Македонија
Да се создаде туристички производ од Шарпланинскиот регион
Создавање туристички производ со прецизно утврдени таргети, како резултат на сеопфатна анализа на регионот е препораката од годинешните „Дијалози на Шар“ под мотото „Туризам-Природа-Традиција“.
Создавање туристички производ со прецизно утврдени таргети, како резултат на сеопфатна анализа на регионот е препораката од годинешните „Дијалози на Шар“ под мотото „Туризам-Природа-Традиција“. Годинешното издание на манифестацијата „Дијалози на Шар“, која се одржува во чест на Светскиот ден на туризмот, се одржа во сабота на Попова Шапка. Конципирана како хепенинг, под наслов „Туризам-Природа-Традиција“, во чии рамки се одржа форум кој го водеше министерот за економија Фатмир Бесими, изложба на традиционални ракотворби, организиран марш и натпревари во традиционални спортови. На форумот учествуваа претставници на владиниот, на невладиниот, на приватниот сектор, претставници на локалната самоуправа и на дипломатските претставништва во Македонија, а гости-говорници на министерот Бесими беа Герт Кампман, советник и заменик-шеф на мисијата во амбасадата на Кралството Холандија и Сашо Коруновски, декан на факултетот за туризам во Охрид и експерт за туризам. „Следејќи ги препораките од минатогодишните „Дијалози на Шар“ и анализата којашто е дел од Студијата за развој на туризмот во Шарпланинскиот регион која ја презентиравме во јуни годинава, произлегува дека промовирањето на Шар, како атрактивна туристичка дестинација, е неопходно не само од аспект на развојот на туризмот, туку и пошироко, од аспект на општиот економски развој на регионот, бидејќи преку предвидените проекти и активности ќе се овозможи развој на туризмот во Шарпланинскиот регион, но и промоција, развој и зачувување на регионалните природни и културни атракции, зближување на луѓето во регионот и подобрување на квалитетот на животот на локалното население“, рече министерот Бесими во своето обраќање. Претставникот на холандската амбасада Кампман ги претстави своите погледи и идеи за поуспешен развој на туризмот на Шапка. Тој во своето обраќање акцентот го стави на финансирањето проекти според моделот на јавно-приватно партнерство, кој се покажал како најефикасен во светското искуство, кој би нашол квалитетна примена во регионот.Коруновски, пак, изложи експертска анализа на состојбите, упатувајќи на потребата да се направи анализа на туристичката состојба на Шар за да се увидат потребите на туристите и реалните можности на регионот. Од форумот беа финализирани неколку препораки, меѓу кои за продолжување на соработката меѓу државата, приватниот, невладиниот сектор и универзитетските установи во насока на развој на туристичките потенцијали на Шар и за создавање туристички производ со прецизно утврдени таргети, согласно барањата на домашните и странските туристи, како производ на сеопфатна анализа на регионот. Една од препораките е и за создавање на сите неопходни предуслови за развој на туризмот на Шар, вклучувајќи ја инфраструктурата, сместувачките капацитети, обучено население и утврдени спомен и културни обележја кои го привлекуваат вниманието на туристот, со анимирање на претприемачите и мобилизирање на приватниот капитал. Учесниците на форумот заклучија и дека еден од приоритетите треба да биде промовирањето на Попова Шапка како целина во којашто освен зимскиот, свое место ќе најдат и другите (алтернативни) видови туризам во една туристичка целина./крај/со/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.
Македонија
Македонија денеска избира претседател: седум имиња се на гласачкото ливче
Во Северна Македонија се одржуваат седмите претседателски избори.
Евентуалниот втор круг од претседателските избори е закажан за 8 мај, за кога се закажани парламентарните избори.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Владата го прогласи денот на изборите за неработен.
Во избирачкиот список за претседателските избори се запишани 1.814.317 избирачи, а во странство ќе гласаат 2.569 гласачи со државјанство на Северна Македонија.
Во посебен избирачки список запишани се 2.147 лица кои издржуваат затворска казна или притвор.
Скопје
ЈСП: Јавниот превоз по неделен возен ред, жичницата на Водно нема да работи
Јавното сообраќајно претпријатие Скопје соопшти дека јавниот превоз ќе функционира по неделен возен ред, а жичницата на Водно нема да работи.
Како што се појаснува во соопштението, дежурни од седум до 14 часот ќе бидат билетарниците на Транспортен центар и таа во Ѓорче Петров.