Македонија
Советниците го усвоија ЛЕАП-от на Општина Аеродром
Советот на Општина Аеродром неодамна донесе одлука со која се усвојува Локален еколошки акционен план – ЛЕАП во Општина Аеродром
Ваквата одлука практично значи дека благодарение на ЛЕАП-от ќе се надминат проблемите во животната средина, ќе се најдат начини и ќе се развијат стратегии за решавање на проблемите од областа на заштита од загадување и подобрување на квалитетот на воздухот, пречистување на водите, управување со отпадот, урбан развој и просторно планирање, подигање на јавната свест и развој на образованието за заштита и унапредување на животната средина, како и информираност на граѓаните во областа на животната средина и социо-економскиот развој.Инаку, во подготовката на ЛЕАП-от со свои забелешки и предлози, активно се вклучија и граѓаните, членовите на Советот на Општина Аеродром, како и повеќе организации кои гравитираат на територијата на Општината, а кои беа засегнати со одредени локални проблеми. Притоа, се спроведе и јавна анкета со општи прашања за граѓаните, од кои се согледа нивото на еколошка свест и нивното инволвирање во заштита на животната средина во Општина Аеродром.Исто така, нацрт-верзијата на Локалниот еколошки акциски план за Општина Аеродром (ЛЕАП) беше поставена два месеци на општинската веб страница, со цел граѓаните да имаат директен пристап до овој документ, да го разгледаат и да доставуваат забелешки, предлози и сугестии.Изработката на ЛЕАП-от е прв чекор кон заштита на животната средина преку промоција на одржлив развој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Испукана димна бомба на гласачко место, летоци врз паркирани автомобили во Чаир и графити пријавени во МВР
Портпаролот на МВР, Тони Ангеловски, информираше за текот на изборниот процес од отворањето на избирачките места
„Досега МВР нема регистрирано посериозни нарушувања на јавниот ред и мир при гласањето, гласањето се одвива мирно без проблеми. Од отворањето на гласачките места досега имаме регистрирано две фотографирања на гласачко ливче, едно во Скопје, а едно во Штип. Покрај тоа, во Бучим, радовишко има едно лице кое го покажало гласачкото ливче на набњудувач.
За сите овие настани, како што вели тој, се преземаат мерки за расчистување на случаите.
„Покрај тоа, на територија на општина Чаир се забележани летоци кои биле оставени на паркирани возила, а исто така се испишани и два графити. На едно гласачко место во Скопје покрај испишаниот графит, од страна на претседател на избирачки одбор е пријавено дека во 6.30 часот во ходникот е пронајдена испукана димна бомба. Веднаш се преземени мерки и активности и на ова место гласањето се одвива непречено“, додава Ангеловски.
Апелира до граѓаните и улесниците на изборите, во текот на гласањетоо, до завршувањето, да се воздржат од било какви инциденти.
Македонија
На 12,78 отсто се искачи одѕивот до 11 часот, најголем во Демир Капија 23,99 отсто
До 11 часот на гласање излегле 229.473 граѓани и одѕивот од 3,85, колку што беше до девет часот, се искачи на 12,78 отсто.
Најголем е одѕивот во Демир Капија, 23,99 отсто, каде што од вкупно 3.208 граѓани до 11 часот гласале 769.
На седмите претседателски избори во земјава право на глас имаат 1.814.317 граѓани на 3480 избирачки места.
Македонија
Даштевски: Во првите два и пол часа пријавени се само технички проблеми, кабел или батерија, ги решаваме во од
Ситни техники проблеми околу биометриските уреди се пријавени во првите два и пол часа од гласањето. Претседателот на Државната изборна комисија Александар Даштевски извести дека гласањето се одвива мирно и без неправилности, а техничките проблеми вели дека тековно ги решаваат.
„Пријавени се само технички проблеми, батерија или кабел на биометриските уреди кои ги решаваме во од. Сите гласачки места се отворени и засега нема прекин никаде“, рече претседателот Даштевски.
Одѕивот во првите два и пол часа е 3,85 отсто, но пристигнале податоци од само 832 избирачки места. На овие избори право на глас имаат 1. 814.317 граѓани на 3480 избирачки места.