Македонија
ВМРО-ДПМНЕ:СДСМ создаваат политички простор со лажни поделби
На денешната прес конференција предизвикана како што велат од ВМРО-ДПМНЕ од невтемелената ароганција, неискреност и популизам на опозициската СДСМ и на Бранко Црвенковски, беше речено дека тоа е само обид за создавање на политички простор со создавање лажни поделби во општеството
„ВМРО-ДПМНЕ го смета за свој политички успех пристапот според кој партиите ја освојуваат довербата на изборите врз основа на понудена програма, за која се обврзуваат да ја реализираат, со што носат одговорност пред граѓаните, но ив врз изградениот кредибилитет на личностите што стојат зад таквата програма.“, рече на прес-конференцијата Директорот на центарот за комуникации на ВМРО-ДПМНЕ Илија Димовски.Димовски истакна дека владејачката партија ја покажала својата одговорност пред граѓаните и дека работи на ветената платформа, со личности кои со своето професионално минато гарантираат доследна реализација.„Од вкупно предвидените 751 проект од партиската политичка изборна програма „Преродба во 100 чекори – надградена и проширена“, реализирани се 352 проекти, во тек е реализацијата на 101, а 257 проекти ќе се реализираат во идните години. Наспроти тоа, пак, го имаме Бранко Црвенковски, кој како и во 2002 година повторува истите фрази надполонети со илјадници лажни и нереални ветувања.“, потенцираше Димовски.Од ВМРО-ДПМНЕ истакнуваат дека Владата предводена од ВМРО-ДПМНЕ само во оваа година на својот мандат, издвојува 70 милиони евра субвенции како директна поддршка на македонското земјоделие, а Владите на социјалдемократскиот сојуз издвојуваа само 4 милиона евра годишно.Владата на ВМРО-ДПМНЕ во неколку наврати, ги зголеми примањата на пензионерите, а СДСМ им одзема 8 % од нивните пензии.ВМРО-ДПМНЕ, онолку колку што можеше, им помогна на стечајците, Владите на СДСМ го создадоа проблемот на стечајцитеи невработените.ВМРО-ДПМНЕ обезбеди двојно зголемен буџет во образованието, за разлика од СДСМ која не инвестираше ниту денар во македонското образование..Владата на ВМРО-ДПМНЕ ги зголеми за 10%, односно 20% платите на јавната администрација, СДСМ воопшто не ја покачи.Владата на ВМРО-ДПМНЕ вети и оствари добивање на препорака за визна либерализација од Европската комисија, СДСМ не направи ништо за исполнување на зададените услови за либерализација на визниот режим.По вчерашниот отчет на ВМРО-ДПМНЕ и за нивните два нови проекти кои се во план, тие денеска уште еднаш информираа дека Партијата во периодот што следува ќе промовира проекти, кои треба да го подобрат животот на нашите граѓани, а кои не беа предвидени со последната избопрна програма.„службите за меѓународна соработка на ВМРО-ДПМНЕ изминатиот период остварија серија контакти со нашите сестрински партии, со кои активно работиме на нови мерки и проекти во функција на динамизирање и натамошно современување на работата на Партијата, како и пшромовирање на нови проекти во повеќе области, а особерно во образованието, економијата и социјалата за што ќе бидете известувани во периодот што следува, проекти кои не се ветени, но кои според својата природа и нужност ние ќе ги реализираме.“, рече Димовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Спречени 3.000 вработувања и унапредувања предложени од техничката влада
Управниот суд ги поништи решенијата за вработување и унапредување на над 3.000 вработени во Министерството за финансии и јавниот сектор, бидејќи се прекршил Законот за техничка влада, соопшти заменик-министерката за финансии, Елена Петрова.
Како што вели, иако одлуките морале да бидат одобрени со нејзин потпис, како што предвидува Законот за техничка влада, министерот Бесими ги потпишал сам.
„Незаконити се одлуките на министерот за финансии и државниот секретар во Министерството за финансии по спроведените постапки за вработување и унапредување во Министерството за финансии, како и одлуките на министерот за финансии за давање согласности за вработување во јавниот сектор, сите донесени по формирањето на преодната влада за организирање на изборите. Ова е потврдено со судски одлуки. Вишиот Управен суд донесе две пресуди во моја корист со кои ги поништи како незаконити одлуките на ДИК кои беа донесени врз основа на барање на Министерството за финансии“, рече Петрова и додаде:
„Со поништувањето на одлуките на ДИК сите наведени акти поврзани со вработување во Министерството кои не се потпишани со врзан потпис на министерот за финансии и на дополнителниот заменик-министер не произведуваат правно дејство. Истото се однесува и на издадените согласности за вработувања по сите основи во целиот јавен сектор, како и започнатите постапки врз основа на тие согласности“.
Македонија
Македонската армија ѝ се заблагодари на Норвешка со знамето на Исланд
Од Армијата на Македонија ги измешаа знамињата на Норвешка и Исланд.
Во благодарноста на „Фејсбук“ триесетина минути стоеше, наместо норвешкото, знамето на Исланд.
„Моторните возила од Кралството Норвешка веќе се на својата крајна дестинација. По нивното распоредување, армиските единици ќе добијат поголема транспортната способност и мобилност“, напишаа од македонската Армија.
Македонија
Македонката Светлана Мојсов меѓу 100-те највлијателни личности во светот според магазинот „Тајм“
Македонката Светлана Мојсов, светски познат научник, чие истражување за хормоналните предизвикувачи за производство на инсулин доведе до револуционерни третмани за дијабетес и дебелина, е меѓу 100-те највлијателни личности во светот за годинава, според најновиот избор на американскиот магазин „Тајм“.
Таа се најде во овој престижен избор заедно со уште двајца научници, Џоел Хабенер и Ден Дракер, во сегментот „Пионери“, меѓу други влијателни личности, како Америка Ферера, Лесли Локо, Офелија Дал, Кенеди Одеде и други.
Како што пишува Алис Парк, виш дописник на „Тајм“, во образложението за изборот на Мојсов, Хабенер и Дракер, појавата на ефикасни лекови за слабеење, како што е „вегови“ (Wegovy), е кулминација на долгогодишната тимска работа.
Научниците во Европа и во САД, кои први работеа на лековите за дијабетес, направија критична врска помеѓу инсулинот и инкретините, дел од семејството цревни хормони, познати како глукагони, со што им помогнаа да разберат како да управуваат со нивото на шеќерот во крвта и тежината.
Во годинашната листа на магазинот „Тајм“ во категоријата највлијателни лидери се сопругата на починатиот руски опозиционер, Јулија Навални, кинескиот премиер Ли Џијанг, полскиот премиер Доналд Туск, аргентинскиот претседател Хавиер Милеи и италијанската премиерка Џорџа Мелони меѓу лидерите.
Покрај нив, помеѓу највлијателните лидери се и бразилската министерка за животна средина и климатски промени, Марина Силва, директорот на ЦИА, Вилијам Барнс, и шефот на кабинетот на украинскиот претседател, Андриј Јермак.
Во изборот на највлијателните личности на американскиот весник се најдоа и јапонскиот режисер Хајао Мијазаки, британската пејачка со албанско потекло, Дуа Липа, британскиот актер Дев Пател и австралиската пејачка Кајли Миног.