Македонија
Милошоски и Иванов во Брисел
Министерот за надворешни работи, Антонио Милошоски денеска и утре ќе го придружува претседателот Ѓорѓе Иванов при неговата работна посета на Белгиското претседателство и институциите на Европската Унија, соопштуваат од МНР.
Министерот за надворешни работи, Антонио Милошоски денеска и утре ќе го придружува претседателот Ѓорѓе Иванов при неговата работна посета на Белгиското претседателство и институциите на Европската Унија, соопштуваат од МНР. Предвидено е да остварат средби со претседателот на претставничкиот дом на Кралството Белгија, Андре Флао, со претседателот на Европскиот Совет, Херман ван Ромпуј, претседателот на Европската Комисија, Жозе Мануел Барозо и комесарот за проширување и соседска политика, Штефан Фуле. Претседателот Иванов, за време на работната посета на Брисел, исто така ќе одржи и предавање на Кралскиот институт за меѓународни односи – EGMONT, на тема “Pax Europana, стабилизирачката улога на ЕУ и на Република Македонија во Југоисточна Европа“, соопштуваат од МНР. На 11 септември 2010, на покана на Високиот претставник на ЕУ Кaтрин Ештон и министерот за надворешни работи на Кралството Белгија Стивен Ванакере, министерот Милошоски ќе учествува на неформалниот состанок на министрите за надворешни работи на земјите-членки на Европската Унија, т.н. Гимних (Gymnich), што се одржува во рамки на Белгиското претседателство со ЕУ во Брисел, на 10-11 септември 2010 година. Тема за време на работната сесија со земјите-кандидати ќе бидат состојбите и соработката со регионите во соседството на Европската унија, а во тие рамки и евроинтеграцијата на земјите од Балканот. /крај/со/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Изет Меџити од Берлин: Дијаспората ја совлада Југославија, ќе го совладат и ДУИ
Лидерот на Демократското Движење, истовремено и носител во изборната единица број еден, Изет Меџити, учествуваше во голем собир со дијаспората во Берлин на Коалицијата ВЛЕН (ВРЕДИ).
Меџити од овој собир на дијаспората и се обрати со зборови каде им ја даде убавата вест дека на 8 мај пристигнува победата, но и за вредноста на учеството на дијаспората во овие избори кои многу добро знаат да казнуваат режими и тие кои го мразат Курти и Косово.
„Првите политички движења се отпочнати од дијаспората, како за совладување на Југославија, така и за независноста на Косово, а токму од ова дијаспора ќе пристигне и казната за ДУИ која се спротиставува на Косово и кокетира со Вучиќ”.
Тој, исто така, додаде дека сега е историскиот момент за промени во албанската политичка сцена после децении, со обединетата опозиција и со Самоопределување.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.