Македонија
Македонија денеска во исчекување на извештајот на ЕК
Македонија од своето осамостојување во 1991 година како стратешки цели на државата ги определи приклучувањето во Европската унија и во НАТО
Последниот голем настан во низата односи меѓу Скопје и Брисел се очекува денеска со објавувањето на новиот извештај на Европската комисија за напредокот на Македонија во приближувањето до ЕУ.Што значи членството во ЕУ за Република Македонија?Членството во Европската Унија е стратешки интерес на Република Македонија од нејзиното осамостојување. Oд воспоставувањето на дипломатските односи со ЕУ во декември 1995, Република Македонија се легитимираше како партнер од доверба и вистински сојузник на Европската унија, при тоа не прескокнувајќи ниту една институционална етапа во приближувањето кон Унијата: од склучување на Спогодбата за соработка, преку Спогодбата за стабилизација и асоцијација, до стекнувањето на кандидатскиот статус.Во декември 2005 година, со стекнувањето на статусот земја-кандидат за членство во ЕУ, Република Македонија влезе во клучна фаза од процесот на европската интеграција. Одлуката на Европскиот совет за доделување на кандидатскиот стаус беше политичко признание за напредокот кој го постигна Република Македонија во остварувањето на реформските процеси и во градењето на отворено, демократско општество.Целта на Република Македонија на среден рок е целосно да ги исполни европските стандарди за функционална демократија и просперитетна пазарна економија, оспособена да ги преземе обврските од членството во ЕУ. Агендата за пристапување на државата во ЕУ е рефлектирана во Националната програма за усвојување на правото на ЕУ (законодавни измени и мерки за институционално зајакнување на краток и среден рок), Претпристапната економска програма (мерки за исполнување на копенхашките економски критериуми) и Националниот план за развој (инвестициони приоритети за остварување на развојните цели на државата).Главните краткорочни цели на Владата на Република Македонија во односите со Европската Унија се отпочнување на пристапните преговори и либерализација на визниот режим на ЕУ кон граѓаните на Република Македонија.Хронологија на односите меѓу Македонија и ЕУВо очекување на извештајот со мала хронологија потсетуваме на досегашните клучни настани во односите меѓу Македонија и Европската унија:
-22 декември 1995 година – Скопје и Брисел воспоставија дипломатски односи – 10 март 1996-та – Македонија стана полноправна членка на ФАРЕ програмата.- 20 март 1996-та – почнаа преговорите за склучување Спогодба за соработка меѓу Македонија и ЕУ, како и за Спогодбата за транспорт.- 1 јануари 1998-ма – стапи во сила Спогодбата за соработка меѓу Македонија и ЕУ. Спогодбата за транспорт стапи во сила во ноември 1997 година.- 11 март 1998-ма – потпишана Спогодбата за трговија и текстил.- 22 март 1998-ма – во Скопје се одржа првиот состанок на заедничкиот Совет за соработка меѓу Македонија и ЕУ.- 24 јануари 2000-та – ЕУ ги усвои директивите што се однесуваат на подигнување на нивото на соработка меѓу Македонија и ЕУ и на формалното започнување на преговори за потенцијално членство во ЕУ.- март 2000-та – Брисел воспостави Делегација на Европската комисија во Македонија, со што односите се подигнаа на амбасадорско ниво.- 5 април 2000-та – официјално започнување на првата рунда преговори меѓу Македонија и ЕУ за Спогодбата за стабилизација и асоцијација.- 24 ноември 2000-та – на маргините на Самитот во Загреб беше парафирана Спогодбата за стабилизација и асоцијација меѓу Македонија и ЕУ.- декември 2000-та – Македонија вклучена во регионалната КАРДС програма за 2002-2006.- 16 февруари 2001-ва – парафирање на Времената спогодба за регулирање на трговските одредби од Спогодбата за стабилизација и асоцијација. – 9 април 2001-ва – во Луксембург потпишана Спогодбата за стабилизација и асоцијација и Времената спогодба за трговија и трговски прашања меѓу Македонија и ЕУ. – 22 март 2004-та – Македонија во Даблин го поднесе барањето за членство во ЕУ, за време на ирското претседавање со Унијата.- 1 април 2004-та – стапи во сила Спогодбата за стабилизација и асоцијација, по ратификувањето од страна на сите земји-членки на ЕУ. – 6 септември 2004-та – Владата ја усвои Националната стратегија за европска интеграција.- 1 октомври 2004-та – претседателот на Европската комисија, Романо Проди и го предаде Прашалникот на Владата на Република Македонија во Скопје. – 14 февруари 2005-та – Владата ги предаде одговорите на Прашалникот од Европската комисија на претседателот на Комисијата Жозе Мануел Баросо во Брисел. – 9 ноември 2005-та – Европската комисија го објави мислењето за кандидатурата на Македонија за членство во ЕУ. – 17 декември 2005-та – Претседателството на Европскиот совет во Брисел на Македонија и додели статус на кандидат за членство во ЕУ.Македонија и оваа есен се надева дека ќе ја надмине фазата на земја кандидат и со денешниот извештајот на Европската Комисија, очекува да добие препорака за датум за преговори. Дури и да се добие долгоочекуваниот датум за преговори тоа е постапка која што трае неколку години, велат експертите.Различни очекувања меѓу политичките субјекти на власт и во опозиција, околу претстојниот извештај на Европската Комисија за напредокот на Македонија кон ЕУ. Опозициските партии се скептични дека извештајот ќе биде позитивен. Владеачките партии се оптимисти со објаснување дека Владата го исполнила најголемиот дел од критериумите поставени од страна на Европската Комисија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Странски новинари, преведувачи: вкупно 942 набљудувачи ќе ги следат претседателските избори
Вкупно 942 набљудувачи, странски новинари и преведувачи се акредитирани за следење на Претседателските избори на 24 април.
Како што е објавено на веб страницата на ДИК, заклучно до 19 април, акредитирани се 342 домашни и 568 странски набљудувачи и преведувачи, од кои најбројни се од ОБСЕ/ОДИХР.
Парламентраните избори во земјава ќе ги следат над 2000 домашни и странски набљудувачи.
Изборите за шеф на државата ќе ги следат и странски новинари.
Седмите претседателски избори во земјава ќе се одржат на 24 април, а евентуалниот втор круг заедно со парламентарните на 8 мај.
Македонија
Предизборен молк пред утрешните претседателски избори, денеска гласа дијаспората, болните и затворениците
Започна предизборниот молк пред утрешните претседателски избори. Молкот завршува на 24 април во 19 часот, кога се затвораат избирачките места.
Денеска ќе гласаат избирачите запишани во посебниот извод од избирачкиот список, односно дијаспората, затворениците, лицата во старските домови, болните и изнемоштени и внатрешно раселените лица.
Гласањето за претседател започна во саботата, први гласаа членовите на избирачките одбори кои отпатуваа да го спроведат гласањето во дијаспората.
Во посебниот извод од избирачкиот список се запишани 191 избирачи кои треба да го спроведат гласањето во дијаспората.
Во дипломатските претставништва и конзуларни канцеларии треба да гласаат наши граѓани кои живеат во странство а кои се пријавиле за гласање.
Право на глас имаат 1.814.317 гласачи запишани во единствениот избирачки список. Избирачките места се отвораат во 7 часот, а гласањето трае до 19 часот. Се гласа на 3480 избирачки места во целата земја.
Скопје
Петровец, Сарај, Карпош, Кисела Вода и Центар денеска без струја
Регионалниот центар за управување со кризи на Град Скопје, по добиеното известување од ЕВН, информира дека поради технички зафати во електродистрибутивната мрежа, без електрична енергија ќе останат делови од општините Петровец, Сарај, Карпош, Кисела Вода и Центар.
· од 8.30 до 14.30 часот корисниците од селата Кожле и Бадар, како и тунелот кај Катланово на автопатот Велес – Скопје (општина Петровец);
· од 9 до 11 часот корисниците од село Кондово (општина Сарај);
· од 9 до 11 часот корисниците од делови од улиците Вич и Разловечко востание (општина Карпош);
· од 9 до 12 часот корисниците од делови од улиците Иван Козаров и Тоне Томшиќ. (општина Кисела Вода);
· од 9 до 15 часот корисниците од дел од улицата Максим Горки, односно објектите во околината на Домот на градежниците (општина Центар);
· од 11 до 13 часот корисниците од дел од улицата Орце Николов, поточно објектите во околината на куќните броеви 155 и 156 (општина Карпош)