Контакт

Македонија

Адвокатите од "Пепел" против судот и обвинителството

Објавено пред

Адвокатите на Бајруш Сејдиу и на уште неколкумина обвинети излегоа со бројни забелешки за водењето на судската истрага за акцијата „Пепел“

Иако е покренат обвинителен акт, се пожалија дека се уште не го добиле вештачењето, биле игнорирани од судот за текот на истрагата, селективно бил укинуван притворот. Сејдиу се уште е во притвор, иако понудил гаранција од 370 илјади евра дека нема да бега. Тврдат дека не ја скршил рампата за да побегне, како што стои во обвинителниот акт, тоа го сторил неговиот возач, но потоа, на негово барање, застанал, по што бил уапсенВулнет Прешова, адвокат на Бајруш Сејдиу рече дека истрага не била ни водена бидејќи обвинетите се бранеле со молчење. Искажа дека обвинителниот акт е конципиран врз база на полициска постапка.До завршување на истрагата не сме известени од истражниот судија за ниедно истражно дејствие. Имаме впечаток дека претставуваме декор, а не во функција на бранители, вели Милорад Мартиновски, адвокат на Бајруш Сејдиу.Флора Наумовска, адвокатката на притворениот Бајруш Велију, директор на „Жито-мел“ Куманово, фирма која е дел од имотот што судот го замрзна, го посочи судот како одговорен за тоа што 194 вработени не зеле плата. Наумовска вели дека не дозволиле да влезе нотар во затворот за Велиу да назначи потписник кој ќе го заменува.Адвокатите реагираа и за полициските снимки. Велат дека ништо не докажуваат и дека се само слика без тон.За министерката за внатрешни работи Гордана Јанкуловска доказите што ги понуди министерството се цврсти и уверливи.Од Кривичниот суд забелешките на адвокатите ги сметаат за неосновани. Претседателката Добрила Кацарска вели дека истражниот судија постапувал според законите. Обвинителството денеска остана без став. Ќе реагираат откако ќе ги слушнат забелешките на адвокатите.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Крвав четврток

Го извадив пиштолот и кажав стој полиција, сведочеше телохранителот на Оливер Спасовски за 27 април

Објавено пред

Сашо Тасевски, директорот на БЈБ, телохранител на тогашниот министер за внатрешни работи, Оливер Спасовски, доцна вечерва сведочеше во кривичниот суд дека на 27 април пред да се случи упадот во законодавниот дом, Оливер Спасовски бил на средба со претседавачот Трајко Велјаноски во Собранието.

Кога Велјаноски го видел телохранителот на Спасовски, го прашал во кое својство е во Собранието.

„Јас му кажав дека сум личното обезбедување на Оливер Спасовски“, се присети Тасевски и рече: “Во холот Велјаноски му се обрати на Оливер со прашање, зошто твоето обезбедување оди со тебе цело време? Не личи да оди по тебе”. Оливер му одговорил дека тоа е според закон, а Тасевски излегол од Собранието.

Тасевски рече дека кога на радиостаница чул дека толпата ја преминала првата барикада им издал наредба на неговите двајца колеги тактички да се постават за да го заштитат Спасовски.

Директорот на БЈБ во сведочењето сведочеше дека откако пред прес-салата се појавиле луѓе со качучки со извици дека ќе бидат сите убиени.

„Јас го извадив пиштолот и кажав – полиција за да не пристапуваат кон личноста која ја заштитувам“, рече Тасевски.

Тој останал надвор пред прес-салата за да спречи да влезат луѓето внатре, па и тој бил напаѓан вербално и физички.

„Дојде началникот Оливер Поповски. Му објаснив дека ситуацијата е тензична. Толпата беше насрдена кон мене. Тој ми го даде беџот за да ме заштити и проба вербално да ги одврати напаѓачите“, се присети Тасевски. Напаѓачите биле се’ побројни и одлучил да влезе во прес-салата. Следувало кршење на вратата од салата, а тој не успеал да ги спречи напаѓачите.

Тасевски во сведочењето дополни: Толпата влезе во салата. Почна мрачна атмосфера и физички да се пресметуваме. Началниците активно даваа отпор да се заштитат пратениците”. Сведокот рече дека ги гаѓале со шипки, столчиња и разни предмети, а напаѓачите имале боксирачи со нив.

На прашање на обвинителката Вилма Русковска зошто решил да влезе во Собранието, Тасевски рече дека влегол за да биде во координација со началникот на вантрешното обезбедување, оти му рекле дека 4 до 5 полицајци го обезбедуваат Собранието.

Тасевски рече дека бил повреден: “Имав две расекотини на главата, ми беше изместена вилицата и имав модринки на телото”.

Следното рочиште за настаните од 27 април е закажано за 25 септември кога повторно треба да бидат сослушани четворица сведоци предложени од Обвинителството. Обвинетите се товарат за терористичко загрозување на уставниот поредок и безбедноста. Судењето заврши во 23 часот и 6 минути.

Прикажи повеќе...

Крвав четврток

Ги видов пратениците Мукоски и Василевски како ги вадат гредите од вратите на Собранието, сведочеше собраниски обебзбедувач

Објавено пред

На продолжението од судењето за настаните од 27 април сведочеше собранискиот обезбедувач Владимир Стојков. Тој потврди дека кога чул врева, се симнал пред кабинетот на Трајко Велјаноски и ги видел пратениците Крсто Мукоски и Сашо Василевски како ги вадат заштитните огради од главниот собраниски влез.

„Се стрчав по скалите и ги забележав Крсто Мукоски и Сашо Василевски како ги вадат гредите од средната врата“, сведочеше Стојков.

Сведокот се присети дека кога ги видел Мукоски и Василевски, им рекол: „Што правите?! Знаете ли што ќе се случи ако влезе толпата?“ На тоа Крсто Мукоски му рекол: „Тоа не е твоја работа“.

Стојков рече дека успеал да ја врати едната греда, а другата не успеал зашто Мукоски не дозволил.

„Сашо Василевски се упати кон следната врата гледано од Собранието кон Паркот на жената борец од десната страна и ја извади гредата…“, рече сведокот пред судот. Потоа тој, заедно со обвинетиот Абдулфета Алими, се повлекол нагоре кон Собранието. Добиле наредба од началникот Александар Јанковиќ да го пренесат формациското оружје во кабинетот на Вељаноски зашто долу не било безбедно.

Судењето со паузи трае приближно 12 часа. По сведочењето на Стојков, на ред е Сашо Тасевски, директорот на Бирото за јавна безбедност.

Прикажи повеќе...

Македонија

Лавров: Русија не се меша за референдумот во Македонија за разлика од западните лидери

Објавено пред

Од

Русија не агитира за едната или другата опција при гласањето на претстојниот референдум за името, изјави министерот за надворешни работи на Русија, Сергеј Лавров.

„Ве повикувам да видите на социјалните мрежи, интернетот, медиумите и да забележите што говори Русија по повод референдумот за името. Ние не велиме нешто што би можело да се протолкува како агитација при гласањето на еден или друг начин“, изјави Лавров за време на прес-конференцијата со претседателот на Република Српска, Милорад Додик, како одговор на прашањето дали Русија влијае врз состојбите на Балканот.

Рускиот министер за надворешни работи истовремено повика да се обрне внимание на бројот на гости од Западот, кои месецов ја посетија Македонија.

„Тоа се лидери на голем број европски земји, претставници на раководството на САД“, рече тој и заклучи дека западните официјални претставници во своите изјави во Скопје не се плашат да заземат страна за референдумот во полза на договорот за името.

„Ако тоа не е мешање во внатрешните работи, тогаш не знам што може да се нарече мешање“, додаде Лавров.

Министерот за надворешни работи на Русија денеска престојуваше во Босна и Херцеговина, каде што оствари средби со претставниците на институциите на БиХ и со официјални лица во Република Српска.

Прикажи повеќе...

Најново

Крвав четврток3 часа

Го извадив пиштолот и кажав стој полиција, сведочеше телохранителот на Оливер Спасовски за 27 април

Сашо Тасевски, директорот на БЈБ, телохранител на тогашниот министер за внатрешни работи, Оливер Спасовски, доцна вечерва сведочеше во кривичниот суд...

Крвав четврток4 часа

Ги видов пратениците Мукоски и Василевски како ги вадат гредите од вратите на Собранието, сведочеше собраниски обебзбедувач

На продолжението од судењето за настаните од 27 април сведочеше собранискиот обезбедувач Владимир Стојков. Тој потврди дека кога чул врева,...

Македонија10 часа

Претепаниот скопјанец: Ме намести пријател, тие ме чекаа во заседа

Брутално претепаниот скопјанец за „Макфакс“ вели дека бил нападнат од познат лихвар во Скопје бидејќи зел на заем 200 евра,...

Топ12 часа

(Видео) Кавадарчанец прободел жена со нож во стомакот кога му рекла дека е бремена

Полицијата вчера уапси кавадарчанец во Струмица под сомнение за обид за убиство како и за повеќе кражби во станови во...

Македонија12 часа

Обвинителството ќе проверува дали е запоставувано детето во станот со пелени во „Скопјанка“

Основното јавно обвинителство Скопје ќе утврдува дали родителите го запоставиле детето коешто живее со бабата во станот во „Скопјанка“, којшто...

Македонија14 часа

Мухиќ: Владата не им објасни на граѓаните кои уставни промени ќе се случат по референдумот

Независниот пратеник Ферид Мухиќ не сакаше за ,,Макфакс” да каже дали ќе излезе на претстојниот референдум за промена на името,...

Македонија15 часа

Фрчат казни за адвокати во кривичниот суд, тројца казнети со 1000 евра

Поради неприсуство на тројца адвокати, Судот го одложи денешното рочиште за предметот на специјалното јавно обвинителство со кодно име „Топлик“....

Македонија16 часа

Се разболе обвинетиот Митко Пецов – Фатиме побара да биде приведен

Одложено е рочиштето за предметот ,,Насилство”. Обвинетиот Митко Пецов се разболел и не присуствуваше на седницата, обвинителката на СЈО Фатиме...

Македонија16 часа

Претепаното момче во Аеродром има потрес на мозокот и скршеници

Лицето кое вчера беше брутално претепано во Аеродром добило скршеници во пределот на носот и вилицата, имало исеченици по глава...

Македонија16 часа

Јавното обвинителство формираше комисија за следење на противправности во врска со референдумот

Јавниот обвинител на Република Македонија формираше комисија за следење на евентуални противправности при организирањето и спроведувањето на референдумот на 30...

Свет16 часа

Повторно пукање во САД, петмина повредени, меѓу кои и дете

Пет лица се повредени, меѓу кои и осум годишно девојче во пукотници во Сиракуза, во државата Њујорк, соопшти полицијата. Инцидентот...

Македонија18 часа

1000 евра казна за вештак кој не дошол на судење за предмет на СЈО

1000 евра треба да плати вештакот Павлина Стојанова, а 2000 евра Друштвото за вештачење „Форензик експертс ДОО“ оти не се појавиле...

Македонија1 ден

(Видео) Заев-Пенс: Вашингтон ја споделува визијата на Македонија да стане членка на НАТО и ЕУ

Премиерот Зоран Заев денеска во Вашингтон се сретна со потпретседателот на Соединетите Американски Држави, Мајк Пенс. Како што соопштија од...

Вести1 ден

(Видео) Најмалку три лица убиени во Мериленд, за нападот е осомничена жена

Најмалку три лица се убиени во пукањето што се случи во 9 часот наутро по локално време во сојузната американска...

Регион1 ден

Поранешниот шеф на Хипо банка преку видеоврска сведочеше на судењето против Санадер

Поранешниот шеф на Хипо банка, Гунтер Штрајдингер, преку видеоврска од затвор сведочеше на судењето против поранешниот хрватски премиер, Иво Санадер,...

Македонија1 ден

(Видео) Кратовалиев: Во „Тортура“ презентирана снимка за случајот „Кампања“ што досега била криена

На денешното рочиште за „Тортура“, кое се одвиваше без присуство на јавноста како доказен материјал од специјалното јавно обвинителство, бил...

Македонија2 дена

Пелените во станот во „Скопјанка“ стоеле од јануари, кога починала 90-годишната жена

Деведесетгодишната станарка на „Скопјанка“ која користела пелени починала во јануари годинава. Поради остар мирис од насобраните пелени во станот број...

Македонија2 дена

Пратеници на ВМРО-ДПМНЕ преку „Фејсбук“ најавуваат дека нема да гласаат за уставни измени

Десетина пратеници од опозициската ВМРО-ДПМНЕ преку своите фејсбук-профили најавуваат дека нема да гласаат за уставни измени. Дел од пратениците, меѓу...

Македонија2 дена

Јорданов: На Божиновски му дадов 5 илјади евра за услуги, потоа ми бараше уште повеќе

Бизнисменот Минчо Јорданов на денешното рочиште во кривичниот суд за случајот ,,Шпион” рече дека на новинарот Зоран Божиновски му дал...

Македонија2 дена

(Видео) Запален автомобилот на архитектот Златко Тодоров, соседите забележале луѓе со фантомки

Утрово околу 4 часот бил запален автомобилот на архитектот Златко Тодоров паркиран на тротоар на улицата Христо Смирненски зад Универзалната...

Досие