Македонија
Груевски не учествувал во корекции на спомениците, туку барал мислења од академици
Академик Серафимовски и покрај позитивните оценки и високото мислење за вајарите, најверојатно од личен анимозитет кон некои автори дава критики и неточни изјави во јавноста
Од Владата изразуваат жалење за тоа што се принудени да ги демантираат написите кои се со тенденција за целосна дискредитација на овие проекти. Според нив, од ваквите шпекуалтивни текстови изостануваат какви и да се аргументи и факти како би ги поткрепиле. Канцеларијата на премиерот ги демантира, како што се наведува во нејзината реакција „низата невистини и шпекулации“ кои се појавуваат во дел од медиумите, поврзани со изградбата на споменици кои се во надлежност на Општина Центар, а во кои се споменува премиерот Никола Груевски. Од таму информираат дека Груевски и академикот Томе Серафимовски пред неколку месеци имале подолг разговор во просториите на кабинетот на премиерот на неколку теми, а посебно била опфатена темата за изградба на споменици. Притоа, академик Серафимовски изнесол одредени свои квалификации за некои од ангажираните вајари за спомениците што ги гради Општина Центар, по што премиерот предложи дека доколку прифаќа може да ги види делата кои се во изработка и да даде свое мислење за истите. Академикот Серафимовски се согласил, но инсистирал тоа да биде во координација со Премиерот и претставници на Општина Центар. Исто така, Сефаримовски инсистирал при разгледувањето на спомениците со него да дојдат уште двајца академици, Цветан Грозданов и Хаџи Бошков, што од страна на Груевски било прифатено.Кога била посетена работилницата, спомениците на Гоце Делчев и Даме Груев веќе биле испратени во леарницата во Италија, така што Серафимовски не можел да ги види за да ги оцени, а уште помалку тоа да го направи Премиерот. Тоа во четвртокот беше една од ударните информации на брифираните медиуми, за што од Владата велат дека воопшто не е точно. Поточно, во тој момент била во почетната фаза изработката на споменикот на Свети Кирил, и академиците ги дале своите мислења и забелешки по однос на тоа започнато дело што е на истиот професор кој ги изработи спомениците на Гоце Делчев и Даме Груев. Според овие наводи, може да се извлече заклучокот дека станува збор за лични релации и евентуален анимозитет на професорот кој сега го работи споменикот на Свети Кирил и на академикот Серафимовски, сметаат од Владата, што не сакаат да го коментираат. За нив, како што велат, е важно е да се забележи дека академик Серафимовски за другите споменици дал помали забелешки и сугестии, а за некои од вајарите и самиот високо ги оценил.Авторите на делата кои се предмет на новинските написи, можат да потврдат дека не е точно дека Премиерот правел какви и да се забелешки и корекции на спомениците, велат од Канцеларијата за односи со јавноста. Оттаму тврдат дека нема никаква вистина дека Груевски имал средба со академикот Серафимовски во МАНУ. Академикот Хаџи Бошков, пак, тој ден не дал никаков коментар, а подоцна Серафимовски информираше дека Хаџи Бошков е вајар во друга област и дека не сака да учествува во давање свое мислење за деталите на спомениците во друга област на вајарството – реализам.„КПВРМ потенцира дека проектот со изградба на спомениците го води Општина Центар, а со посетата на академик Серафимовски (чии мислења беа прифатени во поголем дел како совети од дел од ангажираните вајари), Премиерот сакаше да слушне и други мислења на познат скулптор, од причина што овој проект честопати е дискутиран од јавноста и е доведуван во корелација со премиерот“, се вели во реакцијата на Канцеларијата за односи со јавноста на премиерот Груевски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
(Видео) „Прифатена Иницијативата за конфискација на дивоградби, ова е голема победа на општината“, вели Герасимовски
Општина Центар извојува победа. Една година по поднесувањето на Иницијативата за регулирање, конфискација и пренамена на бесправно изградени објекти од градоначалникот на Општина Центар Горан Герасимовски до ЗЕЛС, Собранието го донесе Законот за управување со конфискуван имот, имотна корист, одземени предмети во кривична и прекршочна постапка.
Станува збор за Иницијатива со која на сите локални самоуправи во државата им се дава можност за конфискација на бесправно изградените објекти на нивна територија и нивна пренамена во функција на општината.
„Општина Центар е лидер во промени, лидер во храбри и позитивни одлуки и решенија во полза на граѓаните. Прифаќањето на Иницијативата за конфискација и пренамена на бесправно изградени објекти и нејзино преточување во Законско решение е победа на Општина Центар но и сите други општини во државата. Собранието на 19 овој месец, го донесе Законот за управување со конфискуван имот, имот на корист, одземени предмети во кривична и прекршочна постапка, каде во Членот 66 е преточена Иницијативата која ја поднесов до ЗЕЛС со која се дава можност Агенцијата за конфискуван имот врз основа на одлука на Владата дивоградбата да ја предаде на општината. Ова значи дека ние општините имаме две можности или да го легализираме објектот или доколку има услови истиот да го урнеме во рок од 6 месеци од прием. Доколку одлучиме да го легализираме, ќе можеме да го дадеме на социјално ранливи категории на граѓаните или на користење за разни културни, пензионерски, младински домови“, посочи Герасимовски денеска пред медиумите.
Герасимовски појаснува дека новото Законско решение налага локалните самоуправи да не можат да го ОТУЃАТ објектот на градежни фирми или други субјекти кои се работат со недвижности, што всушност значи дека се иззема било каква можност за профит на сметка на нелегално изградените објекти. Новиот Закон за управување со конфискуван имот, имотна корист, одземени предмети во кривична и прекршочна постапка не се однесува за дивоградбите кои се на приватно земјиште, за кои веќе се води инспекциска постапка за рушење или се води постапка за легализација.
На прес-конференцијата Герасимовски потсети дека иако поднесувањето на Иницијативата беше широко прифатена од градоначалниците сепак мораше да ги помине институционалните процедури во Министерството за транспорт и врски, Министерството за правда и Собранието како законодавен дом.
„Во државата има близу 100 илјади дивоградби, еве во Општина Центар има дивоизградени објекти и на државно земјиште и во зелена зона. За онеспособување на два такви поголеми објекти сумите се енормно високи, околу 5,5 милиони денари за две згради да ги оневозможиме да бидат функционални. Но сега со новото законско решение наместо дувло на бездомници како што најчеста е реалноста дивоградбите ќе можат да се пренаменат и за други потреби односно да бидат или пензионерски домови, креативни работилници или клубови за млади или пак предадени за социјално загрозени семејства“, потенцира Герасимовски.
Герасимовски напоменува дека со донесувањето на ова законско решение ќе се превенира урбанистичкиот хаос, а градежниците ќе треба да се запрашаат дали ќе градат без одобрение за градба. Воедно потсетува градоначалникот дека средствата планирани за уривање на нелегални објекти општините ќе може да ги пренаменат во други потреби за граѓаните.
Македонија
ЛДП в петок организира „Pet Friendly“ ден во канцеларијата „Либерално ќоше“
Во новоотворената канцеларија на ЛДП „Либерално ќоше“ во срцето на Скопје в петок од 18:00 часот ќе се одржи „Pet Friendly“ ден за дружење, разговори и идеи на граѓаните со претседателката на Либерално-демократската партија Моника Зајкова.
– Водејќи се од нашата совесност, свесност и одговорност, покренавме иницијатива за носење на нов закон за благосостојба на животните. Милениците, се семејство, не потрошен предмет и затоа секој сопственик кој го остава својот миленик на улица треба да сноси одговорност и да се обезбеди регулиран систем на одговорно одгледување и размножување. Воедно да се обезбедат соодветни услови за бездомните кучиња и мачки и при тоа да ги заштити граѓаните од несакани повреди, е пораката на Зајкова.
Граѓаните се добредојдени на петочното дружење заедно со своите миленици, а своите идеи и предлози може да ги споделат и во писмена форма.
На полето на заштита на животните, ЛДП до Собранието поднесе и предлог за изменување и дополнување на Законот за заштита и благосостојба на животните, којшто ќе воведе построги мерки против оставање животни на улица, поодговорно сопствеништво и ќе ги подобри нивните услови.
Скопје
„Маски, смеа, рингишпил- дојди во Шеговил!“ – голема забава под маски во Кисела Вода
Под слоганот „Маски, смеа, рингишпил- дојди во Шеговил!“ општина Кисела Вода, в понеделник, на први април, организира голема забава под маски за најмладите.
Пред салата Расадник ќе биде поставен забавен парк со најразлични реквизити, ќе има кловнови и аниматори, а за музичкиот дел се задолжени „Поточиња”.
Настанот започнува во 11 часот, а за изборот на најдобра маска ќе одлучи жири комисија од општината. Најдобрите маски ќе добијат награди, велат од општината и ги покануваат сите дечиња да дојдат во Шеговил и со своите насмевки, шеги и маски да поминат еден прекрасен ден.