Македонија
Македонија во ЕУ до 2018 година
Според европратеникот Ерик Мејер, мнозинството ве Европската унија смета дека треба да се отпочнат преговори со Македонија, но клучниот проблем останува спорот за името
Во подготовка на Извештајот за Република Макдонија кој Европскиот парламент ќе го рзгледуваа следната седмиц, учествувал и самито Ерик Мејер. Тој во петокот пред почнувањето на Форумот „европски културен дијалог“ изрази убедување дека мнозинството од европратениците ќе поддржат што побргу да почнат преговорите за приклучување на државата во Европската унија.„Македонија чека доволно долго од 2005 г., сега сме 2009 г. Преговорите треба да почнат што поскоро, но ќе треба време, до 2017 или 2018 г. за Македонија да стане дел од Евроспката унија. Во меѓувреме треба да се решат проблемите, особено со соседот Грција бидејќи секоја членка на ЕУ има право на вето и на блокада на приемот на нова земја, а тоа може да биде еден од проблемите за приклучување на Македонија во ЕУ“, изјави вчера известувачот на Европската комисија за Македонија, Мејер. Мејер одговораше и на новианрски прашања за спорот меѓу Хрватска и Словенија, во смисла на негова аналаогија со макеоднко-грчкиот спор, во контекст на отпочнувањето на преговорите. „Цо хрваатско-словенечкиот случај станува збор за тоа дека една членка на ЕУ поставува цена за приемот на соседна држава. Во тој дел може да се направи споредба, но во врска со прашањето за името веќе постои долгогодишно посредништво од ОН и нивниот претставник Метју Нимиц и не очекувам дека ЕУ ќе ја преземе таа улога. Треба да се комплетира процесот што го води Нимиц“, рече Мејер. Реалноста и за ЕУ и за НАТО, додаден Мејер, е тоа дека некоја земја може да се зачлени само ако со тоа се согласат постојните држави членки. И доколку тие имаат некоја причина да не го прифатат тоа, државата земјата ќе остане надвор од овие колкетивни иснтитуции.„Тоа е вистинскиот проблем што го имаате во овој момент. Тоа се однесува и во случај дури и кога земјата-кандидат ги исполнила сите услови за членство. Тоа е реалноста во овој момент’, потенцираше евроапрламентарецот Мејер. Ерик Мејер смета и декаимето не би било проблем и за самиот почеток на преговорите со ЕУ. Според него тоа нема да е пречка и за повеќето од европратениците и за повеќето земји-членки на ЕУ, но е проблем за Грција, а според него може да се очекува да ја следи и Кипар. Мејер посочува дека најверојатно овие држави ќе постават цврсти услови, а имаат право да стават вето на почетокот на преговорите, на отворањето поглавја во текот на преговарачкиот процес и на конечната одлука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Постигната либерализација во товарниот транспорт за и од трети земји со Црна Гора
Министерството за транспорт и врски на Северна Македонија и Министерството за собраќај и поморство на Црна Гора потпишаа Протокол за либерализација на товарниот транспорт за и од трети земји.
Согласно Протоколот, либерализацијата ќе стапи на сила од 1 мај 2024 година и ќе има важност една година, период во кој ќе се прави анализа на состојбата во меѓународниот патен превоз, се со цел да се постигне конечно ослободување од системот на дозволи и во наредниот период.
Ова беше постигнато на состанокот на македонско-црногорската мешовита комисија за меѓународен патен превоз на патници и стока кој се одржа во Скопје.
До сега, двете земји врз база на реципроцитет разменуваа вкупно 300 дозволи за и од трети земји кои беа од огромно значење за товарниот транспорт.
Либерализацијата е чекор напред кон отстранување на сите админстративни постапки во однос на дозволите, процес што ќе придонесе за побрз и ефикасен транспорт како и зголемување на економската соработка меѓу Северна Македонија и Црна Гора.
Со Протоколот исто така двете страни се обврзаа да пристапат кон меѓусебно признавање на Сертификатите за професионална компетентност на возачите за учество во меѓународниот патен сообраќај. На состанокот се усогласија и процедурите во делот на превозот на патници меѓу двете земји.
Ова е прва средба на македонско-црногорската мешовита комисија за меѓународен патен превоз на патници и стока после тринаесет години, на која се донесоа низа мерки со кои значително се подобрува соработка меѓу Северна Македонија и Црна Гора во делот на патниот и товарниот транспорт.
Македонија
Воздухопловните сили на Италија од денеска ќе патролираат над македонското небо
Министерката за одбрана Славјанка Петровска и италијанскиот министер за одбрана Гвидо Крозето во Центарот за обука на пилоти во касарната „Страшо Пинџур“ во Петровец го потпишаа Техничкиот договор со кој Италијанските вооружени сили и официјално се вклучија во НАТО мисијата за воздухопловно патролирање над македонското небо.
Министерката Петровска по потпишувањето истакна дека со вклучувањето на Италија во оваа НАТО мисија, единството во Алијансата го гледаме на дело.
„Често споменуваме дека Алијансата е приказ на сојузништво и единство, но зборовите не можат да го отсликаат тоа што можеме да го видиме на дело – италијански и грчки воени воздухоплови, во координација со македонското воено воздухопловство гарантирајќи ја безбедноста на небото на Северна Македонија“, рече министерката.
Со Италија изградивме вистинско сојузништво и развивме силна соработка, рече Петровска, и додаде дека фактот дека италијански воздухоплови ќе ја гарантираат безбедноста на нашиот воздушен простор е приказ за целосна меѓусебна доверба.
Италијанскиот министер Крозето порача дека со денешното потпишување на овој историски договор, Италија заедно со Грција ја презема обврската за заштита на небото на Северна Македонија и дополни дека сојузништвото во Алијансата значи своите сили да се стават на располагање на други земји кога има потреба за такво нешто.
„Италија има чест што може да даде свој придонес во оваа насока и ѝ благодари на Северна Македонија за довербата“, рече Крозето.
Небото на Северна Македонија со официјалниот почеток на НАТО „air policing“ мисијата во нашата земја во декември 2021 година, и официјално стана дел од колективниот систем на Алијансата за воздушно патролирање. Досега, воздухопловното патролирање беше доверено на грчкото воено воздухопловство, а отсега тоа ќе се врши со воздухоплови на грчките и на италијанските воздухопловни сили, во координација со военото воздухопловство на Армијата на Република Северна Македонија.
Мисијата за воздухопловно патролирање на нашето небо ја раководи Сојузничката воздухопловна команда на НАТО, а тактичката контрола на мисијата е под раководство на Центарот за комбинирани воздухопловни операции во Торехон, Шпанија.
Македонија
(Видео) Шкријељ: Понудата на ДПМНЕ е понуда за блокада на ЕУ, над 80 проценти од листите се истите пратеници
Составот на кандидатските листи за пратеници од ВМРО-ДПМНЕ потврди дека нема никаква промена во оваа партија. Ова е понуда за блокада на европскиот пат на државата, тоа е кристално јасно, истакна на денешната прес-конференција Санела Шкријељ, пратеничка на СДСМ.
„Над 80% од предложените кандидати за пратеници се истите кои досега спроведуваа активна блокада на македонското Собрание.
Освен блокада на европскиот пат на државата повеќе од 2 години Собранието е под опструкции, блокади, кочење, од страна на ВМРО-ДПМНЕ
Наместо за интересот на граѓаните и државата се спроведуваа теснопартиски инетерси а често слушнавме и навреди и омаловажувања кон жените-пратенички.
Во време на криза во Собранието ја блокираа помошта за граѓаните и компаниите.
Беа против минималната плата и раст на платите и против членството на државата во ЕУ.
Тропаа и вревеа со вувузели во парламентот“, вели таа.
Оценува дека граѓаните беа сведоци на одолговлекувања, бесмислени реплики, штанцање илјадници амандмани за блокада на законите, незакажување седници и неставање на дневен ред на клучни закони во парламентарните комисии, предводени од опозицијата.
Со истите лица на листите, Белата палата, според Шкријељ потврдува дека се определува за блокада на европскиот пат на државата. Со ДПМНЕ е можно само враќање назад.
В„о ВМРО-ДПМНЕ нема никаква промена и не можат да донесат никакви промени на подобро, напротив.
Затоа, кристално јасно е.
Изборот пред граѓаните на претстојните избори ќе биде помеѓу надеж и просперитетна европска иднина со СДСМ и безнадежност, враќање 10 години назад со ДПМНЕ далеку од ЕУ“, прецизира пратеничката на СДСМ.