолжи поддршката на бизнисите, преку 180 милиони евра директна финансиска поддршка на домашните компании за инвестиции во производството и 3,5 милијарди капитални инвестиции и гарантираме стабилна даночна политика.
„Воведуваме 0 проценти данок на личен доход за минимална плата, како и по 200 евра за во првите 12 месеци за секое прво вработувањ на лица до 26 години. Планираме инвестиции од над 2,7 милијарди евра, за модернизација на инфраструктурата во сите општини, квалитетна инфраструктура е предуслов за растечка економија и повисок животен стандард“, додаде Митрески.
Македонија
Сајкоски: Во програмата „Платформа 1198“ за Битола предвидено е изградба на обиколница што ќе ја поврзува со Грција
Битола и битолчани ќе бидат во фокусот на идната влада предводена од ВМРО-ДПМНЕ.
За Битола се предвидени многу инфраструктурни проекти. Во новата програма „Платформа 1198“ за Битола е предвидено да се изгради обиколница што ќе ја поврзува со Грција. Предвидено е да се изгради автопат кој што ќе поврзува Битола со Прилеп, а исто така предвидено е да се изгради патот Градско-Прилеп, со тоа што Битола ќе биде поврзана инфраструктурно и ќе има добра можност за економски развој, рече Ѓорѓија Сајкоски, генерален секретар на ВМРО-ДПМНЕ и носител на изборна единица 5.
Исто така, додаде Сајкоски, предвидено е реконструкција и рехабилитација на патот Кичево-Охрид, подобрување на патната инфраструктура кон Ресен, а во програмата на ВМРО-ДПМНЕ „Платформа 1198“ предвидено е подобрување на железничката инфраструктура.
Како што рече Сајкоски, со ова, Битола ќе добие можност за економски раст и развој, можност за подобра иднина на сите, и за младите и за возрасните.
– Битола ќе го добие процутот онаков каков што треба да го има низ годините. Битола ќе биде економски центар во регионот, рече Сајкоски.