Македонија
Вратени 40 баратели на азил од Австрија
Минатата недела 40 баратели на азил се вратени од Австрија во Македонија. Министерката за внатрешни работи, Гордана Јанкулоска денеска се сретна со австрискиот конзул Сузан Смит за да разговараат за зголемениот број на апликации на лица кои бараат азил во Австрија.
Минатата недела 40 баратели на азил се вратени од Австрија во Македонија. Министерката за внатрешни работи, Гордана Јанкулоска денеска се сретна со австрискиот конзул Сузан Смит за да разговараат за зголемениот број на апликации на лица кои бараат азил во Австрија.
Измамените граѓани, повеќето од Радовиш плаќале по 500 евра за посредување и плус патни трошоци до Австрија, па севкупно давале и по 1.000 евра на туристички агенции, за да добијат азил во Австрија.
„Им била ветена месечна финансиска поддршка од страна на Австрија во висина од 400 евра, и во случај на враќање ,единечна помош во висина од 5.000 евра за реинтеграција при враќање. Освен тоа се ветувало дека децата кои ќе бидат родени на територија на Австрија, дека ќе добијат австриско државјанство. Австриската амбасада би сакала уште еднаш да посочи дека таквите ветувања се сосема погрешни. Значи ниедно од лицата кои беа вратени не добиле никаkва финансиска помош. Освен тоа во Австрија не важи правото за добивање на државјанство по територија, сите што се родени не добиваат австриско државјанство“ изјави Смит.
Сега дополнително се подготвуваат администартивни процедури за враќање на сите преостанати баратели на азил, вкупно 114 за Австрија.
„По ниту еден критериум не ги исполнуваат условите заради кои на едно лице може да му се определи право на азил во Австрија. Барателите на азил кои доаѓаат од Македонија во било која земја во ЕУ нема да добијат азил, со оглед на тоа што Македонија се оценува како држава во која не постојат ризици за кои би се добивало право на азил“ изјави Јанкулоска.
По визната либерализација се зголеми бројот на баратели на азил во западноевропските земји.Голем број баратели на азил, непосредно по визната либерализација беа вратени од Брисел во Македонија./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.