Македонија
Да се смени концептот за вработување во администрацијата
Експертите тврдат дека текстот за Законот за државни службеници може да се подготви за три дена, но потребна е политичка волја за тоа да се случи
Во постоечкиот Закон за државни службеници од 2000-та година користен е концептот на работни места, за кој Македонците според професорот Борче Давитковски, се покажаа како мајстори за изигрување. Со секое менување на власта се ротираа околу 4.000 луѓе, тврди Давитковски и „само што ќе ги обучевме едните, доаѓаа други“, па квалитетот на работата на службениците се намалува.„Ни случајно нашата администрација не може да аплицира за фондовите на Европската унија кога нон-стоп се менува“, рече Давитковски, поздравувајќи ја иницијативата за јавна расправа по ова прашање и тоа, како што рече, токму во законодавниот дом.Според него, за државна администрација не се потребни патриски луѓе, туку способни професионалци, затоа што и кога македонија ќе добие датум за преговори, па и влез во Европската Унија, ќе ни секнат фондовите како што им се случи на Бугарите и на Роамнците.Давитковски смета дека треба да се напушти концептот на работни места и да се воведе концептот на кариера за да се создаде квалитетна администрација. Тој, исто така, забележа дека не треба да се носи Закон за државни службеници, туку за јавна администрација, кој би опфаќал над 120 илјади луѓе, додека државни службеници моментално се 7.500, а ако се продолжи со истиот тренд, ќе се намалат на четири илјади.Како што појасни вицепремиерот за евроинтеграции Васко Наумовски, Министерството за правда направило анализа и за таков закон, но тој треба да влезе во процедура на почетокот на следната година, а не како што претходно беше планирано во февруари годинава. Според професорот Мерсел Биљали, Законот за државни службеници со сите измени кои во него треба да се вметнат може да биде подготвен од експертите за многу кусо време, само доколку постои политичка воља. Методија Димовски, генерален секретар на Агенцијата за државни службеници рече дека во во Европа се користи мешовит концепт од двата за работни места и од концептот за кариера, но воведувањето на систем на конторла на Агенцијата за државни службеници ќе овозможи значително подобрување на спроведувањето и резултатите ќе бидат многу брзо видливи. „Сметам дека е време да се размисли за вицепремиер за јавна администрација. Што ќе ни е вицепремиер за евроинтеграции ако постојано добиваме забелешки од Брисел“, рече претседателката на Националниот совет за евроинтеграции, Радмила Шеќеринска.Вицепремиерот за евроинтеграции Наумовски, рече дека многу од забелешките на опозицијата за овојо закон во наредните денови до 10 септември, кога ќе биде собраниската седница со второ читање на Законот ќе бидат разгледани од Владата. „Во однос на забелешките коишто во изминатите неколку денови беа презентирани од страна на опозицијата тие се разгледуваат и постои расположение дел од нив да бидат прифатени онаму кадешто тоа е можно, со цел да постигнеме што е можен поширок консензус во однос на овој Закон, којшто е еден од клучните закони во однос на евроинтеграцијата на Република Македонија“, рече Наумовски.Забелешките на опозицијата најмногу се однесуваат на изборот на генералниот секретар на Агенцијата за државни службеници кој треба да биде избран од редовите на администрацијата со најмалку три години работно искуство во админситрација. Мандатот на секретарот е во спротивност со функијата која до тогаш ја обавувал, па СИГМА предлага таа да му престане. Со новиот закон Агенцијата ќе има поголеми овластувања, а отчет, според препораките од Брисел треба да дава на Владата, а не на Собранието.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачевски: Со Мицкоски и ДПМНЕ е можно само враќање назад во изолација и режим, далеку од Европа
Со Мицкоски и ДПМНЕ е можно само враќање назад во изолација и режим, далеку од Европа, рече претседателот на СДСМ, Димитар Ковачевски во обраќањето на вечерашниот митинг на СДСМ и Коалицијата за европска иднина во Гевгелија.
„Ништо не е променето во ДПМНЕ, тоа е истата режимска партија, која сее раздор, навреди, омаловажувања и закани, која на граѓаните може да им понуди враќање во минатото и изолација“, додаде тој.
ВМРО-ДПМНЕ ќе го одолговлекуваат европскиот пат и за тоа ќе го обвинат Брисел, потенцирапе Ковачевски.
„ВМРО-ДПМНЕ не нуди никаков план за јасен напредок во евроинтеграциите. Напротив, се слушаат нивни изјави каде велат дека не треба да станеме членка сто години, а можеби и никогаш. Тоа е доказ дека ја продолжуваат политиката на Никола Груевски. Со нив, Македонија ќе се врати во чекалниците на ЕУ и во темното минато на недемократските процеси“, рече претседателот на СДСМ, Димитар Ковачевски.
Македонија
(Видео) Мицкоски: „Платформа 1198″ е светилник на надежта, најдобрата изборна програма досега
„Ова е град на непокорот, град од каде се раѓала и негувала македонската револуционерна мисла, град на идеали, вера, истрајност, еснафлук, култура, цивилизација. Од Св. Климент и Наум до Самоил, од Глигор Прличев до Петре Пирузе Мајски. Овде се создавала историја, затоа од овде секогаш почнуваме, поради славните охридски семејства и овој народ тука кој живеел славна историја, која до ден денес ни е патоказ како да ја чуваме и негуваме идејата во која веруваме, а идејата е Македонија!“, рече Христијан Мицкоски, претседател на ВМРО-ДПМНЕ вечерва од Охрид.
„Народот доаѓа по своето. Доаѓа по тоа што му е одземено. Доаѓа по Македонија. Да си ја врати во свои раце и да ги отпочне големите промени на свеста, на начинот на живот, на вредностите, со кои ќе покажеме на сите дека можеме, дека знаеме, дека си ја сакаме државата, дека не ја даваме, и дека ние сите заедно, сме силата на Македонија.
Победата мора да е голема за да видат сите оние кои се прашуваат дали народот ќе дојде по своето, за да им докажеме и на најголемите скептици кои го потценуваат овој народ, дека Македонија и нејзините граѓани се горди и достоинствени и дека доаѓаат по своето, доаѓаат по својата единствена татковина Македонија. Доаѓаат да си ја земат државата во свои раце, затоа што лошо се живее, затоа што институциите се распаднати, затоа што државата е киднапирана од неколкумина од ДУИ и СДСМ и нема набавка или тендер кој не е злоупотребен, нема работник кој не е разочаран, нема пензионер кој не е загрижен, нема доктор и инженер кој не се прашува што бара тука, нема млад кој не е скептичен, и ретко човек кој не помислил дали да си оди од овде. Накусо нема надеж и сон кои не се уништени.
Но во нас мора да се роди повторно пркосот, не им ја даваме Македонија, не им ја даваме иднината, не им дозволуваме повеќе да си играат со нашите животи и да се коцкаат со животите на нашите деца.
Тргнавме и нема назад, доаѓа цунамито што ќе ги одвее од политичката сцена и ќе ги испрати во заборав на историјата. А историјата може само да ги забележи како лош период во кој заради нив се изгубила човечноста, се уништиле вредностите, се изгубил редот, се изгубила и понижила Македонија.
По ништо друго нема да ги памтиме. Ако ги слушате нив ќе помислите дека живееме во Елдорадо, и сите се среќни и богати, имаат изгубено контакт со реалноста.
Рекордери се во Европа по корупција и криминал, нема извештај што тоа не го потврдува, рекордери по сиромаштија и апатија, рекордери по инфлација, 600 илјади граѓани живеат со само 150 денари на ден, а македонската младина е најнесреќна во Европа. Граѓаните не си одат оттука, тие буквално бегаат од Македонија. И не само Македонците, сите, би рекол најмногу Албанците, затоа што и тие се разочарани од политиките на партијата која е рекордер по години на владеење во светот, ДУИ, и која истовремено на толку сторен криминал нема еден нивен член што е во затвор. Да не должам на темава да ви кажам. Ќе одговарате за се. Дебело ќе одговорате. Не е ова никаква закана. Ова е мое ветување, запаметете го добро. Ви повторувам, ќе одговарате за се што и направивте на Македонија.
Еден пријател Албанец со кого се знам долги години, сме семејни пријатели, ми вели некои имаат впечаток дека со ова што ВМРО-ДПМНЕ го напаѓа ДУИ му прави услуга на ДУИ и му го качува рејтингот. Јас му велам, не ги потценувај Албанците. Албанците се мудри и еснафи. Гледаат, знаат. И тие не се среќни во Македонија. И нивните деца и внуци си бегаат надвор. Сигурно не бегаат затоа што ДУИ добро владее. Напротив. Бегаат затоа што гледаат дека од ДУИ бел ден не можат да видат. Им пречи што се краде, а тие се секој ден се посиромашни, им пречи што Артан вози коли на фирми кои добиваат тендери по институциите, додека тие едвај врзуваат крај со крај, им пречи што нема учебници во училиштата затоа што фирма блиска до Артан зела тендер за печатење учебници и си поделиле пари, а книги нема. И на Албанците како и на Македонците им пречи што сите продукти во продавниците се поскапени до облаци. И имаме највисока инфлација во регионот. Од лидери во регионот станавме последна дупка овие 6 и половина години. Овие 6 и половина години се години на пропаст, и со право кај и да одиме луѓето, Македонците, Албанците, Турците, Србите, Ромите, Бошњаците, Власите, буквално сите граѓани ни велат дека немаме држава, веќе ја немаме Македонија онаква каква што ја сакаме.
Власта на ДУИ со нивните пудлици од врвот на СДСМ ја уништија Македонија. И сега е моментот. Или народот ќе си ја врати во свои раце или целосно ќе се изгуби. И ние како генерација мора да разбереме дека ова тешка задача историска ни е доверена на нас. Ни доаѓа во наше време.
Проблемите не ги одбираат луѓето ни времето во кое доаѓаат. Сега дошле. И наша е одговорноста да ги решаваме и да направиме подобро.
Да има раст и развој, да има соживот, да има среќен и задоволен народ.
Ветуваа живот – го уништија животот на илјадници луѓе, ветуваа Европа, не заглавија во корумпирана држава без пасоши, ветуваа просперитет и благосостојба донесоа апатија и разочарувања.
Од толку многу скандали кои некогаш се и по два три дневно, не можеме веќе и да се сетиме на сите не може да се сетиме на сите глупости што ги направија, но ако не може да се сетиме не значи дека чувството на разочараност не напуштило или дека гневот што ја урнисаа државата ќе ни помине“, изјави Христијан Мицкоски, претседател на ВМРО-ДПМНЕ.
Македонија
Сања Лукаревска во Крива Паланка: Само кога СДСМ победува, победници се и државата и граѓаните
Важноста на овие избори не е во тоа дали ќе ги задржиме нашите позиции туку да ја сочуваме државата, нејзината стабилна и предвидлива иднина. СДСМ е силна, голема, моќна партија која поминала низ бројни премрежја од кои излегувала посилна. Не смееме да заборавиме низ што поминавме, и ние и нашата држава. Не смееме да ги заборавиме оние мачни години, години на прислушување, на закани, на молк, на навреди, рече носителката на третата изборна единица Сања Лукаревска, вечерва во Крива Паланка.
– Победивме заедно со народот, со слободољубивите граѓани, го исполнивме нашето најголемо ветување-живот во слобода. Сега ви ветуваме иднина, предвидлива, спокојна, европска. Затоа, клучно е СДСМ да победи на изборите. Сите добро знаете дека не претерувам кога велам дека само кога СДСМ победува, победници се и државата и граѓаните, рече Лукаревска.
Таа истакна дека во времето на кризи ниту еден граѓанин не беше заборавен.
„Се грижевме за сите граѓани, да им останат работните места, да добијат помош оние кои работат во приватниот сектор, непречено да тече исплатата на пензиите, социјалната помош, помошта за најранливите. Не ги заборавивме ниту земјоделците, ниту сточарите. За нас проблемите се предизвик. И тука сме. Се бориме со проблемите, не ги сокриваме, не ги подметнуваме кај друг. И затоа ќе победиме. Сите ќе победиме.
Знам дека Крива Паланка и на 24 април и на 8 мај ќе го направи најдобриот избор- Стево Пендаровски и Социјал демократскиот сојуз на Македонија. Ви ветувам дека заедно ќе ја прославиме победата. Тоа е победа на граѓаните, победа на Европска Македонија. Нема откажување од иднината, таму е нашата заедничка победа“, рече носителката на третата изборна единица, Сања Лукаревска.