Македонија
Осуден без да биде повикан на суд
Здружението на граѓани Матица на иселениците основано од Џо Петрески добило судски процес против Александар Ѓорѓиев за клевета. Интригантно е што пресудата е донесена точно пред две години, на 6 март 2007 г., и досега не била објавена, а прогласениот за виновен никогаш не добил судска покана.
Во Матица на иселениците беше прочитана пресуда донесена од Основен суд Скопје 1 Скопје донесена 6 март 2007 г.. Матицата која ја претставува Иван Џо Петрески го тужела Александар Ѓорѓиев, дека своевремено како портпарол на ВМРО-Народна партија сторил кривично дело клевета, изнесувајќи пред новинарите документација според која постојат сомневања дека станува збор за нелегално пренесување на имотот што порано беше во владение на Агенцијата за иселеници при Владата на Република Македонија. За пренесување на истит информации, Матицата и Петрески тужат и неколку новинари.Во средата Петрески ја обвини и се’ уште актуелната градоначалничка на скопската Општина Центар, за наводна злоупотреба на службената должност при издавање дозвола за доградба и ннадградба на зградата на Матица на иселениците на Македонија. Уште вчера www.forum..com.mk контактираше со, како што беше најавено осудениот Александар Ѓорѓиев, кој одговори дека првпат слуша дека од Петрески и од Матицата била поднесена тужба за келвета, затоа што досега никогаш не добил покана за ниедно рочиште. Ѓорѓев сакаше да почека да види за што всушност станува збор, па по јавното изнесување на пресудата одговори дека под целосна материјална и кривична одговорност тврди дека нема добиено никакво известување од македонските судови дека против негосе води кривична постапка. „Немам добиено никаква тужба или обвинение, немам добиено никаква покана за оддржување судско рочиште или главен претсрес, ниту, пак, имам добиено некаква судска пресуда, односно немам добиено ниту еден правен акт преку кој ќе увидам дека сум во некаков судски спор со г-дин Иван Џо Петрески.“, вели Ѓорѓиев. Ѓорѓиев вели и дека од она што како материјал се содржи во изнесеното од Петрески може да препознае дека не станува збор за него, а единствено што е точно е дека тој бил порптарол на ВМРО-НП. „Тоа ми создава чувство дека или се работи за осуда на друго лице, или дека се работи за грешка на судот, или дека се работи за груба конструкција во сталинистички стил, со цел да се наруши мојот углед и интегритет.“, реагира Александар Ѓорѓиев. Ѓорѓиев најави дека ќе ги преземе сите процесни дејствија, сите правни мерки, активности и инструменти, со кои сака да ја открие вистината и да го заштити својот углед, а оние кои се обидуваат да ја манипулираат јавноста да ги сносат консеквенците за своите постапки. За дел од јавноста се’ уште останува проблематичен начинот на кој Матица на иселеници ја добива сопственоста врз зградата која ја користеше валдината Агенција за иселеништво, што се случи во времето на валдеење на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Левица: Решението за градба кај болничкиот комплекс „Воена болница“ да се поништи веднаш
„Го повикуваме градоначалникот Стевчо Јакимовски да ги почитува законите и да го поништи Решението за градба на 17-катницата кај Болничкиот комплекс „Воена болница“, истакнуваат од Левица.
Потсетуваат дека политичката партија Левица повеќепати укажа на штетноста од градбата на повеќекатницата на истата локација, паралелно организираше протест на којшто граѓаните јавно го искажаа незадоволството од своеволието на градоначалникот и инвеститорите за противзаконската одлука на истите да почнат со градба на зграда за којашто немаат законска дозвола.
„Од пред неколку дена е правосилно Решението со кое се поништува незаконски позитивното конзерваторско мислење, кое се обидоа да го издејствуваат инвеститорите, а истото, по наши сознанија, е пристигнато во Општината на 21.3.2024 година, по што градоначалникот треба веднаш во законски рок да постапи по истато. За жал, Решението за градба уште не е поништено.
Од општинската администрација не даваат одговори по однос на прашањето по Решението со кое се одбива жалбата на инвеститорите, но успеавме да го добиеме, бидејќи е информација од јавен карактер“, дообјаснуваат од оваа партија.
Го повикуваат градоначалникот Стевчо Јакимовски во пресрет на изборната претседателска кампања да се одважи, како што велат, да ги испочитува законите и да го поништи Решението за градба веднаш, како би докажал пред граѓаните дека, навистина, ги застапува нивните интереси“.
Македонија
Инспектори затекнале диви менувачници на Бит Пазар, но наместо да ги запечатат им дозволиле да си работат
Полицијата поднесе кривична пријава против шест инспектори, вработени во Државен пазарен инспекторат, и тоа: С.Б.(32), Ј.Р.(54), В.М.(47), Б.С.(46),С.С.(61) и Р.Б.(37), сите од Скопје, поради злоупотреба на службена положба и овластување.
Во текот на март и април 2023 година, вршејќи контрола кај три менувачници, лоцирани во близина на Бит Пазар, а за кои што било утврдено дека не биле регистрирани како фирми и не поседувале лиценци издадени од НБРМ за вршење менувачко работење а подолг временски период работеле како менувачници, инспекторите на затекнатите лица во дивите менувачници биле должни да им изречат решение за забрана за вршење на дејност, да им ги запечатат објектите, да им ги одземат предметите, опремата и средствата со кои е направен прекршокот како и да им изречат глоба во износ од 1000 до 20.000 евра во денарска противвредност.
Но, пријавените пазаришни инспектори ги прекршиле сите одредби од наведениот закон и во три извршени вонредни инспекциски надзори на затекнатите лица во сите три објекти како менувачници, ниту им издале решение за забрана за вршење на нерегистрирана дејност, ниту им ги запечатиле просториите каде што ја вршеле противзаконската активност, ниту им ги одзеле средствата, предметите и опремата со кои е направен прекршокот ниту пак им изрекле глоба во износ од 1.000 до 20.000 евра.
Напротив, во сите три извршени вонредни надзори на сите три менувачници на секој од сопствениците им изрекле еднократна парична глоба во износ од 80 евра во денарска противредност и ги оставиле и понатаму менувачниците редовно да работат, со што постапиле спротивно на законот за забрана и спречување на вршење на нерегистрирана дејност и со неизвршување на својата службена должност го сториле кривичното дело „злоупотреба на службената положба и овластување“.
Македонија
Митрески – Бомгартнер: Северна Македонија и Франција имаат одлични односи, меѓусебната соработка и поддршка ќе се продлабочат
Претседателот на Собранието Јован Митрески денес оствари средба со aмбасадорот на Француската Република во Република Северна Македонија, Сирил Бомгартнер.
Изразувајќи задоволство од одржувањето на средбата, Митрески ја констатираше одличната соработка меѓу двете држави и особено соработката на парламентарен план.
Амбасадорот Бомгартнер, честитајќи му го изборот за претседател на Собранието, се сложи со констатациите за интензивираната динамика на меѓусебна соработка. Во тој контекст, ги поздрави средбите на парламентарци од Собранието на Република Северна Македонија и Националното собрание и Сенатот на Француската Република во изминатите години, како позитивен тренд кој треба да продолжи и во иднина.
Информираше за претстојната посета на претседателката на Групата за пријателство од Лилијана Танги на земјата, како дел од набљудувачката мисија на ОБСЕ за претстојните претседателски и парламентарни избори.
Беше посебно поздравено одржувањето на втората едукативна активност во Собранието „Имам став-Млад франкофонски парламент”, во рамките на одбележувањето на март – месец на Франкофонијата, еден исклучителен настан и манифестација која полека прераснува во една убава собраниска традиција.
Двајцата соговорници разменија мислења за актуелните собраниски активности, текот на изборите и конституирањето на новиот парламентарен состав. Беше изразена општа согласност за потребата од унапредувањето на соработката во доменот на културата, економијата, енергетиката и други области од взаемен интерес за двете земји, како и за потребата од зголемување на бројот на француски инвестиции во земјата.