Македонија
Жељу Желев: Се зборува за кантонизација и федерализација
Патот на Македонија кон НАТО и ЕУ како врвен приоритет за Македонија е прашање од голема важност за земјите на Балканот, од што во голема мера зависи и безбедноста на регионот, е главна тема на која се расправа на 11-тата конференција на Балканскиот политички клуб во Охрид.
Форумот на кој освен македонскиот политички врв, учествува и балканската елита на поранешни претседатели и премиери на државите од регионов, дебатира за чувствителни теми на најактуелните прашања:„Веќе се слушаат гласови од некои кругови од граѓаните на Македонија од албанско етничко потекло, во кои се зборува за кантонизација и федерализација на земјата и во некои поекстремни случаи за отцепување од Република Македонија. Во таков случај не е можно да нема дестабилизација во Македонија. Ако се случи такво нешто, тоа не може да остане во границите на земјата, туку може да предизвика балкански конфликт”, изјави Жељо Желев, поранешен претседател на Бугарија.„Моментно ситуацијата околу грчко-македонските односи е во фаза на недостаток на дијалог и замрзнат конфликт. Никој од Македонија, Балканот и Европа нема корист од ваквата статус-кво состојба. Ако политичарите се навистина претставници на државата, потребно е да имаат своја одговорност и тие треба да изберат меѓу нивниот рејтинг, гласовите и националниот интерес. Сите земји од Балканот треба во решавањето на вакви проблеми да одат на опцијата на дијалог со личните контакти во политиката, културата и уметноста”, истакна Емил Константинеску, поранешен претседател на Романија.„Сите балкански земји кои стекнаа независност после 90-тите години, би требало да бидат членки на ЕУ и НАТО. Ова не е прашање на Македонија и Турција, туку дали се сака целокупен мир или тоа не се сака. Затоа е потребно Македонија и Турција да бидат членки на Европската Унија и да учествуваат во сите интегративни процеси во Европа”, рече Сулејман Демирел, поранешен претседател на Турција.Конференцијата на политичката расправа за ЕУ и НАТО-аспирациите на Македонија и балканските земји во Охрид, ја организираат Македонија и Балканскиот политички клуб.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДПМНЕ сака да не врати назад во времето на Хунзите и Скопје 2014, велат од СДСМ
Ништо не е променето во ДПМНЕ, оценуваат од владејачката СДСМ.
„На митинзите на ДПМНЕ и Силјановска е истата кореографија од времето кога се носеа Хунзи и кога им се правеше пречек на скопскиот аеродром, а граѓаните Македонци се претставуваа како нивни големи наследници.
Тоа е истото време на грабежот од Скопје 2014 и историскиот инженеринг на ДПМНЕ“, додаваат од СДСМ.
Според нив, ДПМНЕ е истата режимска партија.
Со ДПМНЕ, како што велат, е можно само враќање назад во изолација и режим, во темното минато на недемократските процеси и далеку од ЕУ.
Македонија
Мицкоски: Преземам иницијатива за создавање на национално единство, и запирање на сите напади кон Левица и ЗНАМ, државата е одземена од народот
„ВМРО-ДПМНЕ – ВМРО Демократска партија за македонско национално единство, тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе. Долго време таа обврска и одговорност како да се одбегнуваше, некогаш занемаруваше, некогаш впрочем и попусти беа обидите да се оствари, но обиди иако неуспешни имало“, кажа претседателот на ВМРО-ДПМНЕ, Христијан Мицкоски на вчерашниот митинг во Охрид.
Тој нотираше дека сака да успее во тоа, да создаде македонско национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум и запирање на сите напади кон партите Левица и ЗНАМ. Ова го чувствувам како потреба на македонскиот народ, но и како моја обврска да пробам да ја реализирам идејата за национално единство во моменти кога тоа и е најпотребно на државата, во моменти кога државата е одземена од народот и во рацете на неколкумина корумпирани политичари од ДУИ со неколкумина корумпирани политичари од СДСМ кои се седнати во скут кај овие од ДУИ“, рече Мицкоскит.
ПИстакна дека Македонија мора да се обединува по сите основи, за тоа да се случи мора да се почне од некаде, и нема подобар период од тоа, тој процес да започне токму сега.
„Ќе има во иднина моменти кога националното единство ќе е неопходно, исто како што ќе има моменти кога ќе се прејде на едно граѓанско единство без разлика на етничката припадност, затоа што ова, е земја на сите граѓани кои живеат во нејзе и сите ние граѓаните од различни етнички заедници сме нераскинлив дел и столб на оваа држава и на нејзината иднина“, заклучи тој.
Неговата порака е дека нема откажување од граѓаните, нема откажување од единството помеѓу сите, затоа што само така заедно сложни со силата и капацитетот на сите, сме иднината на ова земја, порача Мицкоски.
Македонија
Маричиќ: Оваа Влада ги покачи пензиите за 50 проценти и ветуваме дека во наредниот мандат просечната пензија ќе биде од 500 евра
Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел од листата на Социјалдемократскиот сојуз и Коалицијата за европска иднина.
Маричиќ јавно се обврза дека како член на наредната Влада што ќе ја предводи СДСМ ќе продолжи да работи за пензионерите да имаат убав и достоинствен живот.
„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“, вети Маричиќ.
Тој нагласи дека пензионерите тоа го заслужуваат.
„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.
Меѓународниот секретар на СДСМ и кандидат за пратеник, Бојан Маричиќ, порача дека тој, СДСМ и Коалицијата за европска иднина „не се откажуваат од подобриот животен стандард за спокоен живот за пензионерите“.