Македонија
Лозарите ќе протестираат додека не им се исполнат барањата
Протестот на лозарите од Тиквешијата, кои на две места го блокираа патот од Тиквешијата кон Прилеп, трае и ќе продолжи се додека не се решат сите барања на лозарите, изјави за Макфакс еден од водачите на протестот, Љупчо Аризанов.
Протестот на лозарите од Тиквешијата, кои на две места го блокираа патот од Тиквешијата кон Прилеп, трае и ќе продолжи се додека не се решат сите барања на лозарите, изјави за Макфакс еден од водачите на протестот, Љупчо Аризанов. Лозарите од тиквешкиот регион од изутринава го блокираа патот на двата влеза во Кавадарци. Протестите ги обезбедува полицијата, но во текот на денот дошло до конфликт помеѓу демонстрантите и нервозните возачи заглавени на патот, кој бил веднаш и без последици смирен од полицијата. Според Аризанов, лозарите бараат постигнување на компромис со винарските визби за откупната цена на грозјето, кој потоа би бил заверен со печат. Ние сме присилени на овој потег, затоа што се што досега беше договорено се прекршуваше веќе наредниот ден и лозарите повеќе немаат доверба во никого“, вели Аризанов. Лозарите, исто така, бараат да се исплати и заостанатиот долг од минатогодишниот откуп. Тие инсистираат од сега цената на грозјето да се формира без да се земаат предвид шеќерните единици на продаденото грозје затоа што, како што тврди Аризанов, винарските визби правеле огромни манипулации со бројот на шеќерните единици. Поранешниот претседател на федерацијата на фармерите, Ѓоко Данаилов ги поддржува како целосно оправдани сите барање на лозарите и истакнува дека за цена од пет или шест денари за килограм грозје нема логика воопшто да се разговара. Тој посочува и на едно, како што вели, флагрантно кршење на Законот за земјоделство на РМ од винарските визби, со тоа што за откупеното грозје не се потпишуваат прецизни договори, туку се издаваат само белешки. „Тоа ги остава лозарите сосема незаштитени, бидејќи белешките не содржат никакви информации, ниту за цената ниту за количеството предадено грозје. Тоа им овозможува на визбите дури и да кажат дека одреден лозар воопшто и не го предал грозјето или дека ќе го платат два денари“, вели Данаилов. Данаилов посочува дека ова не е нов проблем и дека истото се повторува секоја година. Затоа, предлага Данаилов, потребна е подготовка на прецизна стратегија за иднината на лозарството во Македонија. Таквата стратегија, смета тој, би дала точна слика за тоа колку, но и какво грозје и е потребно на државата, затоа што е очигледно дека винарските визби немаат капацитет ниту да го откупат, ниту, пак, да го пласираат откупеното и преработено грозје. Таквата стратегија, предлага Данаилов, би предвидувала и промена не само на количината на произведено грозје, туку и на асортиманот на грозјето кое во иднина би се одгледувало во земјава. /крај/сс/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ЕУ ќе му даде на Западен Балкан помош од две милијарди евра до 2027 година
ЕУ ќе додели две милијарди eвра грантови и четири милијарди поволни заеми за Западен Балкан од 2024 до 2027 година како дел од Инструментот за реформи и раст за Западен Балкан, откако беше одобрен од Европскиот парламент на денешната пленарна седница.
„Инструментот е централен дел од планот за раст за Западен Балкан“, рече коизвестувачот Тонино Пицула на пленарната седница.
Станува збор за финансирање на шесте земји од Западен Балкан на нивниот пат кон Европската Унија. Во ноември минатата година, Европската комисија го претстави Инструментот за реформи и раст за Западен Балкан за периодот од 2024 до 2027 година, кој ќе вклучува две милијарди евра грантови и четири милијарди поволни заеми.
Известувачи во име на Европскиот парламент беа хрватските европратеници Тонино Пицула и Карло Реслер.
Пицула беше ко-известувач на ЕП пред Комитетот за надворешни работи (АФЕТ), а Реслер беше ко-известувач пред Комитетот за буџет (БУДГ).
Реслер изјави за новинската агенција „Хина“ дека тоа е инструмент споредлив со националните планови за закрепнување и отпорност, но за шест земји во Југоисточна Европа надвор од ЕУ. Тој посочи дека исплатата на средствата е поврзана со конкретни реформски активности.
Реслер апострофираше дека ќе се води сметка за усогласување на надворешната и безбедносната политика и визната политика со ЕУ.
Црна Гора и Србија со години преговараат со ЕУ, Албанија официјално ги отворија пред две години, а Македонија само делумно, со оглед на тоа што за целосен старт на преговорите неопходни се уставни измени за внесување на Бугарите во Уставот. Лидерите на земјите-членки на ЕУ во март донесоа одлука да ги отворат пристапните преговори со Босна и Херцеговина. Брисел сè уште го смета Косово за потенцијален кандидат.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.