Македонија
Скопски маратон по трет пат во главниот град
Скопскиот маратон ќе се оджи во ведела, по трет пат, откако беше возобновен по иницијатива на европратеникот, Ерван Фуере
Во недела со почеток во 9 часот, ќе започнат четирите трки на овогодинешниот Скопски маратон и тоа на 2 илјади метри за основци, 5 илјади метри за рекреативци, и полумаратонот и маратонот за професионалци. Годинава, Скопскиот маратон влезе во Светската асоцијација на маратони, па официјалното постигнато време или рекорд ќе му биде признат на победникот, информираа од Организациониот одбор. “Оваа година официјално сме примени во Светската асоцијација за маратонски трчања, оттаму добивме стручен експерт, којшто беше и ја измери патеката, добивме Сертификат за тоа, и од оваа година ќе почнеме да ги бележиме рекордите на Скопскиот маратон“, рече Ѓорѓи Кузмановски, претседател на Организациониот комитет на маратонот.На маратонот можат да учествуваат сите, а за полумаратонската и маратонската трка се плаќа котација од 300 денари, додека за трката на 5 илјади метри, котацијата е 100 денари. Овогодинешниот фонд на награди е зголемен, а првата награда во машка и женска конкуренција за маратонската трка изнесува 1.700 евра, соопштија од организацијата. Соето учество веќе го имаат најавено ланските победници во машкиот и женскиот дел од маратонот, како што соопштија организаторите на денешната прес-конференција. Исто така, пријавени се повеќе учесници од Србија, Хрватска, Молдавија, Црна Гора, Италија и други земји. Рокот за пријавување е до утре, за професионалните трки, односно до 8 мај за трката на 5 илјади метри. Патеката за маратон се протега од населбата Влае до населбата Аеродром, а со оглед на тоа што маратонот се трча по скопските улици, в недела ќе има посебен режим на сообраќај од 8 часот до 14 часот. “Одржувањето на Скопскиот маратон претставува традиција во нашата метропола, со кој се популаризира физичката активност, наспроти брзиот начин на живеење“, рече градоначалникот на Скопје, Коце Трајановски.Поддржувачите на маратонот се надеваат дека тој ќе прерасне во традиција на Скопје и дека ќе се постигнуваат рекорди кои ќе бидат пренесувани и во Европа.“Владата на Република Македонија и Агенцијата за млади и спорт и во претходниот период работи на популаризација на повеќе сегменти од спортот, посебно на развојот на масовнниот спорт“, рече Драган Ѓурчевски, директорот на Агенцијата за млади и спорт, повикувајќи ги граѓаните во што поголем број да се вклучат во Скопскиот маратон. Ерван Фуере, се надева дека Скопскиот маратон ќе опстане и по неговото заминување, а го смета за свој придонес за една метропола како што е македонскиот главен град.Покровители на Скопскиот маратон се Канцеларијата на Европската Унија, градот Скопје и Агенцијата за млади и спорт, а во неговата организација се вклучени повеќе од 150 волонтери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Таравари од централниот митинг во Струга: Зголемување на минималната плата до 800 евра за борба против имиграцијата
Кандидатот за претседател од редовите на ВЛЕН, Арбен Таравари, ја изрази својата заложба за борба против имиграцијата преку зголемување на минималната плата во нашата земја. Во рамките на идната влада се планира зголемување на платите и до 800 евра, со што ќе се создадат нови можности младите мажи и жени да останат и да придонесат за развојот на државата.
Преку грантови за технологија и иновации, Таравари рече дека владата има за цел да ги поддржи нивните креативни идеи, фокусирајќи се на развојот на земјата како атрактивна алтернатива за младите.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Така како следна влада на ВЛЕН ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра. Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“, рече Арбен Таравари на централниот митинг во Струга.
Македонија
(Видео) Силјановска -Давкова: На 9 мај ќе го славиме Денот на победата над фашизмот и Денот на Европа, но ќе славиме и за Македонија
„На 9-ти мај ќе го прославуваме Денот на победата над фашизмот и Денот на Европа! На 9-ти мај, ќе ја славиме Македонија како твоја и Македонија како горда! Ви ветуваме дека ќе докажеме дека нема да ве срамиме, дека нема да ги заборавиме државните и нациолнални интереси, кои тие не само што ги заборавија, туку и ги погазија! Молам за доверба!“, рече Горданa Силјановска -Давкова, кандидат за претседател на Македонија.
„Верувајте ми, има моменти во историјата! А таков е овој, кога мора да сме заедно! Кога како никогаш досега, потребна ни е вашата поддршка! Без вас не може да направиме единство! Без вас Македонија не може да биде ниту твоја, ниту горда! Без вас не може да дојдеме до победа! Вие го имате првиот и последниот збор! Ви веруваме!
Денес е Денот на светското културно наследство. Охрид е незаменлив и ценет, драгоцен дел од него. Охрид е споменик и дом на европското христијанство! Да го чуваме! Не заборавајте: Без Охрид, Македонија нема да биде почитувана!
Час поскоро, активирајте го универизтетот на Плаошник! Оваа власт не знае што е култура, за неа културата е бизнис. Ако започна изградбата во времето на ВМРО-ДПМНЕ, мора да доврши.
Во насока на јакнење на културниот туризам ќе покренам организирање на меѓународен форум – Плаошник форум, на кој ќе се дискутира соработката на цивилизациите, религиите и културите. Сето ова во соработка со УНЕСКО и Министерството за култура! Упатувам порака дека: Плаошник може да биде центар на дијалог на цивилизациите! Дијалог на религиите! Центар на културен дијалог! Затоа сум горда на него!“, додаде Горданa Силјановска -Давкова.
Македонија
Мицкоски: Повикувам на обезбедување на македонско национално единство, обзнанувам мораториум и запирање на сите напади кон партиите Левица и ЗНАМ
Нашето име е ВМРО-ДПМНЕ, ВМРО – демократска партија за македонско национално единство. Тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе, рече претседателот на ВМРО-ДПМНЕ, Христијан Мицкоски од големиот народен митинг во Охрид, од каде што традиционално ВМРО-ДПМНЕ ја почнува кампањата за парламентарните избори.
Мицкоски посочи дека долго време таа обврска и одговорност како да се одбегнуваше, а понекогаш и се занемаруваше и никогаш како сега не било важно како сега да се случи обединување, да се обезбеди национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум во нападите кон партиите Левица и ЗНАМ. Ова го чувствувам како потреба на македонскиот народ но, и како моја обврска да се обидам да ја реализирам идејата за национално единство во моменти кога таа и е најпотребна на Македонија“, рече Мицкоски.
Додаде дека со Левица и ЗНАМ, ВМРО-ДПМНЕ има свои разлики по повеќе прашања и од идеолошка но и од принципиелна природа, но смета дека во моментов, најважно за Македонија е да се фокусираат на оние кои што ја киднапираа државата од граѓаните.
„Но, ценам дека во моментов најклучно за иднината на земјата е да се фокусираме на оние кои ја киднапираа Македонија од рацете на граѓаните. Разидувањата сигурно ќе продолжат, но мора да наоѓаме заеднички јазик без разлика на лични и партиски суети и интереси. Од нив не очекувам да го направат истото. Дури можеби и ќе ме нападнат за овој гест, можеби некои оправдано ќе кажат дека задоцнет, но и покрај тоа, како и да се однесуваат споменатите партии, ние како партија ќе опстоиме на нашиот збор“, порача Мицкоски.