Македонија
Средбата за името без епилог
Координативната средба помеѓу претседателот Бранко Црвенковски и премиерот Никола Груевски за изградба на единствен став околу спорот за името по последниот пакет идеи на медијаторот Метју Нимиц заврши без епилог
Она што го разговарале Црвенковски и Груевски со преговарачите Никола Димитров и Мартин Протуѓер, останува тајна. Ниту од претседателскиот, ниту од премиерскиот кабинет не даваат информации што се договорил државниот врв. „Нема да има никакво соопштение“, беше неофицијалниот одговор од кабинетот на Црвенковски. Најверојатно, двете страни повторно имале различни ставови околу тоа како да се постапи по последниот предлог на Нимиц. Дипломатски извори деновиве предупредуваа дека оваа координација може да биде неуспешна поради тоа што Груевски цврсто инсистира на двојната формула што би значело целосно одбивање на предлогот, додека пак Црвенковски би одел на крупни забелешки на предлогот „со цел македонската страна да покаже конструктивност“. Министерот Милошоски, вчера по повод празникот 23 Октомври, пак, беше оптимист за успехот на денешната средба. „За последниот предлог на Нимиц ќе има координативна средба помеѓу Премиерот и Претседателот и тогаш ќе се изгради стави по однос на овие предлози“, најави Милошоски. Ова е втора средба без епилог по однос на последниот предлог на медијаторот. Првата беше минатата недела. Тогаш на кусата средба Црвенковски и Груевски заклучија дека се уште е рано Македонија да се произнесе по предлогот. Двајцата највисоки државни функционери, и покрај претходните различни позиции, веднаш по добивањето на предлогот се изјаснија дека се неприфатливи последните решенија и предлози на Нимиц, сепак тие минатата недела не договорија одговор за медијаторот. Прашањето за името, освен од државниот врв, ќе биде разгледувана првпат и од страна на пратениците. После несогласувања и координации меѓу партиите на власта и опозицијата, претседателот на Собранието Трајко Велјановски објави дека Резолуцијата за името поднесена од НСДП и СДСМ ќе биде последна точка на 27. седница која е во тек и дека за неа ќе се расправа во текот на наредната недела
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.
Македонија
3,85 отсто е одѕивот за гласање во првите два и пол часа, 12 приговори пристигнале во ДИК
Одѕивот на граѓаните во првите два и пол часа од гласањето за избор на претседател на државата на седмите претседателски избори е 3,85 отсто. Гласањето е почнато навреме, се одвива мирно и без пријавени неправилности. Претседателот на Државната изборна комисија (ДИК) Александар Даштевски утрово рече дека одѕивот е мал, но мал е и бројот на избирачки места од кои се пристигнати податоци.
„До девет часот пристигнати се податоци за одѕив на гласачите од 832 избирачки места. Од вкупно запишани 42.748 гласачи на овие избирачки места, гласале 15.487 или 3,8 отсто од гласачите. До овој момент во ДИК се доставени вкупно 12 приговори за заштита на личното избирачко право кои се предмет на обработка“, рече Даштевски.
На бесплатниот телефонски број 0800 555 44 граѓаните можат да постават прашање или да пријават неправилности до Државната изборна комисија.
Активна е и видеокол линијата 076 488 360 преку која граѓаните со оштетен слух и говор ќе можат преку видео повик да постават прашање до Државната изборна комисија и да добијат одговор на знаковен јазик. На сите граѓани на располагање им се интернет страницата на ДИК www.sec.mk како и страниците на социјалните мрежи „Фејсбук“ и „Твитер“ и каналот на јутјуб.
На страната rezultati.sec.mk може да се следи во живо излезноста на гласачите, вкупна и по општини.
На овие избори право на глас имаат 1. 814.317 граѓани на 3480 избирачки места. Податоци од повеќе избирачки места претседателот Даштевски најави за следната прес – конференција.
Македонија
Тошковски: Мислам дека изборниот ден ќе помине во најдобар ред
Техничкиот министер за внатрешни работи Панче Тошковски изјави дека досега нема никакви нарушувања на гласањето а МВР веќе ги има распоредено сите полициски службеници ширум државата кои треба да се грижат за спроведување на фер и демократски процес.
„Немаме забележано никакви посериозни нарушувања на изборниот процес. Денот е убав, се надевам дека граѓаните ќе можат да го остварат своето гласачко право, на едни демократски избори. Покриени се сите сектори за внатрешни работи со технички услови. Се постапува според утврдените насоки од изборниот штаб“, додаде Тошковски.
Тошковски смета дека изборниот ден ќе помине во најдобар ред.
На претседателските избори учествуваат седум кандидати – пет мажи и две жени.
Кандидати се актуелниот претседател Стево Пендаровски кој е поддржан од СДСМ и коалицијата, Гордана Силјановска Давкова од ВМРО-ДПМНЕ, Билјана Ванковска која е поддржана од Левица, Максим Димитриевски од движењето Знам, Стевчо Јакимовски од партијата Гром, Арбен Таравари од коалицијата Вреди и Бујар Османи кој е поддржан од Европскиот фронт.
Во Северна Македонија се одржуваат седмите претседателски избори.