Македонија
Шутановац: Решението за Косово треба да биде безбедно за граѓаните
Министрите за одбрана на Македонија и на Србија, Зоран Коњановски и Драган Шутановац денеска потпишаа Спогодба за соработка во областа на одбраната
Соработката меѓу министерствoto за одбрана на Македонија и соодветното српско министерство ќе се продлабочува и со можност за студирање на питомци од Македонија на Воената академија во Србија, каде минатата година се школувале околу 140 питомци и офицери од странски држави. Министрите Коњановски и Шутановац ја се договориле за воено – економска соработка во областа на воената индустрија, каде Србија изрази подготвеност да ги користи македонските можности, но исто така договориле и соработка во военото здравство. Инаку, како што информираше српскиот министер за одбрана, Шутановац, Србија минатата година имала извоз од военото вооружување и опрема околу 400 милиони американски долари. Од оваа година во склоп на Воената академија во Србија, прв пат почнува со работа медицинскиот факултет, каде ќе бидат запишани 200 кандидати што ќе се школуваат за воени лекари. Двајцата министри заклучиле дека и двете земји треба колку е можно побрзо да се најдат на белата шенген листа и да станат полноправни членки на ЕУ.Коњановски, по средбата, ја изрази поддршката што Македонија ја дава за евроатлантските процеси на Србија, преку своите досегашни искуства, но и поддршката за членството на Србија во СЕДМ процесот (Процесот за соработка во ЈИЕ во одбраната).“Не сакаме да водиме грижа само за дел од Регионот, туку го гледаме како целина која треба да се придвижува кон евроатланствските интеграции, е пораката упатена од министрите за одбрана на земјите од регионот“, изјави Коњановски по средбата.Според министерот Шутановац, без разлика на тоа што живееме во различни држави, кои се разделени со административни граници, безбедносните ризици се заеднички. Затоа, смета Шутановац, потребна е посилна соработка за спречување на сите прекугранични предизвици и закани, кои според него се асиметрични предизвици на Балканот, а не воени, затоа што Балканот се наоѓа на патот на трговијата со наркотици и луѓе, но и на оние што се заинтересирани за ширење на верски екстремизам во регионот. Тој смета дека треба што побргу таквите појави да се детектираат, да се откријат и да се спречат.“Македонија и Србија не се согласуваат во врска со решавањето на косовското прашање, но се согласуваат дека секое решение треба да биде безбедно по граѓаните и за регионот. Заеднички интерес за целиот регион е тоа прашање треба да се решава по мирен пат“, рече Шутановац. Министер за одбрана на Србија, Шутановац, денеска ќе биде примен од претседателот на државата Ѓорге Иванов и од премиерот Никола Груевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.