Македонија
Иванов: Македонија ја докажа својата полнолетност
„Обидите Македонија да се отргне од патот на заемната соработка нема да успеат. Нема да не’ поколебаат обидите со неправди, со омаловажување, да не’ натераат да се откажеме. Долго време имаа можност да свикнат дека Македонија е реалност на Балканот“, рече Иванов во обраќањето на свечената академија
„Наспроти оние кои сметаа дека Македонија не е зрела, не е подготвена да зачекори сама. Наспроти заплашувањата – да не излегуваме на бришаниот простор на независни и самостојни држави. Наспроти советите дека е подобро да бараме некој друг да се грижи за нас и да ги презема нашите обврски. Одлуката која ја донесовме сите ние, тогаш, беше бунт против малодушноста која го кочеше македонското општество. На денешен ден нашите граѓани најсилно и најсрдечно ги охрабрија оние кои замижуваа или се колебаа и сите заедно тргнавме напред, истакна претседателот Ѓорге Иванов вечерва во Македонската опера и балет по повод празнувањето на 8 Септември – Денот на независноста.Иванов рече и дека Република Македонија на 8 септември 1991 г. го покажа своето полнолетство и покрај притисоците под кои земјата се најде уште од првите нејзини денови и како што рече – денес е тука, постои и ќе постои со својата јазична, културна, религиозна и етничка посебност како модерна, демократска и отворена држава. „На 8 септемви ’91-та македонскиот народ создаде своја држава, како гарант на неговата јазична, културна, религиозна и етничка посебност. Заедно со сите оние кои живеат во и за Македонија, создадовме и градиме слободна, независна, демократска и модерна држава. Нашата Македонија ја создадоа и ја градат и Македонци и Албанци и Турци и Срби и Роми и Власи и Бошњаци. И сите кои живеат во неа. Нашата слободна и независна држава ја создаде и гради и нашата македонска дијаспора, нашите патриоти и собраќа ширум светот, и сите наши пријатели од различни нации кои веруваат во принципите на демократијата и слободата. Независна и суверена Република Македонија се издигна како факел на демократијата. Држава во која сите етнички и религиозни идентитети, идеологии и лични убедувања се гарантирани и промовирани како човеково право, но и заедничка вредност која не прави побогати и посилни. Преку Охридскиот договор и постојаното инвестирање во културната, јазичната, религиозната и етничката разноликост на нашето општество, создадовме модерна и отворена држава“, нагласи Иванов. Како што рече македонскиот претседател Иванов, 8 Септември не е само македонски празник, туку и прилог во светската заедница на слободни народи, во која Република Македонија сака да биде рамноправен и достоинствен партнер на сите европски и светски држави кои ги делат нашите вредности и ги почитуваат демократијата и слободата. Тој порача да не се заборава и да се следи примерот кој пред 18 години го дадовме сите заедно со храброто референдумско „Да“, бидејќи секој граѓанин со своето знаење, креативност, упорност и индивидуална енергија, со нескротливиот дух, желбата да се работи и да се успее ја чини младоста и динамичноста на Македонија. Осврнувајќи се на новите предизвици, Иванов рече дека наскоро очекува Европската комисија да препорача датум за отпочнување на претпристапните преговори, бидејќи економски силна и интегрирана Република Македонија е заеднички интерес за нацијата.„Македонија и нејзините граѓани со право очекуваат поддршка за своите постигнувања. За спроведените реформи и за постојаната и посветена европска и евро-атлантска ориентација. За бранењето на европските идеали во срцето на Балканот. Сакаме и очекуваме датум на кој ќе ја продолжиме оваа успешна приказна од нашата историја. Зошто идејата за европската иднина силно ги обединува нашите граѓани и ги прави посилни. Мораме цврсто да ја обединиме нашата нација околу заедничкиот интерес – слободата и просперитетот на сите македонски граѓани! Економски силна и интегрирана Република Македонија“, рече претседателот Ѓорге Иванов.На свеченоста во Македонската опера и балет, меѓу бројните гости присуствуваат премиерот Никола Груевски, претседателот на Собранието Трајко Вељановски, поранешни претседатели, пратеници и министри, претставници на верските заедници, на дипломатскиот кор и други истакнати личности.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Посебен сообраќаен режим викендов во Скопје поради предизборни митинзи
Поради предизборни митинзи за претседателските избори викендов во централното градско подрачје ќе биде воведен посебен сообраќаен режим.
Како што информира Министерството за внатрешни работи од денеска од 19 часот до утре до 21 часот на улицата „Св. Кирил и Методиј“ ќе биде воведен посебен сообраќаен режим поради одржување на митинг што ќе се одржи утре во 13 часот пред седиштето на Европската унија. За сообраќај ќе биде затворена ул.„Св.Кирил и Методиј“ на потегот од крстосницата со бул.„Кочо Рацин“ до крстосницата со бул.„Св. Климент Охридски“.
Утре во 20 часот на плоштадот „Македонија“, пак, ќе се одржи митинг од изборната кампања за претседателските избори поради што Единицата за безбедност на патниот сообраќај при СВР Скопје ќе преземе мерки за посебен режим на сообраќај во централното градско подрачје, а сообраќајот времено ќе се запира на сообраќајниците по кои ќе се движат учесниците на настанот.
Од МВР апелираат до граѓаните да ги почитуваат наредбите на полициските службеници.
Македонија
Во вторник предизборен молк, до тогаш продолжува презентацијата на изборните програми
Во рамки на кампањата за парламентарните избори, која почна во четвртокот, и денеска кандидатите за пратеници во шесте изборни единици ќе ги претстават своите платформи пред граѓаните во повеќе делови од државата. Во исто време продолжува и кампањата за претседателските избори, чиј прв круг ќе се одржи в среда, на 24 април, додека вториот круг треба да се одржи заедно со парламентарните избори на 8 мај.
Кандидатот за претседател поддржан од коалицијата на СДСМ Стево Пендаровски во рамки на изборниот караван денеска ќе ги посети жителите на Ново Село, Босилово, Василево, а митинзи ќе одржи во Радовиш и во Струмица.
Кандидатката за претседател на државата поддржана од ВМРО-ДПМНЕ, Гордана Силјановска-Давкова ќе ја презентира програмата пред граѓаните во Македонска Каменица, Пехчево, Берово и Делчево.
Претседателскиот кандидат Стевчо Јакимовски и коалицијата „Храбро за Македонија“ ќе одржат митинг во скопската населба Карпош, а кандидатот за претседател на Движењето ЗНАМ – За наша Македонија Максим Димитриевски ќе ја презентира програмата пред граѓаните во Ресен, Претор, Новаци и во Битола.
Во рамки на третиот ден од кампањата за парламентарни избори, претседателот на СДСМ Димитар Ковачевски ќе биде меѓу граѓаните на Брвеница и на Тетово.
Македонија
Пендаровски: Понудата на Мицкоски за коалицирање е знак на слабост
Кандидатот за претседател Стево Пендаровски синоќа од Бутел рече дека е легитимно и дека е демократски избор секој да коалицира со кого сака. Но, понудата на претседателот на ВМРО-ДПМНЕ, Христијан Мицкоски за коалицирање со неговата партија, уште на првиот ден од кампањата за парламентарни избори, покажува дека тој бара помош.
„Ние среде кампања не бараме помош од пријател. Мене ми се чини дека тоа е јасен знак на слабост, затоа што господинот Мицкоски знае што го очекува на 24 април и на 8 мај. Инаку зошто би барал помош од страна?“, рече Пендаровски.