Македонија
СДСМ ќе учествува на денешната седница за Косово
Опозицијата иако гледа заговор во итното закажување на собраниската седница за ратификација на Договорот за демаркација на границата со Косово, сепак ќе учествува во расправата, соопштуваат од СДСМ.
Оттаму велат дека одлуката да бидат присутни на денешната седница е со цел да оневозможат границата со Косово конспиративно да помине „зад грбот на народот“.
Владата доцна синоќа го усвои Предлогот за ратификација на Договорот за физичка демаркација на границата меѓу Република Македонија и Република Косово и истиот веднаш го достави до Собранието на Република Македонија. Претседателот на Собранието Трајко Вељановски доцна синоќа за денеска на пладне закажа собраниска седница на која пред пратениците ќе се најде ратификацијата на Договорот.„СДСМ не се согласува за едно вакво прашање, како што е границата со Косово, до таа мера да се инсистира на итност и од петок навечер набрзина да се закажува седница за сабота. Со ваков пристап се создава сомнеж дека нешто се крие! Сепак ќе бидеме присутни на седницата за да се оневозможи се’ да помине конспиративно зад грбот на народот“, велат од СДСМ.Според дневниот весник Дневник во договорот за физичко разграничување помеѓу двете држави имало и мала размена на територии. Според уставот за измена на границата на државата одлучува Собранието со 2/3 мнозинство или пак на рефенернудм. Ратификацијата на меѓудржавните договори пак, се прави со обично мнозинство.Постигнатиот договор за демаркација на границата меѓу Скопје и Приштина го поздравија САД и ЕУ.„Раководствата во двете држави покажаа голема решителност и направија значаен чекор напред кон обезбедувањето на регионалната стабилност. Го очекувамо брзото воспоставување и на дипломатски односи меѓу двете земји, се наведува во соопштението од Амбасадата на САД во Скопје.Во писмената изјава, пак, на високиот претставник на ЕУ за надворешна и безбедноста политика Хавиер Солана, се вели дека постигнатиот договор е знак на зрелост, орговорност и меѓусебно почитување.Се очекува набрзо по ратификувањето на Договорот, Макеоднија да воспостави целосни дипломатски односи со северниот сосед. Тоа веќе синоќа на заедничка средба го најавија Али Ахмети, претседател на ДУИ и коалиционен партнер во Владата.„Ако вчера беше прерано, денес веќе е дојдено времето да се воспостават дипломатските односи, ова може да се случи денес, може да се случи утре или ден потоа, или за 24 часа, не ме држете за збор. Постои многу добра клима меѓу двете држави, и ова е од корист на Македонија и Косово“, рече Али Ахмети, претседател на ДУИ.Македонија го призна независно Косово на 9 октомври минатата година, а дипломатски односи не беа воспоставени, поради проблемот со одредувањето на границата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Властите во Бугарија продолжија да негираат регистрација на етничко-македонски активистички групи“, се наведува во извештајот на Стејт департментот
Министерот за правда ги затвори бугарските културни клубови „Цар Борис Трети“ и „Иван (Ванчо) Михајлов“, повикувајќи се на законот од 2022 година, со кој се бара од организациите именувани по поддржувачи или соработници на фашизмот да ги променат своите имиња, се наведува во извештајот на Стејт департментот.
„Во февруари, по препорака на Комисијата за антидискриминација, обвинителството во Битола отвори прелиминарна истрага за клубот „Иван (Ванчо) Михајлов“ поради говор на омраза. Претседателот на клубот беше обвинет за поттикнување етничка и расна омраза и нетолеранција и ширење расизам и ксенофобија. Две лица се обвинети за нанесување тешки телесни повреди на Христијан Пендиков, кој се саморегистрирал како Бугарин, по национална и етничка основа на омраза“, се вели во извештајот.
Во однос на слобода на здружување во Бугарија, во извештајот се наведува дека Законот предвидува право на слобода на здружување и владата генерално го почитувала.
„Властите продолжија да негираат регистрација на етничко-македонски активистички групи како што се Обединета македонска организација-Илинден, Друштвото на угнетените Македонци во Бугарија-жртви на комунистичкиот терор, Здружението за заштита на основните индивидуални човекови права 2023 година и Македонскиот културен клуб „Никола Вапцаров“ и покрај бројните претходни одлуки на Европскиот суд за човекови права дека негирањето ја нарушува слободата на здружување на групите.
Во февруари, Окружниот суд во Пловдив ја потврди одлуката на Агенцијата за регистрација со која се одбива регистрацијата на Обединетата македонска организација Илинден-Пловдив со образложение дека целите на групата, вклучително и официјалното признавање на македонското етничко малцинство, биле насочени кон поделба на нацијата и ќе создадат услови за етнички конфликт. Во мај, Апелацискиот суд во Пловдив ја потврди одлуката на понискиот суд“, нотира извештајот.
Македонија
Недоверба кон судството, насилства кон ЛГБТ-и заедницата и поткопана слобода на изразување, забележа Стејт департментот во извештајот за човекови права во Македонија
Сериозна владина корупција, сериозни ограничувања на слободата на изразување и слободата на медиумите, насилство и закани за насилство насочени кон ЛГБТ-и заедницата се само дел од забелешките во извештајот на Стејт департментот за состојбата со човековите права во Северна Македонија во 2023 година.
Извештајот меѓудругото нотира значителни „одложувања во судењата кои вклучуваат сериозна корупција, при што само неколку беа завршени до септември, вклучително и оние против поранешни владини функционери. Уставот предвидува независно судство, но владата не секогаш ја почитувала судската независност и непристрасност, вели извештајот.
„Веродостојните извештаи за неоправдано судско несоодветно однесување, непотребен политички и деловен притисок врз судиите, непотизам, клиентелизам, долготрајна правда, несоодветно финансирање, отпор кон користење на законски задолжителна технологија и недоволен кадар, ја попречија судската ефикасност и влијаеше на довербата на јавноста во владеењето на правото“.
Анкетите покажале силна недоверба на јавноста кон судството.
„Унапредување под политичко влијание без заслуга или транспарентност се случи во судството и обвинителството. Во јануари, Судскиот совет утврди дека двајца судии на Апелациониот суд во Скопје свесно ги одложиле одлуките за да ги истуркаат обвинетите да го поминат рокот на застареност. На 26 април, Судскиот совет го разреши својот претседател, потег што критичарите тврдеа дека укажува на политичко мешање. Двајца членови поднесоа оставки од Судскиот совет како одговор, а неколку истакнати граѓански организации побараа целосна оставка на Советот“.
Слободата на изразување била поткопана од неефикасноста на правосудниот систем, недостатокот на транспарентност во однос на медиумското рекламирање од страна на државните институции, несоодветното однесување во име на јавните службеници во нивната интеракција со новинарите, притисокот врз новинарите кои истражуваат корупција, дезинформациите, говорот на омраза во онлајн и социјалните медиуми, и самоцензура.
Македонија
Одрони на неколку патни правци
ЦУК извести дека преку единствениот број за Итни повици Е-112 добиена е дојава за одрон на патот кај Калиманци, на регионалниот пат Македонска Каменица-Виница, 5 километри пред влезот на Македонска Каменица.
За настанатата состојба известени се ЈП за оддржување на регионалните и магистралните патни правец и екипите се излезени на терен за да го саниррат одронот, додаваат од ЦУК.
Исто така добиена е дојава за одрон на патен правец село Удово-Демир Капија.
„Точната локација е 2-3 километри после село Удово во правец спрема Демир Капија. За настанатата состојба известени се ЈП за оддржување на регионалните и магистралните патни правец и екипите се излезени на терен за да го санираат одронот“, соопшти ЦУК.