Македонија
Стотици илјади евра годишно биле изнудувани од студентите?
Доколку хипотетички се направи груба пресметка дека 30.000 студенти годишно плаќаат по 200 денари за членство во студентските парламенти, кои патем се невладини организации, тогаш секоја година на нивна сметка студентите ќе продолжат да „донираат“ најмалку 100.000 евра.
Доколку хипотетички се направи груба пресметка дека 30.000 студенти годишно плаќаат по 200 денари за членство во студентските парламенти, кои патем се невладини организации, тогаш секоја година на нивна сметка студентите ќе продолжат да „донираат“ најмалку 100.000 евра. Макфакс, кој ја отвори темата со изнудената членарина од студентите кои на одредени факултети не биле информирани дека не мора да плаќаат за студентски парламент, а без неа не можат да запишат нова студентска година, се обиде да го пронајде патот на овие пари, кои за сега никој не знае каде завршуваат.
Иван Живковски, претседателот на Студентскиот парламент на Универзитетот Кирил и Методиј (СПУКМ), за Макфакс изјави дека ниту еден денар од овие пари не завршувале во СПУКМ туку оделе во Студентските парламенти при факултетите. „Ништо ни еден денар од овие 200 денари не доаѓаат до нас. Некои не обвинуваат нас за средства до кои немаме допирна точка, постои Студентски парламент на универзитет (СПУКМ) и Студентски парламент на факултет, според законот за високо образование од 2008, ние сме како чадор организација. СПУКМ се финансира исклучиво од проекти, и аплицира за грантови како и секоја друга невладина организација и се финансира од дел од средствата од ИКСА (750 денари за информативни, културни и спортски активности), на УКИМ,“ рече за Макфакс Живковски, кој по пишувањата на Макфакс и на нивниот сајт ставија соопштение дека оваа членарина не е задолжителна. Министерот за образование и наука, Никола Тодоров на вчерашната прес конференција рече дека доколку се утврди обременување на студентите со нешто што не треба да го платат, и за тоа не постои законски услов, тогаш преземајќи такви активности универзитетите ги кршат правилата и во тој случај Државниот просветен инспекторат има право и можност да преземе определени мерки. „Ние, како Министерство имаме надлежност и можност да правиме ревизија на сите сметки на оние кои се буџетски корисници, така правиме ревизија и на сите универзитети и знаете дека во овој период имаме направено повеќе ревизии и можеби една од следните ревизии која ќе биде направена, ќе биде токму на оваа сметка, за да утврдиме кој бил начинот на прибирање на овие средства, дали бил тој законски и начинот на кој што овие средства се трошеле,“ рече Тодоров и додаде дека враќањето на парите до студентите зависи од правните процедури во системот на Република Македонија. Тодоров вели дека Министерство не може да ги врати тие средства на студентите затоа што Министерството не ги користело средствата. Студентскиот правобранител, Никола Главинче вели дека не е сигурен дали и Министерот има надлежност да го пронајде патот на овие пари, освен ако не се докаже дека и одделни факултети имале удел во нивното прибирање. На прашањето на Макфакс дали инспекција би имала ефект, тој одговори: „Не, тоа се здруженија на граѓани, која инспекција ќе влезе внатре? Не може, министерот едноставно нема надлежност, тоа е таков круг на здруженија на граѓани, кој министер ќе влезе внатре? Не може да влезе затоа што е невладина организација и после ќе имате мешање на владиниот сектор во невладиниот сектор што не смее да се дозволи во никој случај,“ рече Главинче кој исто така не даде одговор каде завршуваат парите на студентите. „Едноставно, средствата доаѓаат од студентите, се трошат за активности за Студентскиот парламент, Студентскиот парламент сам се информира за својот финансиски план, не информира некој над него, и не поднесува финансиски извештаи“, додава Главинче. Доколку илјадниците евра студентски пари не завршуваат во СПУКМ, тогаш каде се? Во статутот на СПУКМ на нивната интернет страница се вели дека СПУКМ го сочинуваат пратеници на студентските парламенти на секоја високо образовна институција, членка на УКИМ каде постои парламент, што всушност значи дека дел од истите луѓе кои се активни во студентските парламенти при факултетите се активни и во СПУКМ. „Мое мислење е дека студентските парламенти на факултетите треба да имаат голема и радикална реформа, во начинот на организирање и во начинот на работа. Треба голема реформа. Кога ќе се донесе закон за студентско организирање, тие прашања ќе се регулираат, и тој треба да придонесе за унифицирано организирање на сите факултети и да промени многу во студентското организирање,“ смета студентскиот правобранител на УКИМ./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Со полициски хеликоптер пренесен македонски државјанин од Унгарија до Скопје
Денеска (20.04.2024) по добиено барање од ЦУК, со полициски хеликоптер Бел-412 од Одделот за воздухопловни единици, од Сегедин, Унгарија до Скопје е пренесен македонски државјанин кој доживеал мозочен удар на 18 април за време на службен пат во Унгарија. Тој е пренесен на скопскиот клинички центар „Мајка Тереза“.
Oва е втор пат да се извршува ваков вид воздухопловен транспорт од Сегедин до Скопје со хеликоптер на Министерството за внатрешни работи, откако и на 11 април беше успешно реализирана ваква акција.
Македонија
Мицкоски: ВМРО-ДПМНЕ и Коалицијата ќе направат трансформација во Македонија, со „Платформа 1198“ ќе се решат проблемите на граѓаните
„Во очите на граѓаните има една желба да што побргу заврши сето ова кое што се случуваше шест и половина години. И да имаме еден почеток кој што ќе не води кон една иднина која што сите некако како да ја чекаат изминативе три децении, а никако да дојде“, истакна претседателот на ВМРО-ДПМНЕ, Христијан Мицкоски од митингот во Македонска Каменица.
„Можам да ви кажам од мое име, од името на ВМРО-ДПМНЕ и Коалицијата дека како никогаш порано како генерација политичари сме одлучни да направиме трансформација во Македонија. Трансформација со која што многу од работите кои што денеска се погрешни и создаваат фрустрација, на моменти лоша емоција кај некого, или пак не враќаат назад во времето ќе исчезнат, ќе се врати надежта, ќе се врати оптимизмот“, рече Мицкоски.
Мицкоски додаде дека ВМРО-ДПМНЕ и Гордана Силјановска Давкова ќе победат на 24-ти април, а на осми мај ќе се потврди победата со историски печат.
„Мора победата да биде изразена со мнозинство во Парламентот. Тоа значи дека мора да имаме 61 пратеник за да можеме сето ова кое што јас го зборувам сега да го спроведеме и реализираме. Ние не сме чудотворци, чудата се невозможни, секој оној кој што ветува чуда не ја говори вистината. Ние само сакаме да ја пренесеме вистината онаа која што ние ја чувствуваме, да ја слушнеме вистината која што е поврзана со секојдневието, со реалноста и врз основа на можностите сето тоа да го реализираме во следниот период“, појасни тој.
Тој посочи дека ВМРО-ДПМНЕ преку трибините кои што ги организираше во изминатиот период ја слушна вистината од граѓаните и нивните потреби. И огромен дел од тие потреби се содржани во изборната програма „Платформа 1198“.
„Бројка која што симболички сака да прикаже 1198 проекти, политики кои што во годините кои што следат ќе значат трансформација на Македонија“, укажа Мицкоски.
Мицкоски ги замоли граѓаните да излезат во помасовен број на избори за да се победи оваа актуелна власт која што Македонија ја уништи на секое можно поле.
„Пред шест и половина, седум години оние т.н. шарени, обоени револуционери низ Македонија ветуваа ќе донеле живот, потоа ветуваа дека ќе донесат едно општество за сите, но за жал ако се присетиме на тоа што го ветија и тоа што го реализираа тогаш ќе дојдеме до еден заклучок дека од тоа што ветија ништо не реализираа, а реализираа тоа што не ветија. Односно тоа што го ветуваа не го реализираа тоа што беше добро, а реализираа погрешно а тоа не го ветуваа“, потсети Мицкоски.
Затоа претседателот на ВМРО-ДПМНЕ, Христијан Мицкоски ги повика граѓаните на избори да го заокружат бројот 2, време е за подобра иднина на Македонија, време е за Македонија повторно твоја.
Македонија
Петровска: СДСМ вистински се грижи за животната средина, Шар Планина ја направивме национален парк
Носителката во шестата изборна единица на СДСМ и коалицијата За европска иднина Славјанка Петровска денеска учествуваше во еколошка акција во Гостивар.
Во изјава за медиумите по акцијата Петровска посочи дека борбата за здрава животна средина, за чист воздух и чиста вода за пиење, бара сеопфатен широк пристап.
,,Ние, во изминатите години го правевме токму тоа. Преку искористување на природните потенцијали и преку градење на одговорни мерки и политики Македонија ја претворивме во лидер во изградба на нови енергетски капацитети од обновливи извори на енергија.
За само две години, во државата имаме инсталирано 600 мегавати од обновливи извори на енергија, најмногу во фотонапонски централи. Донесовме конкретен, реален План за чист воздух со низа на краткорочни, долгорочни и мерки на среден рок, кој на годишно ниво доведе до намалување на аерозагадувањето во најзагрозените градови.
Она што е важно за овој регион е што нашиот бисер, нашата Шар Планина ја прогласивме за Национален парк со што исправивме една би рекла децениска неправда кон оваа природна убавина” порача Петровска.
Носителката Петровска најави дека СДСМ и во следниот мандат ќе продолжи со мерки и политики што ќе придонесат за заштита на животната средина.
,,Во нашата нова програма предвидена е набавка на опрема и изградба на регионални депонии и претоварни станици во Полошкиот регион со што ќе ставиме крај на уште еден деценински проблем на граѓаните од овој регион. За да ги заштитиме нашите реки, планини, шуми во заштитените подрачја, воведуваме забрана за изградба на нови мали хидроелектрани во заштитени подрачја и национални паркови. СДСМ и Коалицијата за европска иднина се гарант за заштита на животната средина и поквалитетен живот за сите граѓани во сите населени места. Планот за чиста животна средина нека биде мотив плус на 8 мај да дадеме поддршка на бројот еден” порача Петровска.
Кандидатката за пратеник Ема Нешкоска на прес конференцијатакажа дека заштитата на животната средина е уште една причина зошто ни треба побрза интеграција во ЕУ.,
,,СДСМ има јасна визија и цел, европските стандарди и квалитетот на живот да ги донесе дома, во Гостивар и низ цела Македонија. Важно е да продолжиме кон ЕУ, затоа што со влезот во Унијата, покрај останатите придобивки, се доближуваме и до политиките кои гарантираат почист воздух и почиста животна средина” посочи Нешкоска.