Македонија
Промовирана Стратегијата за развој на Центарот за стручно образование
Со цел да се зајакне нивото на квалитетот во средното стручно образование, денеска беше промовирана петгодишнатата стратегија за развој на Центарот за стручно образование и обука.
Со цел да се зајакне нивото на квалитетот во средното стручно образование, денеска беше промовирана петгодишнатата стратегија за развој на Центарот за стручно образование и обука. На презентацијата на стратегијата освен многуте домашни и странски експерти, присуствуваа и Вицепремиерот за европски прашања, Васко Наумовски, како и министрите за труд и социјална политика и за образование и наука, Џељаљ Бајрами и Никола Тодоров. „На овој начин сакаме да го зајакнеме нивото на квалитет во средното стручно образование затоа што повеќе од 60 отсто од учениците се вклучени токму во средното стручно образование, а од друга страна средното стручно образование е од големо значење на технолошкиот развој на Република Македонија,“ рече Министерот за образование и наука, Никола Тодоров. Тој напомена дека во рамките на Центарот за стручно образование и обука во тек се едни од најкрупните реформи во Средното стручно образование што се направени во последните дваесетина години. „Четиригодишното средно стручно образование е веќе реформирано, концепциите за тригодишно, двегодишно и пост – средно образование се веќе изготвени и во наредниот период ќе бидат и донесени,“ рече Тодоров. Министерот за труд и социјална политика, Џељаљ Бајрам изјави дека носењето на една ваква стратегија ќе даде голем придонес за намалување на невработеноста во земјата. „Со реформирање на средното стручно образование ќе се зајакне образованието, ќе се изнесат поквалификувани и постручни кадри кои ќе може да се вклучат на пазарот за работна сила и со тоа ќе може да дадат придонес за оформувањето на едно современо општеството,“ рече Вицепремиерот за европски прашања, Васко Наумовски. Зеќир Зеќири, Директор на Центарот за стручно образование и наука изјави дека оваа стратегија ќе биде еден патоказ за планирање на стратегија за развој на целото стручно образование на ниво на Република Македонија. /крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во Скопје санкционирани 179 возачи
Секторот за внатрешни работи Скопје во текот на вчерашниот ден (19.04.2024) продолжи со контролите во областа на сообраќајот.
На територија на град Скопје изречени се вкупно 179 мерки, меѓу кои за возење повеќе од дозволената брзина 51 санкција, 11 мерки за возење без возачка дозвола, осум санкии за поминување на затворен сигнал – црвено светло, седум мерки за управување под дејство на алкохол…
Сообраќајните контроли продолжуваат и во наредните денови.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.