Македонија
ВМРО-ДПМНЕ: Јовановски е лош сигнал за инвеститорите
ВМРО-ДПМНЕ смета дека Зоран Јовановски, новоизбраниот потпретседател на СДСМ, може да нанесе големиштети на граѓаните и на банкарскиот сектор со сегашната позиција, затоа што ги знае сите силни и слаби страни на банките
Зоран Јовановски, до пред две недели, главниот човек за супервизија во НБРМ, согласно законот, не требало да ја извршуваа таа функција, која е наменета за вицегувернерите. Од друга страна пак, законот предвидува вицегувернерите во Народната банка, по напуштањето на функцијата, да не смеат, најмалку 2 години да бидат ангажирани или вработени во која било банка во државата, тврдат од ВМРО-ДПМНЕ. “Една од причините за оваа норма е токму фактот што супервизијата располага со детални податоци, за активноста на секоја банка. Поседувањето на овие податоци може да создаде силна конкурентска предност за една банка во однос на другите, или пак да уништи некоја банка. Зоран Јовановски не беше вицегувернер, но Зоран Јовановски ја вршеше функцијата на главен супервизор“, праша на денешната прес-конференција Александар Бичиклиски, портпаролот на ВМРО-ДПМНЕ. Зоран Јовановски, кој е е советник на Комерцијална банка и потпретседател на СДСМ, знае која банка со колку средства располага, колкави депозити има, каков е нејзиниот кредитен регистар, кои се клиентите, каква стратегија и цели остварува, какви инвестиции планира. Исто така, ја знае акционерската структура на банките, ги знае нивните силни и слаби страни, нивните можности и ризици, а ги знае сите банкарски трансакции на граѓаните, тврдат од ВМРО-ДПМНЕ.Со неговите нови функции, сметаат од најголемата политичка партија на власт, на Хари Костов и на Бранко Црвенковски им се достапни тие информации, па можат да ги употребат за свои цели.“Сега тие податоци ги имаат и Хари Костов и Бранко Црвенковски. Хари Костов преку нив може да создава предност за својата банка или да уништува друга банка, а Бранко Црвенковски со нив може да условува, да врши притисок и да уценува“, рече Бичиклиски.
Според ВМРО-ДПМНЕ, Зоран Јовановски не требаше, веднаш по напуштањето на позицијата во НБРМ, да отиде во Комерцијална банка, и тоа на само неколку дена пред да стане потпретседател на СДСМ, затоа што се испраќа лош сигнал до потенцијалните инвеститори дека банкарскиот сектор во Македонија е полн со интриги, конспирации и девијации, партизиран, и како таков не гарантира услови за успех.
Од СДСМ експресна реакција во која се вели дека очигледни се фрустрациите на владејачката партија после 10-тиот Конгрес на СДСМ.
“Уште еднаш повторуваме дека нивните оценки за новите кадровски решенија на СДСМ, ниту не интересираат ниту не загрижуваат.За нас единствено меродавни се ставовите на граѓаните на Република Македонија, кои на жал на ВМРО ДПМНЕ, се позитивни“, се вели во реакцијата на СДСМ..
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДПМНЕ сака да не врати назад во времето на Хунзите и Скопје 2014, велат од СДСМ
Ништо не е променето во ДПМНЕ, оценуваат од владејачката СДСМ.
„На митинзите на ДПМНЕ и Силјановска е истата кореографија од времето кога се носеа Хунзи и кога им се правеше пречек на скопскиот аеродром, а граѓаните Македонци се претставуваа како нивни големи наследници.
Тоа е истото време на грабежот од Скопје 2014 и историскиот инженеринг на ДПМНЕ“, додаваат од СДСМ.
Според нив, ДПМНЕ е истата режимска партија.
Со ДПМНЕ, како што велат, е можно само враќање назад во изолација и режим, во темното минато на недемократските процеси и далеку од ЕУ.
Македонија
Мицкоски: Преземам иницијатива за создавање на национално единство, и запирање на сите напади кон Левица и ЗНАМ, државата е одземена од народот
„ВМРО-ДПМНЕ – ВМРО Демократска партија за македонско национално единство, тоа е многу силно име, кое не само заради историското ВМРО и континуитетот на кој се повикуваме како идеја и организација која ја славиме и која е нераскинлив дел од македонското национално движење и можеби најзначајна за македонскиот национален идентитет, туку истовремено и поради обврската и одговорноста која и вториот дел од името ја носи со себе. Долго време таа обврска и одговорност како да се одбегнуваше, некогаш занемаруваше, некогаш впрочем и попусти беа обидите да се оствари, но обиди иако неуспешни имало“, кажа претседателот на ВМРО-ДПМНЕ, Христијан Мицкоски на вчерашниот митинг во Охрид.
Тој нотираше дека сака да успее во тоа, да создаде македонско национално единство.
„Мојата прва иницијатива за обезбедување на македонско национално единство ќе ја започнам со тоа што сакам да обзнанам мораториум и запирање на сите напади кон партите Левица и ЗНАМ. Ова го чувствувам како потреба на македонскиот народ, но и како моја обврска да пробам да ја реализирам идејата за национално единство во моменти кога тоа и е најпотребно на државата, во моменти кога државата е одземена од народот и во рацете на неколкумина корумпирани политичари од ДУИ со неколкумина корумпирани политичари од СДСМ кои се седнати во скут кај овие од ДУИ“, рече Мицкоскит.
ПИстакна дека Македонија мора да се обединува по сите основи, за тоа да се случи мора да се почне од некаде, и нема подобар период од тоа, тој процес да започне токму сега.
„Ќе има во иднина моменти кога националното единство ќе е неопходно, исто како што ќе има моменти кога ќе се прејде на едно граѓанско единство без разлика на етничката припадност, затоа што ова, е земја на сите граѓани кои живеат во нејзе и сите ние граѓаните од различни етнички заедници сме нераскинлив дел и столб на оваа држава и на нејзината иднина“, заклучи тој.
Неговата порака е дека нема откажување од граѓаните, нема откажување од единството помеѓу сите, затоа што само така заедно сложни со силата и капацитетот на сите, сме иднината на ова земја, порача Мицкоски.
Македонија
Маричиќ: Оваа Влада ги покачи пензиите за 50 проценти и ветуваме дека во наредниот мандат просечната пензија ќе биде од 500 евра
Меѓународниот секретар на СДСМ и кандидат за пратеник, Бојан Маричиќ, оствари средба со граѓаните пензионери од Изборната единици 1, каде што тој е дел од листата на Социјалдемократскиот сојуз и Коалицијата за европска иднина.
Маричиќ јавно се обврза дека како член на наредната Влада што ќе ја предводи СДСМ ќе продолжи да работи за пензионерите да имаат убав и достоинствен живот.
„Оваа Влада ги покачи пензиите за 50% и ветуваме дека во наредниот мандат ќе биде просечна пензија од 500 евра. Исто така се обврзуваме на зимски регрес од 3000 до 6000 денари за секој пензионер, а најмногу ќе добиваат оние со најниски пензии. Исто така ветуваме енергетски пакет од 1500 денари месечно во текот на грејната сезона за оние пензионери на кои најмногу им треба“, вети Маричиќ.
Тој нагласи дека пензионерите тоа го заслужуваат.
„Без вашата генерација и без влогот кој што го дадовте немаше да имаме држава. Токму затоа сме дожни и обрзани да работиме пензионерите да имаат мирни и спокојни пензионерски денови и мирно да ги гледаат своите деца и внуци како растат. А како растат внуците така нека растат и пензиите“, нагласи Маричиќ на средбата со тетка Верица и пензионерите од Карпош.
Меѓународниот секретар на СДСМ и кандидат за пратеник, Бојан Маричиќ, порача дека тој, СДСМ и Коалицијата за европска иднина „не се откажуваат од подобриот животен стандард за спокоен живот за пензионерите“.