Македонија
Нимиц ќе изнесе детали од средбата во Женева
Деталите од македонско–грчките разговори за разликите околу името, што денеска околу 14 часот ќе се одржи во Женева, ќе бидат соопштени доцна попладнево од медијаторот Метју Нимиц
Прес-конференцијата на која медијаторот Mетју Нимиц ќе изнесе поединости по средбите што ќе ги има со преговарачите на двете земји е закажана во 16,30 часот. Предвидено е прес-конференцијата да трае 45 минути, пишува BBC.Средбата за името е прва по период од четири месеци., бидејќи разговорите мируваа поради изборите кои се одржува во двете држави. Инаку, во пресрет на разговорите во Женева, дописниците на македонските медиуми јавуваат за интензивна активност на двата преговарачки тима, но и тајни седби. Имено претставници на неколку влијателни држави членки на Европската Унија и НАТО својата тајна дипломатија која не е дел од агендата на медијаторот Нимиц деновиве ја насочија кон начинот на решавање на прашањата поврзани со македонскиот идентитет. Едно од решенијата кое се’ уште не е на маса а за кое неформално била консултирана грчката страна е називот на националноста и јазикот во ОН да се реши со комбинација на евентуално идно решение за името на земјата со зачувување на сегашниот назив на националноста и јазикот. Поточно, во графите за националноста во ОН да стои „Македонци“ со објаснување „граѓани кои што живеат во Република Северна Македонија“. Доколку земјата потклекне под притисокот на дел од политичката елита во Брисел и Вашингтон за кој географската одредница „Северна“ е прифатлив компромис, слично решение се нуди и за јазикот. Тој би останал „македонски“ со објаснување дека тоа е јазик кој се говори во Република Северна Македонија. Грчката страна се’ уште не се изјаснила на ваквите решенија кои од Обединетите нации би требало да се префрлат и во Советот на Европа, но затоа од Атина стигнуваат најави дека Грција ќе бара од сите меѓународни институции кои се занимаваат со македонскиот јазик да прекинат да го користат во таа форма. Така тоа би се однесувало на голем број универзитети кои имаат катедри за изучување на македонски јазик. Најавено е и дека барање за прекин на употреба на терминот македонски наскоро ќе стигне и до странските медиуми кои имаат сервиси македонски јазик како радиото Радио Слободна Европа, Глас на Америка на македонски, Дојче Веле, BBC на македонски, како и емисиите на македонски јазик на националните медиумски програми наменети за малцинствата, пред се’ во државите кои Македонија ја признаваат како Поранешна Југословенска Република. Според истите најави, од државите што Македонија ја признале под уставното име ќе се бара по евентуален договор тие да ги преименуваат сите употреби на терминот „македонски“ во новото име за кое евентуално би бил постигнат договор. За македонската дипломатија овие игри на Грција, но и на други земји индиректно инволвирани во спорот за името, се беспредметни.И Скопје и Атина истакнаа пред средбата дека се залагаат за компромисно решение. Од македонска страна беше најавено дека таа ќе вложи максимални напори да се најде компромис, што нема задира во националниот идентитет, а грчката страна го повтори ставот за заемно прифатливо име со географска одредница за севкупна употреба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Коалицијата на ВМРО-ДПМНЕ „Твоја Македонија“ застанува зад бранот на промени за стабилна и силна Македонија
Денес потпишавме Повелба за стратешко коалицирање и утврдување на принципите на идна работа на Коалицијата предводена од ВМРО-ДПМНЕ наречена „Твоја Македонија“. Коалицијата на ВМРО-ДПМНЕ „Твоја Македонија“ е најбројната досега коалиција составена од 24 политички субјекти и организации кои застануваат зад бранот на промени кои треба да обезбедат стабилна и силна Македонија, истакна лидерот на ВМРО-ДПМНЕ Христијан Мицкоски.
„Коалицијата „Твоја Македонија“ се обврзува дека при реализацијата на програмата за претседателските и парламентарните избори во 2024-тата година, целосно и недвосмислено ќе се водиме од принципите на одговорност и транспарентност во политичкото дејствување. Свесни за девастирачкиот карактер на политиките на неодговорната владејачка клика, обзнануваме дека развојот на економијата, економскиот раст, домашните и странски инвестиции, како услов за отворање на нови работни места и подобар живот на граѓаните, се врвни приоритети на партиите – членки на коалицијата „Твоја Македонија“. Недвосмислена и цврста борба против корупцијата и намалување на обемната бирократијата се наш носечки предизвик бидејќи цврсто веруваме дека праведноста во општеството е основен предуслов за вкупен развој на татковината. Оттаму, длабоко свесни за истакнатото, коалицијата „Твоја Македонија“ се обврзува дека жестоко, праведно и принципиелно ќе иницираме и ќе поддржиме акции на правната држава кои треба да ја вратат разнишаната доверба на граѓаните во институциите на државната власт“, нагласи Мицкоски.
Според него, основниот концепт за развој на приватната иницијатива е почитување на економската слобода и развој на креативноста на личноста.
„Нагласувајќи го разорното дејство на криминалот и корупцијата на актуелната владејачка клика, остануваме посветени на економската модернизација на татковината. Во таа насока се обврзуваме дека ќе генерираме нови политики во функција на финансирање на изградба на меѓународните и локалните патишта, железничките коридори, електраните, гасоводните системи, далноводите, училиштата, болниците како и други инфраструктурни проекти. Манифестираме јасна, непоколеблива и цврста решеност да реализираме реформи кои ќе обезбедат долгорочен економски раст и напредок на Македонија бидејќи цврсто веруваме дека борбата за подобри економски постигнувања значи борба за подобар живот и подобар стандард на македонските граѓани“, нагласи лидерот на ВМРО-ДПМНЕ.
Апелира да има масовна излезеност на овие избори бидејќи, како што рече, неизлегувањето на овие избори подразбира поддршка на неодговорната и криминална власт.
Македонија
Државјанин на Турција приложил фалсификуван пасош на Ќафасан
Денеска, на граничниот премин Ќафасан полициски службеници го привеле Т. С. Т. (48) од Република Турција затоа што при пасошка контрола било констатирано дека на увид приложил фалсификувана патна исправа.
Известен бил јавен обвинител, а тој бил предаден на полициски службеници од Полициската станица Струга за понатамошна постапка.
Македонија
Тошковски се сретна со амбасадорот на Турција: врвен приоритет е склучување билатерален договор за соработка во областа на безбедноста
Денеска, министерот за внатрешни работи, Панче Тошковски, и заменик-министерот Назим Буши остварија работна средба со амбасадорот на Република Турција, Фатих Улусој.
Министерот Тошковски на новоименуваниот амбасадор Улусој му посака пријатен престој и успешно вршење на амбасадорската функција со желби за унапредување на билатералните односи меѓу двете земји.
На средбата беа отворени тековни прашања од соработката во областа на безбедноста, внатрешните работи и конзуларни прашања во надлежност на Министерството за внатрешни работи за што се потврдија заложбите за искрена соработка на овие теми.
Една од главните заложби е одржувањето на стабилноста и безбедноста на регионот за што двајцата соговорници се согласија дека од врвен приоритет е склучувањето на билатералниот договор за соработка во областа на безбедноста, кој е во фаза на заемно усогласување.