Македонија
Уставниот судија на отворена седница ќе докажува дека не бил кодош
Уставниот судија за кого Комисијата за верификација на фактите тврди дека поседува докази за негова соработка со тајните служби денеска во 11 часот, јавно пред членовите на Комисијата ќе ги изнесе своите факти за да докаже дека не бил кодош.
Уставниот судија за кого Комисијата за верификација на фактите тврди дека поседува докази за негова соработка со тајните служби денеска во 11 часот, јавно пред членовите на Комисијата ќе ги изнесе своите факти за да докаже дека не бил кодош.
Според најавите од Комисијата, соочувањето на фактите ќе биде јавно, освен кога ќе се презентираат документи класифицирани како државна тајна. Комисијата за лустрација во вторник му достави заклучок на уставниот судија дека неговата изјава дека не бил соработник на тајните служби не се совпаѓа со фактите кои што ги поседувала Комисијата.
Во среда судијата, преку портпаролот на Уставниот суд, побара јавно соочување со членовите на Комисијата.
Ако тој го прифати заклучокот на лустраторите, тој ќе мора да се повлече од функцијата, а доколку не се согласува со наодите на Комисијата, тој има право да поведе постапка пред Управниот суд.
Наодите на Комисијата предизвикаа жестоки дебати во јавноста.
Демократската партија на Албанците поднесе кривична пријава против членовите на Комисијата за лустрација за прикривање на факти и докази, во корист на пратеник на ДУИ.
Поранешниот претседател на ВМРО-ДПМНЕ, Љубчо Георгиевски преку отворено писмо до актуелниот лидер на ВМРО-ДПМНЕ и премиер Никола Груевски обвини дека владејачката партија е главен кочничар на доследното и принципиелно спроведување на лустрацијата во Македонија.
Тој исто така посочи дека актуелен пратеник на ВМРО-ДПМНЕ, поранешен потпретседател и министер бил соработник на тајните служби.
Претседателот на ВМРО-ДПМНЕ и премиер Никола Груевски исто така во отворено писмо го обвини Георгиевски дека работи по сценарио на Бранко Црвенковски со цел да ја симне ВМРО-ДПМНЕ од власт.
Комисијата пак минатата недела излезе официјално дека утврдила дека никој од 120 -те пратеници во Собранието не соработувал со тајните служби, потврдија од комисијата.
Законот за лустрација во Македонија беше донесен во 2008 година и важи за перидот до 1991 година, кога е донесен новиот Устав на Македонија.
Во март годинава, Уставниот суд ја укина одредбата името на лицето кое соработувало со тајните служби да се објавува во Службен весник, за да не се жигосуваат личностите
Извршниот комитет на ВМРО-ДПМНЕ во петокот вечерта донесе одлука со која ќе предложи измени на Законот за лустрација, според кои лустрацијата ќе важи и по осамостојувањето на државата, како што беше предвидено со законот пред Уставниот суд да ја укине оваа одредба./крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.